ابي لايفاده منكم يابنات ؟ انا توني متزوجه !!

[bant qtr]

السلام عليكم ورحمه الله وبركاته ..​

انا جديده معكم ف ها المنتدى المتميز من نوعه ..:cupidarrow:

واتمنى تفيدوني بردودكم واستفيد منكم ..

انا توني متزوجه ولي 9 شهور من زواجي ..

وحابه استفسر عن شي صاير لي مع زوجي ، انا زوجي مزاجي وعصبي على اتفه لاسباب وابي اعرف شلون اكسبه ؟؟

لاني احاول اتقرب منه باي طريه بس مب عارفه شلون واستحي واااايد اني اسوي له اغراءت :no:

بس اذا عصب على شوي اتظايق واكره نفسي بس ادري انه حليييو بس مب عارفه شلون اكسبه ابي مساعدتكم..

وشلون اسوي له اغراءت واجذبه صوبي ، انا ماقول لكم اني مب حلوووة لا با العكس حلوو شكلي وجسمي بس ناقصتني الخبرة والطرق شلون .. :dunno:

وابي منكم بعد شي صغير بس استحي اتكلم فيه بس بظطر وبتكلم عنه ( ابي اعرف شلون اخلي المنطقه الحاسه مافيها ريحه والتهابات ؟ !! )

واتمنى اني ماثقلت عليك بموظوعي ..​

( اختكم بنت قطـــر )

 

[كلي دلع وولع]

عزيزتي راح اخبرك بشي مهم جدا وحطيه حلقه في إذنك

عند الزواج ما في شي اسمه استحياء اذا فعلا انت تبي تكسبي زوجك ، احتمال كبير من الازواج يستحوا يقولوا حال زواجاتهم نريدك تكوني كذا وكذا ، خليك واثقه من نفسك اكثر كوني طفوليه ومرحه اكثر في حالة ترينه مزاجي ابتعدي عنه كييييييييييييييييييف انا راح اشرحلك

مثلا في الغرفه اذا رايتيه مزاجي وفي حالة انه عصبي اتركيه ولا تتكلمي معاه باي حرف ولا تعانديه ابدا في مجرد تنظرين الى عينه ولكن اياك النظر اليه بسخريه او تقللين من شأنه وعندما تحسين هو من انتهاء ما يقوله اسأليه هل انتهيت الحوار فاذا جاوبك بنعم فقولي حسنا اخرجي واغلقي باب الغرفه وراك

اجلس ربع ساعه لوحدك او نصف ساعه فقط
ثم اذهبي اليه وفي يدك كوب عصير وانت بكامل اناقتك وكوني مبتسمة قليلا حتى ولو كان الكلام الذي قاله مبرح وجريح حاولي التقرب منه وافتحي معاه الموضوع مره ثانيه وحاولي تتفاهموا بكل الطرق وكذا كسبتيه بعقلك وهو راح يرتاح معاك ويقول كل شي ما يخبيه في داخله بس انت حاولي تكوني منصته له تمام وعينك في عينه تمام لا يدور حول الغرفه وحاولي تكون اجاباتك مقنعه او سواء النقاشات التي تدور بينكم ،،،
الخطوه الثانيه الاغلبيه من المتزوجات يغرون زوجاهم بملابس النوم فقط في النوم
عزيزتي كوني غير كذلك فإلبسي ملابس المغريه حتى واذا كنت تتحدثين معه نقاش جااااااااااااد بينكم-

وبالنسبه للمنطقه الحساسه يا حبيبتي هذا يبيعونه في كل مكان للرائحه اللي انتي تبينها حلوه روحي سيتي سنتر
بالتحديد بودي شوب واطلبيه وفي هالاشياء بالتحديد ما في استحياء ابدا ابد

اتمنى اكون قد وفيت وانجزت

تحياتي الك

 

[أسيرة غلاها]

هلا أختي

للمنطقة الحساسة فيه صابون خاص اسمه كير فري لون العلبه وردي .. ينباع فكل الجمعيات تقريبا

بتحصلينه فالمكان اللي ايبيعون فيه الأولويس و هالسوالف

أما بالنسبة للالتهابات يفضل انج تراجعين طبيبة نسائية مختصة

 

[لحظـه لـقآ]

الله يوفقك ويسعدك ويستركى انتى وزوجك ويديم الساعده بينكم انا اقولك ياختى ادخلى منتديات المتزوجين وتلاقى كل اللى تبغينه

 

[bant qtr]

مشكورين حبايبي على الردود ومساعدتكم لي ..

