ابي رايكن يالبلقيسيات

[محبة الرحمن1]

مساء الخير اخواتي في الله ..

وش رايكن باللي توافق على الزواج من رجل اصغر من سنها ؟؟

ابي رايكن يالبلقيسيات ؟؟​

 

[3afraa_33]

ضد ...

 

[البرنسيسة سارة]

ضد وبقوة

 

[مياااار]

مافيها شي ..الرسول عليه الصلاة والسلام تزوج خديجه وعمره 25 وعمرها اربعين سنه...اهم شي الموده والتفاهم والتوفيق من الله مايهم فارق السن

 

[يالوردي]

لا تقارنين رجال هالوقت باءفضل البشريه الرسول اللهم صلي وسلم عليه كثير حريم ندمو على زواجهم من رجل اصغر منهم صار بس يعايرها يالعجوز

 

[أمولاتي]

عادي

الرجال معايرين معايرين الله لايعوق بشر

والله لو كنتي طويلة قالك ياطولك لو انك اقصر شوي / واذا كنتي مليانة جسم قالك لو تنحفين احسن / وان كنتي موظفة قال يازين ربة البيت / والله لو تزعلينة يطلع اي عيب

 

[ـأخت ـأخوها]

والله مدري
بس فكري بعدين يوم هي تكبر وهو لسى شباب
لآن الحرمة سبحان الله مع الولآدة وتعب تربية العيال والمشاكل تكبر اكثر من الرجل
فما بالك لو كانت اسااسا هي اكبر منه
وبالاول والاخير يرجع لشخصية الرجل نفسة ولو انهم قليل المخلصين بهالزمن

 

[فديت انفاسه]

اذا فرق سنه او سنتين عادي بس مهم ان يكون تفكيركم قريب من بعض وماعنده نظره اكبر واصغر مدري ايش
واهم شي مايبين عليك انك اكبر منه

 

[بنت سعودية]

عادي مايهم العمر اللي يهم تفكيره واسلوبه هو

 

[سرااااااااااب]

زوجي اكبر مني ب 6 سنين ويقول لي عجوز وعجزتي ومدري ايش .. تخيلي لو انا اكبر منه وش بيقول ؟؟؟؟

انا اقول لا

 

[محبة الرحمن1]

حبيباتي ..

ملكة رغم الصعاب
البرنسيسة سارة

ميااار


يالوردي

امولاتي


ـأخت ـأخوها

فديت انفاسه

بنت سعوديه

يحبيلكن اشكركن من كل قلبي على التفاعل..

طبعا انا اللي متقدم علي ويصغرني بثلاث سنين وانا عمري ثلاثين
وهو انسان ملتزم وملك جمال

بس انا خايفه بعدين يقول لي يالعجوز ..​

 

[فديت انفاسه]

طيب اذا انتي مايبين عليك العمر اقبلي

 

[محبة الرحمن1]

اختي سراااب يالله عاد هذا وانتي اصغر منه يقولك هالكلام

انا الصراحه مترددددددددددددده​

 

[محبة الرحمن1]

حبيبتي فديت انفاسه

انا مايبان ان عمري ثلاثين اللي يشوفن يحسبن ام خمس وعشرين

بس انا عجزت اوافق مادري متردده​

 

[سنابل خير]

عزيزتي ..

لم تحددي الفرق بين العمرين .. ولا المواصفات لكل الطرفين ..
فالمرأة في الحديث الشريف .. لدينها ومالها وجمالها ..
فربما وجد فيها من ذلك مالم يجده في الصغيرات ..
ولكن ليس في الامر بأس .. طالما ان الرجل يرتضي ذلك ويقبله ..
المهم ان لاتكون المرأة تقليدية .. بل متجددة الأفكار محبة للتغيروالمغامرة ..
أي لديها روح شبابية عالية .. حتى لا يحدث تباعد نفسي بينهما ..
فالمرأة بقدراتها الانثوية تستطيع جذب الرجل مهما كان عمره ..
وكثيراً ما نسمع برجل متزوج .. تزوج بأمرأة أكبر منه ..
وفقها الله .. ويسر الله لها الخير ..
​

 

[سنابل خير]

عزيزتي..
انا اعتقدت أكثر من ذلك بكثير 10.. 15
ثلاث سنوات ليست فرق أبداً ..
وافقي واستخيري الله .. ولا تضيعي الفرصة ..
طالما انه صاحب دين ..
يسر الله امرك .. واسعد حياتك ..​

 

[محبة الرحمن1]

سنابل خير

الله يجزاك خير واسعدك المولى

كلامك حلو واعجبني لكن انا ابستخير واشوف امري​

 

[حلااميرة الزوق]

زوجى يفعل ويختلق كل هزة المشاكل وهو اكبر منى 11عام استخيرى والخير فيمااختارة الله

 

[البنت الدلوعه20]

الله ييسر لك الي فيه الخير

 

[مايار]

حسب الرجال بعضهم يقعد يعايرك وبعضهم من طيبته ماعمرة يفتح سيرة ان انا اصغر منك