ابي رايكم الله يعطيكم العافيه

[أحلى ورده]

السلام عليكم مبارك عليكم الشهر يارب تجعلنا من صوااامه وقوامه
انا عضووه جديده هنا ياليت الاقي قبول بينكم
انا والله بغربه وبعيده عن اهلي وتوني متزوجه تقريبا شهر ونص

انا لي مخلصه مني الدوره الله يكرمكم تقريبا 17 يوم ولي كم يووم وانا احس اول ماااقوم

بالم في جنبي اليمين نغزات غريبه كانه شي يشد واليوم اول ماصحيت حسيت بالم وثقل بصدري

وصدااع يجي ويرووح استغربت وشو السالفه وخصوصا ان امي بعيده عني وماودي اضيق صدرها

حبيت اخذ خبرتكم سالت وحده تقول يمكن اعراض حمل انا خفت معقوله تكون كذا الاعراض وانا ماكملت شهر مخلصه الدوره:schmoll:
ابي ردكم اللله يثلج صدوركم

يعطيكم الف عافيه

تشكرررات

 

[أخت الكل]

الأفضل يا قلبي تراجعين طبيبة

 

[حياتى بلا حنانك]

احتمال كبير حمل .... جيبى تحليل حمل بالبيت حق البول وسويه ..... ترانى فى حملى هذا كنت مخلصه دورتى لها شهر وكنت اجيب المكنسه واكنس وتتطيح منى واجيبها من الارض وارفع نفسى والقى مغص وشد والم باسفل البطن وطلعت حامل ......بالتوفيق يا غالية

 

[أحلى ورده]

يعني معقوله تكون هذي اعراض الحمل
انا حسيت ببطني يمكن ثلاث ايام كذا فجأه يمسك معاي مغص من تحت اسفل البطن ونغز شديد يجلس ربع ساعه عشر دقايق ويروح
واليوم لا حسيت بصدري بس اول ماصحيت من النوم بعدين خلاص راحت

طيب هل من الممكن تبان الاعراض وانا مخلصه الدوره لي 17 يووم

لساعدوني انا بغربه بامريكا ووماعندي احد اسأله


الله يوفق اللي ردو ويفتحها بوجههم يارب وين ماراحوا الله يعطيكم من وسعه ياااااااااارب ياكريم


انتظر ردود من لهم الخبره جزاكم الله خيرااا

 

[بدون مدح]

حبيبتي شكلج حامل والله اعلم بس لازم تتاكيدين بس حاولي هالفتره ترتاحين وماترهقين نفسج وتطمني ان شالله خيرانا كان يجيني نغزات فبطني وسويت تحليل بول وطلعت حامل

 

[رموش نمله]

حبيبتي عشان ترتاحين سوي تحليل دم عشان تشوفين فيه حمل أو لا عشان تطمنين

ثاني شيء الام الي يتعبك من جنبك يمكن عندك املاح فكثري من شرب الماء

الله يرزقك ويرزقنا اجمعين

 

[وحدة المشاعر]

اتوقع انها فترة تبويض انا كذا تجبنى الام على جنب ولمده 3ايام قبل موعد الدوره الثانيه ب10 ايام ويلاحظ انه تجى افرازات بيضاء كثيره نوعا ما

 

[أحلى ورده]

الله يعطيكم العافيه ويرزقكم من وسعه ياااااااااارب
ريحتوووني شووي

طيب ممكن اخر سؤال تعبتكم بس مالي غناه عن خبرتكم انتم خواتي الكبار ويعلم ربي مافي احد اشاوره غيركم

اليوم صدر بالحيل منتفخ وكبيرواذا مسكته احس بوجع خفيف وطول اليووم نوم مدري وش السالفه

انا االلي حابه اتاكد منه عن طريقكم هل ممكن يبان حمل والدوره ماكلمت الا 18 يوم على نهايتها يعني مو بدري انه اعراض تبان

انا والله خايفه خصوصا اني ادرس وروحه المستشفيات هنا صعبه ماهي زي اللي بالسعوديه
وخايفه من الحمل بشكل مو طبيعي


الله يريح بالكم يااااارب

 

[manoolh]

مرحبا اختي احلى ورده
صح يمكن يكون حمل بس من كلامك انك توك مخلصه من الدوره يعني لك 17 يوم يعني هاذي ايام التوبيض
ولو حامل استني لين موعد الدوره الجايه لان الحمل مايبان حتى لو رحتي وسويتي تحليل تحملي واذا جاء موعد الدوره وتعديتي اسبوع من موعدها ولا جت بكذا تروحين تحليلين لان مره انا رايح لدكتوره وقالت مايبان لين تتعدى موعد الدوره وصح احيان الوحده تكون حامل بس لايبان بالدم ولا البول في تحليل الهرومن يبان حتى لو حملك ابو يومين

وع فكره النغزات تكون توبيض انا دايم في المرحله تجيني
والله لايحرمك من الذريه ياربي

 

[ثلوج دافئة]

ممكن حمل بس موأكيد

وربنا يرزقك بالذريه الصالحه

 

[حواء ثقيف]

ممكن يكون حمل انتي انظري اسبوع وحللي دم افضل عشان تتأكدين احسن
والله يكتب لك الخير

 

[أحلى ورده]

جزاكم الله خيرا واثلج صدوركم
وفتح عليكم ابواب رحمته

يعطيكم الف عافيه

 

[ريمانوفا]

السلام عليكم مبارك عليكم الشهر يارب تجعلنا من صوااامه وقوامه
انا عضووه جديده هنا ياليت الاقي قبول بينكم
انا والله بغربه وبعيده عن اهلي وتوني متزوجه تقريبا شهر ونص

انا لي مخلصه مني الدوره الله يكرمكم تقريبا 17 يوم ولي كم يووم وانا احس اول ماااقوم

بالم في جنبي اليمين نغزات غريبه كانه شي يشد واليوم اول ماصحيت حسيت بالم وثقل بصدري

وصدااع يجي ويرووح استغربت وشو السالفه وخصوصا ان امي بعيده عني وماودي اضيق صدرها

حبيت اخذ خبرتكم سالت وحده تقول يمكن اعراض حمل انا خفت معقوله تكون كذا الاعراض وانا ماكملت شهر مخلصه الدوره:schmoll:
ابي ردكم اللله يثلج صدوركم

يعطيكم الف عافيه

تشكرررات

عزيزتي
اذا كنت تحسبين من أول يوم في اخر دوره.........وتم لك...17 يوم

فاعتقد انه تبويض....وليس ....حمل

بالنسبه لأعراض الحمل قد تكون مشابهه لما ذكرتي
لكن لاتقومي بفحص منزلي...
الا...اذا حل موعد الدوره القادمه بعدها بيومين اعملي...التحليل المنزلي..
اما المستشفى...فيفضل عمل التحليل بعد اسبوع من تأخر الدوره القادمه

والله يرزقك بالذريه الصالحه​