حبيبتي ( كلي دلع ولع ) كفيتي وفيتي في كيفيت التعامل مع زوجي .. واتمنى اني ارد لكم اخبار حلوووة
خلال الايام الجايه ..:icon30:

_ اسيرة غلاها _ مشكوره قلبي على ردج ودخولج متصفحي ونورتيه وبيظ الله وجهج حبيبتي .. :icon31:

_ لحظه لقآ _ تسلميلي عمري على دخولج متصفحي ونورتيه بوجودج يالغاليه ..:bigsmile:

 

[ام ريونة]

حبيبتي ترى مشكلتج نفس مشكلتي عصبية زوجي دايما دايما بس انا صارلي متزوجه ست سنوات الله يعين ياريت احد يدلني على الطريقه الصحيحه للتعامل معاه

اللهم ارحمني برحمة واسعة تغنني بها عن رحمة من سواك

 

[غزلان الشرقيه]

اي والله انا بعد اعاني نفس المشكله بس زوجي في بدايه زواجنا حليم بس توه هالفتره تغير
من جبت بنتي لانها ماشاء الله عليها حركيه وفوضويه الله يهدي زوجي ويهدي الازواج يارب

 

[bant qtr]

هلا ومرحبا حبيباتي ** ام ريوووونه - غزلان الشرقيه **

.. بصراحه لازم انشوف حل حق ازواجنا وحل مشاكلهم معانا ولازم نوصل الطريقه نكسبهم فيها

لان بصرالحياه الزوجيه بدون راحت بال ماظني راح تستمر..

وانا ابشركم اتبعت طريقه اختي ( كلي دلع ولع ) والحمدالله جنه صار احسن ف معاملته معاي ..

واحس بديت اغريه شوي شوي ومن يومين سويت له حركات انهبل عليها

وستانس والله يدوم الفرحه مبينا يارب..

جزاكم الله الف خير كل من سعى ف تقديم النصايح والعون لنا ..

اتمنى من كل وحده ادش تكتب لنا شنو بعد انسوي عشان نكسبهم زياده ونخليهم لنا لحالنا بس لاشريك ثاني !!

والله يوفق الكل يارب ..

 

[ماما قطرية]

انا زوجي وايد عصبي

ولين شفته معصب ما اكلمه لين ما احس انه هدى واقعد اسولف معاه واغير لبسي واتكشخ واساله عن العشى وش في خاطره ياكل واقوم اجهز اللي المكونات واسويله الطبق:essen:


صار متعود على هالشي والحمدلله وايد تغير عن قبل

 

[مارجرت تاتشر]

بنت قطر انا بجاوبك على سؤالك الثاني لاتجيبين اي شيء قبل ماتروحين لدكتوره تكشف عليك احيانا الرائحه تصير بسبب بكتيريا تحتاج علاج بالتحاميل والكريمات ..وخلي الدكتوره تكتب لك على غسول بدون رائحه لان المعطره تسبب حساسيه وسواد وبعدين غيري الاندروير لاتلبسين اشياء ضيقه او اشياء مصنوعه من قطن مع نايلون استخدمي المسك الابيض تلاقينه عند عبدالصمد القرشي زي الصابون ابشريه وحطيه بعلبه مع مويه حاره واستخدميه كغسول

 

[دلع بلقيس]

الله يوفقك يارب وييسر امرك..

اللي يريحك انه هذي حال اغلب المتزوجين

بس مانجلس ونتفرج على الروتين اللي ذابحنا,, نصير مثلك نبحث عن الحلول -ماشالله عليك-

ومع دورات الاستاذه انا شخصيا تغيرت اضعاف مضاعفه عن اللي تغيرته مع المنتدى,,فأنصحك فيها.

