ابي كلمات طيبه

[ثلج دافىء]

السلام عليكم

كيفكم يابلقيسات

ارجو منكن الفزعه انا صار بيني وبين بنت عمي موقف وهو اني ارسلتلها اني ابي ازورها ماردت بعدين دقيت برضو ماردت خليت الموضوع عادي وبعدها تجمعنا مرتين وسلمت عليه وعادي وتسالن وشلون بنت العم ارد عليه عادي بس اليوم ارسلت لي رساله الى بنت عمي الغاليه ...............احس انك متضايقه مني وسامحيني

ابي منكن المشوره وش ارد عليه لاني من البدايه اصلن مازعلت:32: ابي رساله تكون حلوه بس بالعاميه

الله يوفق الجميع

 

[دفء]

يالغالية..
عمرك شفتي أحد يزعل على نفسه..؟؟؟
يالغالية أنا وانتي روحين بروح..
لا يجي في بالك يالحبيبة في يوم أزعل عليك..
والا اتضايق منك..
مكانتك وقدرك فووووق يالغلا..
ما تدرين وش كثر غلاك ومحبتك بقلبي والا ما تقولين هذا الكلام..
حبيبتي وقلبي ونور عيني يا(....)

 

[ثلج دافىء]

دفء مشكوره ولاكن هي في الرساله كاتبه ياليت ادري وش مضايقك كانها تبيني اقولها غلطها

الله يسعدك

 

[اميرة الكـــل]

انتي مو زعلانه منها خلاص
ارسلي اي رساله مو لازم تكون منتقاه
انتي اكتبي اللي بخاطرك عادي
انتم بنات عم اكيد مابينكم حواجز....

 

[دفء]

أهااا..
طيب..
أكتبي لها:
سلام يا نور العايلة..
على أيش أسامحك..؟؟؟!!!!!!
لا يكون في بالك إني زعلانة من إني أرسلت لك بزورك ومارديتي علي..
لااااااااا..يالحبيبة..
أبد..ولا زعلت ولا شي..
عرفت يالغلا إنك ما انتبهتي لها..
والا لو انتبهتي لها خابرتك ياغالية على طول تتصلين علي
كيف أزعل من روحي....؟؟؟؟!!!
والله ياحبيبتي ما زعلت منك ولا على قلبي أبد شي عليك غير المحبة والمعزة و التقدير..
إنتي لو تدرين وش مكانتك بقلبي..و كثر ايش حبيبه علي ما ارسلتي هالرسالة أبد..
كل عام وانتي إلى الله أقرب بمناسبة حلول شهر رمضان المبارك..
يا أطيب قلب..
(ردي علي أكتب لك غيرها إذا ما ودك فيها)

 

[الرمـش الخجـول]

يالبى قلبك يادفء كفيتي ووفيتي
والله معاد بعد كلامك كلام
مشاء الله عليك اسلوب ولا اروع
اجل ذا جاتني رساله وما عرفت ارد عليها راح اجي لك والله يعينك علي هع
حبيبتي ثلوجه نصيحتي لك ارسلي الي قالت لك عليه دفء بصراحه مااعتقد فيه احلا من كذا
تقبلي ودي يالغلا​

 

[ثلج دافىء]

ايو الله جعلك للعافيه ماقصرتي

والله انك راعيت فزعه جعلك دوووووووووووووم تتالقين

انا ارسلتله للتو ابي اكلمك احس الكلام احسن من الارسال بس للاسف ماردت :40:

وش رايك ارسلها رسالتك ولا اطنشها الله يوفقك
طولتها عليكي بس تحمليني

 

[دفء]

أرسليها يالغلا..
يمكن محرجه منك وحاطه في بالها إنك بتكلمينها عن موضوع الزعل..
صدقيني بعد الرسالة بتكلمك لأنها بترتاح من اللي محرجها منك..
جزاك الله الجنة على كلامك العذب..

 

[دفء]

يالبى قلبك يادفء كفيتي ووفيتي

والله معاد بعد كلامك كلام
مشاء الله عليك اسلوب ولا اروع
اجل ذا جاتني رساله وما عرفت ارد عليها راح اجي لك والله يعينك علي هع
حبيبتي ثلوجه نصيحتي لك ارسلي الي قالت لك عليه دفء بصراحه مااعتقد فيه احلا من كذا

تقبلي ودي يالغلا​

رموووشه..
دايم يا غلآتي تحرجيني بذوقك و كلماتك الطيبه..
وهذا إن دل يدل على طيب قلبك وروعة مشاعرك..
أسأل الله أن يجمعني بك ومن أحببنا في جنة الفردوس الأعلى..
(تفداك كل عباراتي يالغلا)

 

[ثلج دافىء]

:5:وه بس الله يحفظك


مشورتك وهداية الله ..

 

[مَلآمِحْ حُلمْ]

لو كتبتي بتعبيرك يكون أفضل لانه راح تخرج من القلب ​