وسام الحزن
New member
- إنضم
- 2008/07/19
- المشاركات
- 262
ابي رايكم باسرع وقت والله ان قلبي تقطع من كثر الصياح وعيوني تورمت واللي عندي ماحس فيني
انا وزوجي تهاوشنا على شي تافه وربي تافه (هذا الي قاهرني ) قبل امس بعد ماصحا زوجي المغرب حطيت الغدا وتغدينا عادي نسولف ونضحك وقام وجلس على النت طول الوقت وهو جالس عليه وانا كنت متزينه متكشخه ابيه يناظرني يعبرني عادي عنده المهم عديتها قالي وش فيك ساكته قلت انا وش تبيني اقول وانت مو معي مع النت قال عادي سولفي قلت لا بالك مو معي قال يعني لازم اقابل وجهك عشان تسولفين قلت اناايه قال ليش حنا مشتركين مو عشان نفتحه قلت الا بس كل شي له وقت قال اشوا انك علمتيني عشان افتحه على طول والله شي تبيني اقابلها بكل سواليفها قلت انا براحتك زعلت واسكت قال ازعلت وقام يجدع شوي من الكلام انا ساكته المهم هو فاتح المكيف على البارد انا جمدت قمت وسكرته قال ليه تسكرينه قلت برد قال تغطي قلت الجو حلو مو حر المهم خزني شوي وسكت وبعدها انا طنشته اخذت النت وجلست عليه وقال اذا بتنامين روحي يعني بنام بالمجلس انا سكت وجلست ماقمت الا لما جاني النوم رحت نمت بالغرفه وهو عادي عنده ومن بكرا نفس الحكايه محد يكلم الثاني ساكتين طول الوقت ومن بعده نفس الحكايه ساكتين طول الوقت هذا امس بالليل بالاول هو سوا نفسه عادي يسولف انا عادي رديت عليه خليت الوضع عادي قلت انشالله كل شي بيتعدل المهم قام ومعه جواله ودخل دورة المياه قمت انا بشوف وين جواله لقيته ماخذه معه الحمام المهم جلس تقريبا حول النص ساعه او اكثر شوي وبعدها طلع ودخل الحمام الثاني وتروش انا انقهرت حسيت انه سوا شي بس ماقد سوا هالشي وهو من النوع اللي عجاز مايحب يتروش الا اذا صار شي بيننا واذا قلتله يالله يقول مالي خلق اتروش وانا استغربت انه دخل يتروش بعدها انقهرت قمت وسويت نفسي بنام وجلست اصيييح ودخل بالغرفه علي وماقال شي وبعده دق علي ورحت لمه قال وش فيك قلت مافيني شي بس ضايق صدري قال من ايش قلت من كل شي قال ماعجبتس االعيشه معي قلت ماقلت كذا قال ايش اجل قلت مو معبرني لك يومين ومزعلني وعادي عندك وطول الوقت جالسه الحالي قال شوفي تصرفاتس قلت وش سويت قال ماسويتي شي قلت يهمك تعرف ليش اصيح قال لا مايهمني قال قومي عن وجهي ولاقمت جالسه المهم قام يهاوش شوي وانا ساكته وبعده تغطى وبينام طبعا بالمجلس وانا رحت للغرفه وقاعده اصييح المهم مانمت اذن الفجر صليت ونمت وماصحيته للدوام هو صحى من نفسه ويوم دخل الغرفه يلبس سويت نفسي نايمه المهم بعد ماراح ارسلت له رساله الصبح قلت جب لي معك غرض قال ماتستحين على وجهك والله ماتستاهلين من يجيبلك شي المهم انا رديت عليه قلت خلاص لاتجيب جا من الدوام وقعد يهاوش علي شوي وربي مقهووووره المشكله اني بكرا بروح لاهلي وانا عارفه اذا رحت بيحطني ببيت اهلي ومو مكلمني ولا معبرني واذا صار الجمعه خايفه يقولي منتي راجعه معي وانا مابي اهلي يعرفون بشي وعيوني متورمه من الصياح اخاف امي تحس بشي وربي كان تنهبل امي لاعرفت شي والحين هو نايم تكفون قولو لي وش اسوي اراضيه مع اني ماغلطت عليه بشي والا اسكت بس وربي بمووت من القهر..........ادري ان طولت عليكم بس وربي مافيه غيركم اشتكيله بعد الله والله قاعد ادعي ربي بكل صلاتي...