تحياااتي’’

 

[bant qtr]

ماما قطرية _ مشكوره حبيبتي على المعلومه الحلوووة والمفيده .. وان شاء الله استفيد من كلامج واحول اسوي مثلج .. بس ماعرف اطبخ عشان اخليه يستانس اكثر ..
وهذي انا اتعلم اشياء بسيطه خلال ها الفتره :essen: .. والله يكون ف العون يا رب ..

مارجرت تاتشر _ تسلميلي قلبي على مساعتج لي واهتامامج الرائع ..
واتمنى من الباقين لاستفاده بعد .. وجزاج الله الف خير قلبي .. :blush-anim-cl:

دلع بلقيس _ وهذا انا مابي اقعد واشوف بيتي يخترب وماعرف شاسوي ..
سألت والقيت البنات فيهم الخير والبركه ومنهم نستفيد والحمدالله في بدايه حلوووة صار لي معاه :clap:
ودعولي بتوفيق ..

واتمنى اني اشارك ف الدورة معاكم بس شلون الطريقه ممكن تفيدوني ..

مشكوين حبايبي على مروركم الجميل واسعتوني بتواجدكم .. :blow:

 

[كلي دلع وولع]

انا دائما في الخدمة واتمنى كل من الاخوات تريد اي مساعده ترسلي على الخاص واشكركم مره ثانيه ـ بس توضحلي شو نوع مشكلتها وتأكد مشاكلكن تكون سر بيني وبينكم

اسأل من الله العلي القدير ان يوفقني على مساعدت كل واحده منكن

 

[leezoo]

اختي نصيحه لوجه الله انتبهي لااااااااااااااا تستخدمين غسول كيرفري انا سبب لي مشاااكل والتهابات وانا عمري ما كان عندي التهابات نصيحة مني روحي لطبيبة نسائية وهي توصف لك الغسول المناسب وتحل مشكلتك باذن الله .هذي الامور حسسسسساسة ولازم نستشير المختصين فيها

 

[ريح المسِك]

للمنطقة الحساسة:
1- غسول ماء وملح.. تغسلين المنطقة بشكل مستمر
2-شرب منقوع البابونج ونعناع وزعتر وزنجبيل شربه بكميات مثلا لتر يوميا له آثر الفعال ما تصدقين..

أما بالنسبة للالتهابات يفضل تراجعين طبيبة نسائية

 

[ام محمد ku]

السلام عليكم ورحمة الله وبركاته .
انت نفس مشكلتي اول ماتزوجت كنت اشكي من الريحه والافرازات والالتهابات . وتغلبت عليها بصابون ديتول السائل باستعماله بالمناطق الحساسه . وما انصح استخدام العطور او الصابون المعطر لان يزيد الالتهابات . وشكرا.

 

[فورير بنفسجي]

زوجي عصبي

انصحج حبيبتي الاهتمام وقت الدورة باكلج وشرب الاعشاب وفي نظام في النت اسمة فيافي انصحج فيه سوي سيرج عليه وطبقيه بحذافيرة وراح تلقين نتيجة راح يخلي المنطقة ضيقة وبدون رائحة وهذا مايعني انج تروحين للطبيب يمكن تحتاجين مضاد

 

[الواصلة]

الاخوات ما قصرو كفو و وفو

زوجك لا تردين عليه لي عصب سكتي... بس بيني له عدم ارتياحك على تصرفاته

ترى المثل اللي يقول زوجك على ما تعوديه صحيح 100 %

لا تخلينه يتعود يتمادى عليك

وتكلمي معاه عن سلوكه يوم يكون رايق

بالنسبه للافرازات في تحميله اسمها ( بيتا دين ) تستخدم للتنظيف بعد الدوره

اسئلي اي طبيبة نساء او صيدلانيه عنه رووووعه

اما بالنسبه للحركات والاغراءات مليانه في النت

بس صدقيني بتتجرئين مع الوقت توك جديدة

وبيجي يوم وبتعلمينا بعد


تحملي على نفسك وبالتوفيق حبيبتي