مرحبا اخواتي الغاليات
ودي اخذ رايكم في وضعي مع زوجي
زوجي مسافر من شهر و نصف تقريبا و بيرجع يمكن بعد اسبوعين المهم بعد ما سافر بكم يوم سويت تحليل و صرت حامل و علمته وتوقعت انه بيقول مبروك وبيفرح وبس لكن قال لي انا ما كنت اعرف انك تاركه مانع الحمل ليه ما علمتيني قلت له انا كنت اقول لك ابترك المانع بعد رمضان و الحمدالله ربي رزقنا قال لا لازم تعطيني خبر مره ثانيه تتصرفين على كيفك مع العلم هو بيموت عشان اجيب له كل سنه مولود بس هو يحب يناقض بأي تصرف او كلام ..
بعد 5 ايام تعبت و نزل معي دم الله يكرمكم وقلت له انا تعبانه و اعطتني الدكتوره مثبت قال ما له داعي تأخذين المثبت عشان انا دايم اقراء ان المثبت يكون له اثار جانبيه على الطفل يعني انا ما هميته بس الطفل اللي يهمه المهم في نفس اليوم تعبت زياده و نزل الجنين والحمدالله على كل حال ..
قلت له ثاني يوم ان الجنين نزل وانا تعبانه تخيلوا وش قال جلس يحاسبني يقول انتي اصلا ما كنت تجلسين بالبيت كل يوم طالعه وانا ما اطلع الا اودي عيالي لمدارسهم و اجيبهم و اذا البيت ناقص اغراض اجيبها ..
بعد كم يوم احاول اكلمه و اتقرب له عشان محتاجه منه كلام حلو يرفع معنوياتي و احس ان فيه شخص يحس فيني و يقدر المرحله اللي انا امر فيها لكن للاسف صار يتفلسف علي و يقول انا وش دخلني فيك اذا كنتي تعبانه انا مالي ذنب اتحمل معك كل انسان يتحمل مشاكله بنفسه تخيلوا يعني هو يحق له اذا تعب اهتم فيه واسهر على راحته اما انا حتى كلام بتليفون و هو بعيد ما يقدر عليه او بالاصح ما يبغى يسويه ..
انا طبعا بعد هذي المكالمه طنشته و قلت فعلا كل انسان يعيش لنفسه و ما عليه من اي شخص قريب والا بعيد و صرت حتى اتصال ما اتصل هو بس اللي يتصل علي و اذا اتصل اطول مكالمه 5 دقائق و كلها كيف الاولاد طيبين مبسوطين عندكم احد والا بتروحون لاحد يالله مع السلامه يعني بس موجز الانباء و لا كأن اللي يكلمها وحده عايشه معه و حافظه بيته وعياله و لازم يكون لها نصيب من المكالمه ..
انا قرفت منه و من اسلوبه الجامد معي ولا ادري وش الحل معه اذا رجع كيف استقبله و كيف اتعامل معه ..
معليش طولت عليكم لكن من القهر اللي فيني لازم اقول لكم السالفه كامله عشان تعطوني رايكم ..
بعد 5 ايام تعبت و نزل معي دم الله يكرمكم وقلت له انا تعبانه و اعطتني الدكتوره مثبت قال ما له داعي تأخذين المثبت عشان انا دايم اقراء ان المثبت يكون له اثار جانبيه على الطفل يعني انا ما هميته بس الطفل اللي يهمه المهم في نفس اليوم تعبت زياده و نزل الجنين والحمدالله على كل حال ..
قلت له ثاني يوم ان الجنين نزل وانا تعبانه تخيلوا وش قال جلس يحاسبني يقول انتي اصلا ما كنت تجلسين بالبيت كل يوم طالعه وانا ما اطلع الا اودي عيالي لمدارسهم و اجيبهم و اذا البيت ناقص اغراض اجيبها ..
بعد كم يوم احاول اكلمه و اتقرب له عشان محتاجه منه كلام حلو يرفع معنوياتي و احس ان فيه شخص يحس فيني و يقدر المرحله اللي انا امر فيها لكن للاسف صار يتفلسف علي و يقول انا وش دخلني فيك اذا كنتي تعبانه انا مالي ذنب اتحمل معك كل انسان يتحمل مشاكله بنفسه تخيلوا يعني هو يحق له اذا تعب اهتم فيه واسهر على راحته اما انا حتى كلام بتليفون و هو بعيد ما يقدر عليه او بالاصح ما يبغى يسويه ..
انا طبعا بعد هذي المكالمه طنشته و قلت فعلا كل انسان يعيش لنفسه و ما عليه من اي شخص قريب والا بعيد و صرت حتى اتصال ما اتصل هو بس اللي يتصل علي و اذا اتصل اطول مكالمه 5 دقائق و كلها كيف الاولاد طيبين مبسوطين عندكم احد والا بتروحون لاحد يالله مع السلامه يعني بس موجز الانباء و لا كأن اللي يكلمها وحده عايشه معه و حافظه بيته وعياله و لازم يكون لها نصيب من المكالمه ..
انا قرفت منه و من اسلوبه الجامد معي ولا ادري وش الحل معه اذا رجع كيف استقبله و كيف اتعامل معه ..
معليش طولت عليكم لكن من القهر اللي فيني لازم اقول لكم السالفه كامله عشان تعطوني رايكم ..
