ابي رايكم ساعدوني صرت افكر بالطلاق

[الله يهونها]

مرحبا
مادري من فين ابدا بعطيكم نبذه عني
متزوجه من خمس سنوات وعندي بنوته
مشكلتي بزوجي اناني بكل شي لايصرف علي ولا يعطيني ريال بحكم ان عندي بزنس خاص فيا ووضعي فيه ممتاز فغاسل ايده من الصرف علي رغم اني فتحت هالموضوع معه لكن مافي فايده هو طبعا مقتدر فوق هذا يغار مني ودايم يقولي انتي شايفه حالك عشان فلوسك وانتي وانتي....
خلو غيرته على جنب لما نسافر يشرب ويمسك علي نكد وسب ولعن مع العلم ان السفريه كلها على حسابي حتى السم اللي يبلعه ويحاول يختلق المشاكل عشان يفلها لحاله حاولت انصحه واعدل وضعه مافي فايده
انثبرت في البيت مسك هالنت وافلام قذره وشات ويسهر وانا لحالي انام ولما الين له اني كشفته يضرب بوز ويزعل

طبعا هو بس بالسفر يشرب وله محاولات سقار حشيش لكن كانت ثلاث مرات المره الاولى حلفته على المصحف وحلف ومسكته بالمره الثانيه وبلغت اهله وبهدلوه واتصل فيا يقولي حسبي الله كسرتي هيبتي عند اهلي والمره الثالثه لقيتها وسكتت ودعيت ربي يفكه منه

هذي نبذه بسيطه عنه

الان انا عند اهلي بسبب اختلافنا على بنتي اخته تتصل تبيها وانا رايحه شغلي و طنشتها ولبست بنتي عشان تروح لاهلي اتصل فيا يقولي وديها لاهلي طبعا اخته لما ماشافت مني فايده دقت عليه هنا اختلفنا انا وياه قلت اخلص شغلي ونروح لاهلك احنا اتفقنا الصباح كذا ايش غير رايك وبدا يهاوش ويلعن قلت روح لاهلي خذها استمر بالهواش قفلت الخط بوجهه رجع دق ولعن اهلي وقفلت
رحت الشغل والمغرب اتصل وقالي انا بجي اخذك بعد ست ساعات من مشكلتنا قلت يمكن بيهاوش ولابعتذر
تدرون وش سوى ؟
وداني البيت وضربني كفين وسب ولعن طبعا عادته لما امسكه من خطاه عذره يقولي انتي تعلين صوتك علي
واستغرب فيه شغله لنا نختلف على شي تافهه يهاجمني كاني عدوته انتي و انتي و انتي يشحن حاله علي
وخليته يوديني لاهلي
وهذا انا عندهم وسلامتكم

 

[خلود بكر]

عجيب والله والله قوي عين الحين تصرفي على نفسك وصابره على المسخره وكمان يضرب لاحول ولاقوة الابلله عاد الي قهرني بزياده اخته عاد بقولك شئ خليك عند اهلك ولاترفعي عليه تلفون خليه اذا هدئ بيجي اما انتي ياقلبي شكلك عصبيه ومأخذه حقك اول بأول وطبعا الرجال يحب الزوجه الي تحتاجه حتى لو شئ بسيط بس انتي موضحه له انك قويه وماعليك فيه وهذا خطأ كبيررررررررررررررررر والله لازم الرجال يحس انه رجال لاتتركي حقوقك وتقولي انا بريح راسي هذا والله خطأ لازم اذا بترجعي ترجعي بعد ماانتي تتغيري مو بس هو يعني لازم يصرف عليك لو حتى يحط مصروف بسيط المهم يعطي ويحس انه رجال وفاتح بيت وثاني شئ هدي اعصابك وغيري اسلوبك معاه والله يوفقك واسفه اذا غلط عليك

 

[^_^الشامخه^_^]

رجاجيل هذا الوقت اغلب طباعهم كذا لكن انت قارني بين حسنات زوجك وسيئاته وترى الموضوع يحتاج لكيد النساء ومكرهن وبعض التغابي منك يعني طنشي بكيفك وفوتي عليه الحرب انت وبنتك اللي راح تتعبون بالنسبة للمصروف وقت الرضاء تتفهمين معه الله يفرجها لك عاجلا غير اجل تقربي الى الله اكثر

 

[صاحبةعيالي]

عجيب والله والله قوي عين الحين تصرفي على نفسك وصابره على المسخره وكمان يضرب لاحول ولاقوة الابلله عاد الي قهرني بزياده اخته عاد بقولك شئ خليك عند اهلك ولاترفعي عليه تلفون خليه اذا هدئ بيجي اما انتي ياقلبي شكلك عصبيه ومأخذه حقك اول بأول وطبعا الرجال يحب الزوجه الي تحتاجه حتى لو شئ بسيط بس انتي موضحه له انك قويه وماعليك فيه وهذا خطأ كبيررررررررررررررررر والله لازم الرجال يحس انه رجال لاتتركي حقوقك وتقولي انا بريح راسي هذا والله خطأ لازم اذا بترجعي ترجعي بعد ماانتي تتغيري مو بس هو يعني لازم يصرف عليك لو حتى يحط مصروف بسيط المهم يعطي ويحس انه رجال وفاتح بيت وثاني شئ هدي اعصابك وغيري اسلوبك معاه والله يوفقك واسفه اذا غلط عليك

كلاها جدااااا سليم ياريت تتبعينه موفقه اختي

 

[ملامح الشوق]

الله يهديه ويسخره لك

 

[المحتااارة]

أول شي يشرب وساكته عنه وغير كذا يعاملك معامله سيئه انا اللي اعرفه ان الرجل اذا سوى شي خطا يحاول بشتى الطرق انه يرغب المرأة بالجلوس معه لانه يخاف يجي يوم وتتركه><<<وجهة نظر
بس بقولك شي انتي الحين رحتي لاهلك خلاص انسيه واذا اتصل ردي وحاولي تكوني هاديه احسك معاه دائما منفعله وعطيه شروطك وهو يعطيك شروطه وخلاص افتحوا صفحه جديدة
الله يكتب لك الخير

 

[احاسيسي غير]

لاحول ولاقوة الا بالله

الله يهديه ويعينج ويفرجها عليج يارب

انا مع الاخت الي فوقي

خلاص لازم حل لهالخلاف خلج معززه مكرمه ببيت اهلج ولا هالذل لايصرف عليج وفوق هذا يغلط ويمد ايده

الله المستعاان

وحطي شروط اذا يبيج ترجعين بيته وخلي بينكم شهود من اهلج واهله

واذا ما نفذ الشروط ولا اعتدل ساعتها من حقج تتطلقين منه

والله يصلحه ان شاء الله

ادعيله بالهدايه خاصه صلاة الليل واستغفري ربج

وان شاء الله حالكم يتحسن ويصير افضل