ابي حل تكفون ساعدوني

[كسرني زماني]

السلام عليكم يابلقيسيات انا أول مره أشارك بها المنتدى وحبيت اقولكم قصتي وأبغي منكم الحل الحكايه ومافيها أني متزوجه لي خمس سنين وعندي طفلين الله يحفضهم كانت أعاني في صمت من زوجي كان مصروفي انا وعيالي دايم على أهلي حتى اغراض البيت بحجةانه عنده ديون او ماعنده فلوس مع انه راتبه كبير كان يضربني وأهين نفسي واسكت وارضى واهله غلطو بحقي كثييييييييييييييييير وقدامه بس لأنه ضعيف الشخصيه كان يرجعني عندأهلي ولا يكلمني واارجع انا اللي اراضيه عشان الحياه تمشي الفتره الأخيره من حوالي 3شهور صاريعطيني مصروف لي ولأولادي ويقول انه يحبني وقلت الحمدلله يارب تعدل الرجال وفي يوم من الأيام نزلني عند أهلي بحجة ان زميله مسافر معه ويومي ويجي ياخذناكنت اتصل عليه طول السفر تلفونه انتظار في الاخير ارسلتله رسالة حب واعتذار على أزعاجي له وان مقصدي اتطمن عليه تدرون يابنات متى ردعلي اليوم الثاني باليل لا وصوته متغير واسلوبه بعد قلت حبيبي عسى خير عساني فدوتك اشفي صوتك تدرو وش رد علي تخيلي اني اتزوجت عليك؟كنت افكرها مثل كل مره مزحه سكت قلت بكيفك عادي قلي اتكلم صدق قفلت الخط بهدوء ماابي اغلط ارسلي رساله مافيها شي لوتزوجت وانتي الأوله:33:صدمني لدرجةاني دخلت المستشفى قلتله كيف قدرت تتزوج على أساس ماعندك شي قالي بهدوء تصرفت قعدت فتره عند اهلي وهويرسل رسايل حب ورسايل عشان اولادنالا يضيعون ورضيت ورجعت أذل نفسي معه واحاكيه كأنناتونا متزوجين بدلع ورومانسيه زياده عن أول بس المشكله واللي يقهرني ويخليني افكر بالطلاق كل لحضه لما ادق عليه تلفونه انتظار بالساعات معاها بحكم انه في فترة ملكه وكمان يقولي لما نرجع بيتنا وأقولك انا رايح اتزوج قومي أوديك بيت أهلك تروحي بدون نقاش:sadwalk:شفتو زي ذا يابنات انا احبه موت ومتعلقه في رغم كل سيئاته بس أخاف ارجعله واضيع بيتي مني بسبب غيرتي عليه احيان اقول الطلاق رحمه وتخفيف من اللي انا فيه انتو وش رايكم تكفون حلوني اعطوني حل واللي تقرا موضوعي امانه عليهاترد

 

[كسرني زماني]

تكفون ردوا علي لاتخلوني

 

[ايلان طيبه]

استخيري في امرك اولا وماخاب من استخار والله هو الذى يعلم اذابقائك في خير او شر

 

[ام اليتيم]

اولا انت رديتى على نفسك !! لما رديتى وقلتى انك تحبية . اتحملى واصبرى عشان ذا الحب او انك ترجعين لبيت اهلك واضح من تصرفاتة انة تعود على تنازلاتك لة وتحملك فصار يتمادى معك وباين عليك غلبانة وحدة ثانبة كان عرفت كيف تسنعة وتربية اللة يكون بعونك

 

[$ام الاولاد$]

يا حبيبتي الله خلقك حره وليه تهينين نفسك للدرجه روحي لبيت اهلك وطنشيه والله اعلم اللي مثله زوبعه واستشري رجل حكيم قريب منك وعليك بالدعاء الله ييسر لك

 

[سوفت بينك]

لا حول ولاقوة الا بالله الله يعينج حبيبتي والله ما يستاهلج هالرجال
كل الي يسويه فيج صابره ومتحمله
دام اهلج هم الي شايلينج خلاص خذي عيالج وروحي لاهلج بس لا تدمرين حياتج وتطلقين منه خاصه انج تحبينه ومتعلقه فيه بتتعذبين بس خذيها فترة نقاهه لو شهر ما يخالف اقعدي وحاولي تنسينه شوي طبعا بيكون مع الثانيه واكيد بعد شهر بيتغير عليها او شي
بعدها حاولي تكسبينه غيري شخصيتج معاه الي يحبه سويه وضيفي اشيا بعد اقري فالنت وغيره
خليه ينساها ويرجع لج
كوني له الاولى والثانيه
وادعي ربج كل ليله والله بيفرجها عليج وترا في ناس وايد وحريم وايد حالتهم تعبانه واخس من جذيه
قولي الحمدالله على كل حال فكري بنفسج بعيالج
هو تزوج ومستانس انتي ليش معوره راسج ومتضايقه وهامنج وهو العكس والله ما يستاهلج لا تذلين نفسج عشانه خذيلج فتره نقاهه واقعدي فبيت اهلج معززه مكرمه خليه يحس انه عندج كرامه
لا تخلين نفسج ضعيفه وكل ما ضقتي امسكي المصحف واقري قران وكل شي يبدا كبير مع الايام يصغر ربي بيهونها عليج ان شا الله بس خلج قويه واصبري وتحملي عشان عيالج وعشانج هو يبي يقهرج بس انتي اقهريه لا تسوين نفسج مهتمه وايد باللي سواه عيشي حياتج طبيعي
وربي يعينج ويزيل همج ويعوضج خيررر ويرتاح بالج

 

[*أحلى جوري*]

استخيري الله افضل

والله يكتب لك الخير

دمت بود

 

[حنيـــن الشــوق]

استخيييييييييري وربي يوفقك

 

[الخط الفاصل]

حاولي تاخذين رضوة لك إذا تقدرين ..لا تتركين بيتك

نار زوجك ولا جنة أهلك

صراحة الواحدة بعيالها ماترتاح إلا في بيتها

 

[@@الجوهره@@]

اعتقد ان زوجته الثانيه ماراح تتحمله فسوووي اللي يبي لان زواجه ماراح يستمررر اذا طبعه كذا الله يهديه ويسخره لك ولعيالك
بعدين شكله ماراح يقدر يصرررف على بيتين

 

[كسرني زماني]

آآآآآآآآآآآآآآآه يالخط الفاصل ماذلني إلاعيالي صحيح اهلي يحبونهم بس والله اتعبو أهلي وان رجعت اخاف ارجع واقعد معه مثل الاول ماعندي وفقرواهله يهينوني كل شوي وهو طماع اتعبني متى تتوظفين مع اني توي متخرجه احيان احسه مويحبني مثل ماقال وانه يبغى يردني عشان اولادي لحد مايكبروا ولا عشان الناس يقولوا هو ماخذبنت فلان لأنه راعي مظاهر بس والله صدقتي ناره ولا جنة اهلي سلمت أمري لله هونصيفي ومعيني