ابي المشوره ,, ساعدوني

دلع انثى

دلع انثى

New member
إنضم
2008/02/22
المشاركات
31
؛
:
السلام عليكم ورحمة الله وبركاته
؛
انا بحيره ومو عارفه الصح من الغلط ومو عارفه اتخذ قرار عشان كذابقولكم مشكلتي واتمنى تنصحوني بالراي الصحيح
؛
اولا انا متوكله على ربي واثقه فيه وادري انه بيكتبلي الخير ان شاءالله
؛
مشكلتي اني توني مملكه ماسار لي شهر وزواجي تحدد في شهر 11
؛
خطيبي قبل الملكه ابوي سمحله انه يشوفني و يكلمني عن طريق جوالي ماما عشان نتفق على كل شي وافهمه ويفهمني ومن الاشياء الي اتفقنا عليها البيت والزواج وشهر العسل دراستي ووظيفتي بعدين وكل شي تقريبا تفقنا عليها سالني اسئله وسالتها ماتركت شي ولا هو ترك شي الا وتفقنا علي وعرفت كيف يفكر وهو عرف كيف افكر وطبعا قلت لبابا على الاشياء الي اتفقت عليه فيها وكل شي
وسارت الملكه
؛
بعد الملكه سار يغير رايه باشياء كثيره اول شي سار يوم مهري وهديت امي كنا متفقين عليها انا مااحب اتكلم بالماديات بس هو سالني واصر انه يعرف كم المهر عندنا وايش يجب هديه لامي مع اني قلتله عيب هالكلام بس يوم الملكه اتفاجات ان المهر اقل بكثير من لي اتفقنا عليه وهدية امي مو الي اتفقنا عليه كمان
مشيتها يوم الملكه بس بعد مازارني قلتله انت سالتني كم مهري وانا جاوبتك بس انت ماسويت مثل الاتفاق اجل ليش سالتني قام يتعذر لي بابوه وماادري ايش المهم بعدها جا كملي المهر
وبعدها نفس الشي سوالي قصه على القاعه ومو عد الزواج غير الي كنا متفقين عليه بعدها على شهر العسل والحين يلمح لي على دراستي وانه يبي طفل اول سنه
انا يوم كنا نتفق انا وياه ماكنت اجبره او افرض راي بس بعد ماتفقنا مو من حقه يرجع بكلامه وخصوصا اني انا مو طالبه المستحيل ومراعيه ضروفه والله احسه يستغلني
ويوم يكلمني يحب يمدح حاله كثير ويمنني انه تزوجني مع اني احسن منه من كل النواحي والله مو غرور ولا عمري قلتها له بس هو يقهرني يوم يقولي كذا غير انه انه يتكلم كثير عن بنات عائلته وفلانه كانت تحبني وفلانه تكتب في شعر ومن هالكلام
؛
انا ماابي اظلمه هو في كثير صفات زينه طيب ويقول انه يحبني وحنون بس من الي يسويه في بطلت اصدق شي فيه وسرت احس اني مو بامان معاه ومو واثقه في مو عارفه ايش اسوي
؛
قلت لامي وابوي المشكله بس حتى هم محتارين مثلي
؛
هذي مشكلتي ماابي اظلم حالي ولا اظلمه ومو عارفه الصح من الغلط
:
؛
 
حبيبتي دلع أنثى أنا مقدرة حيرتك زين ، وموقفك صعب ومصيري، بس أنا بقولك على أشياء صارت معي شخصياً ، أيام الملكة لأني ماكلمت زوجي قبلها ، فيها من بعض تصرفات زوجك وتفسرت لي بعد الزواج، إذا خطيبك تعذر لك بالمهر على أبوه، أنا زوجي تعذر لي يالبطاقات كنت أبغى أسوي أنا لأهلي نموذج معين ،لأن بطاقاتهم ماكانت عاجبتني بس أصر اني أستخدم بطاقاتهم بحجة أنو أبوي بيزعل ، وحاول يدور أفضل نموذج من السعر اللي مخصصه أبوه عشان يعجبني ، لاحظي هذا التفصيل من أمور الزواج فس منتهى التفاهه بس لما تزوجت ألحين وبعد سنة ونص وأنا أم لبنتين توأم أكتشفت أنو هذا الشي اللي صار كان نموذج مصغر لحياتنا ، طلع زوجي ياعزيزتي مايخط خط بدون رأي أصغر طفل في بيت أهله ، ورأي أبوه عنده أهم من أمور نتفق عليها كزوجين وهذا الشي دمر حياتنا بشكل ماتتخيلينه، بس لوكنت أنا انسانة ذكية كنت انتبهت لهالشي قبل، بس ياحبيبتي أحنا بنات ناس مستورات ومالنا علاقات رجالية قبل ، عشان كذا قلة خبرتنا تخذلنا بالأضافة أنو ماكان عندنا منتدى حلو زي هذا يوعينا وماكننا نتشجع عالدورات ، وماكانت عندنا الشجاعة ان احنا نقول هذا الرجل يستغلني فسخ الخطوية خصوصاً أنو فيه ملكة، والناس بتقول وبتقول
 
