ابي رايكم

[فز الخفوق !]

كيف حالكم بنات انا ابي رايكم في موضوع

انا والحمدلله ساكنه مع زوجي في بيت اصغير( شعبي )وامس كنت اتكلم معاه ان يوسع في البيت يبني الدور الثاني فهو قالي انا بروحي ماقدر ابني لان على اديون اشرايج تسحبين سلفيه وتبننه انت والاثاث بكون علي فأنا خاطري في بيت كبير واوسع على عمري لكن خواتي اقولون ريلج مايستاهل تسحبين سلفيه عشانه هذي مسؤليته وهو ماسوا شي عشانج مميز من اللي حولج عشان هذه التضحيه يمكن يتزوج عليجواحطها معاج وريلي فعلا دايما اقول ابي اتزوج بس انا مادري هو صاج ولالا فانه قلت لهم انا بسوي البيت عشاني انا ابي اعيش في فيلا مب عشانه فأنتوا شرايكم بالموضوع

 

[همس الحنان]

انتبهي

هذي مسؤوليته زي ما قالوا اخواتك ترى بعدين تندمين

صدقيني

 

[يمانيه]

تحملي تآخذين سلفيه ...
أول شي فلوس ربا وأنتي مو مضطره
وربي ما يبارك بفلوس الربا

ديري بالج تغلطين هالغلطه وتسوين جذيه محد بيندم كثرج عقب ...

وربي يوفقج ويسعدج دنيا وآخره

 

[دهن الورد]

تحملي ثم تحملي ثم تحملي
لالالالالالالالالالالالالالالالالا

للسلفية

اخر شيء بينجبر وبيبني

 

[لو يموت الحزن]

خليه يكتب البيت او نصه باسمج اذا سحبتي فلوس وعدلتي البيت .

لا تامنين فيه ترا بعض الزواج نذاله فيه يااخذ كل شي ويرميها بالاخر .

انتي اهتمي فيه وحاولي تكونين اذكى منه بلطافه وسياسه تبين راسه .

والله يسعدكم

 

[ميوسه]

عيشي في بيتك الصغنون بدون دور ثاني ولا ثالث

وان شاء الله خير

وامورك الماديه خليها بعيده عنه

موفقه

 

["هنادي"]

أنتبهي لاتورطين نفسك....!!!
كــل ضيق الا بعده وسع واذا عيالكم كبروا بتلاقينه يضطر ان أهو يوسع مو أنتي
نصيحه,,,,شي مو ملزومه فيه لاتسوينه​

 

[الحلى كله]

والله ياحبيتي ان كانك مضطره للدور الثاني ابني وخليه يكتب نصفه باسمك اما اذا كنت مانتى محتاجه خليه لين يوفي ديونه ولا تحنين عليه بدور ثاني عشان مايزعجك انك تطلعين سلفيه والله ييسر لك

 

[زهرة البوادي2006]

مثل ما قالوا البنات انتبهي واقتنعي بهذا البيت لحد ما هو يعزم يبني والله يوفقك

 

[ليل الشتا]

حــــــــــــــــــــــــــــــــــــــــــــذاري

 

[مرجانة]

إذا كتب البيت بإسمك اطلبي سلفيه أما إذا رفض فانسي الموضوع واسمعي كلام أخوانك لأنو عين العقل

 

[فز الخفوق !]

مشكورين يبنات على الردود وعيتوني لكن بقولكم شي اليوم انا انصدمت فيه مثل الجبل وانهار قدام عيني تدرون ليش الحبيب من فتره اشتره محل على قولته بسدد من ربحه بسدد اديونه وبعدها بفكر فينا لكن الصدمه لما قالي انا بعت المحل ليش يا الطيب



اتوقعون شنو در














تمللت احس اني متزوجه ياهل وبعد انا بصير مثله ليش اجمع افلوس واظغط على نفسي فلما قالي انا زعات وقلته وين كلامك خلاص اللفلوس اللي جمعتا بشتري فيها الماسات لي








بموت من القهر يومنهم مب قد المسؤليه ليش يتزوجون وبهدلون بنات الناس

الله الستعان

 

[حنونه بس مطعونه]

انا كنت هبله اي شي عندي اعطيه لزوجي مابخل عليه بس شفت عليه حركات وطلعت منه تصرفات خلتني اكرهه والحين لو اشوفه يموت ماعطيته ريال وانا اجمع الاف وهو مايدري لاني ماني موظفه

فنصيحتي لاتورطين عمرك معه لان الرجال مايستاهلون وربي بس حنا هالكين نفسنا عشانهم وهم ولاحد فكر فينا احنا نتعب ونتبهذل وهم مافي ابرد من قلوبهم ولاتعب ولايحزنون

خلي دراهمك لك اصرف لك او اشتري بيت او ارض وحطيها بسمك لاتخلينه يشاركك

 

[عزيزة نفس]

اذا السلفة ما فيها شبهة الربا خوذيها وسجلي البيت كله مب نصفه باسمكي
انتي ما سمعتي هالقصة
يقولون
فيه رجل اشترك هو ويا زوجته في بناء بيت العمر مثل ما يقولون
وبعد ما خلص البيت يا طويلة العمر الرجال حب يجدد كل شئ مع البيت الجديد حتى زوجته حب يجددها
المهم راح وتزوج وجابها وحطها معها بحجة ان البيت باسمه بعد مب اسمها لحالها
قاموا وتهاوشوا بيتي لأ مب بيتي راحوا للشيخ وحكم لكل من الزوج والزوجة كل واحد فيهم له دور طبعا البيت دورين
هالحين الزوجة فوق والزوج ويا زوجته الجديدة تحت
الزوجة الأولى مقهورة شلون زوجها يسوي كذا قامت وطلبت الطلاق وفعلا طلقها
وبعدييييييييييييييييييييييين وش سوت
تزوجت
وقعدت ويا زوجها الجديد فوق وزوجها الأول ويا زوجته الثانية تحت
وش رايكي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​