عشان كذا انتي خلك شجاعة أولاً
ثانياً : اشتغلي على نفسك شوفي شخصية زوجك من أي نوع شمالي غربي جنوبي شرقي ، وشخصيتك بعد عشان تعرفين كيف تتعاملين معاه.
ثالثاً: إذا طلع زوجك جنوبي وهاذي حاجة أنا متأكدة منها لاتحكمين على تجربتي. وشوفي في المنتدى تجمعات زوجات الجنوبي والشمالي وهكذا هاذي والله بتفيدك كثير.
رابعاً: زوجك الكبير في أخوانه ترى بتعانين شوي، والا الاوسط بيكون معتمد على نفسه، وممكن صغير بيكون مدلل
خامساً : استخيري استخيري استخيري وشوفي إذا والله في كم حاجة موعاجبتك ، يعني احصري السلبيات والايجابيات بعد ماتستخيرين خوذي قرارك وتأكدي انه الصح.
وبالنسبة لغروره لأنه متأكد أنو أنتي أفضل منه يحاول يهز ثقتك بنفسك عشان تلهين عن حياتك وطموحاتك وتصيرين أسيرته وعموماً الرجال لشرقي ترى مايتحمل أنه زوجته تكون أفضل منه
أن أستاذة ماجستير وزوجي معاه دبلوم صحي بعد الثانوية ، وهذا الخطأتقع فيه أغلب الأسر عدم التكافأ الاجتماعي والثقافي بين الزوجين ، ماتتخيلين زوجي كيف منفوخ ريشه وأهله نافخينه مررررررة وهو من جوا ولاشي ويعترف لي بهالكلام ،بس لأنه عارف أنو أنا افضل منه ثقافياً واجتماعيا بحكم احنا من المدينة وهم من قرية ، هذا الشي تاعبه تعب وساعات ينتقد أهله بدون مايحس، وخواته نفس الشي ، وعموماً في خبرات تأكد أن الرجل قبل الثلاثين يكون نافخ ريشه بقوة وشايف انه ماغيره فالدنيا، وبعد الثلاثين تخف هاذي الفورة
والله يوفقك ياحبيبتي ولايهمك إذا انتي بحيرة شديدة ترى أنا اعرف بنات فوا ملكات كذا مرة وسعيدين جداً فحياتهم ألحين مع أزواج ثانين يقدرونهم لا بعد ألاحظ انو البنت اللي تفك ملكة تنخطب بسرعععععععععة بعدها
ألحين ولاتندمين بعدين استخيري ثم استخيري
 
:
؛
اختي يبغاني ضعيفه
؛
جزاكي الله خير على ردك
والله يسعدك ويوفقك ويكتب لك الخير بكل خطوه
؛
ردك خلني افتح عيوني على اشياء
و هو من جد مايسوي شي الا باذن ابوه وخواته
حتى التافه منها
:
؛
 
غاليتي أحببت ان أذكر لك أن نفخه لنفسه

وذكره لبنات عائلته ...وتمنينه لك باختياره لك

كل ذلك وراءه شعور داخلي بالنقص ,,,وإحساسه أنك كثيرة عليه يجعله يتصرف هكذا

رغم أن ذلك ربما لايكون صحيحا وحتما أنتما متقاربان وإلا ماوافق أهلك عليه

ولكنه يفتقد الثقة في نفسه

والعلاج بيدك إن أظهرت له حبك وإعجابك واحترامك له بعد الزواج

بل وأقنعيه بأنه مميز وذكي لأنه حصل عليك واختارك

و بهذا ستداوي النقص في نفسه وسيتعلق بك كثيرا

هذه وجهة نظري وعليك بالإستخارة قبل أي شئ

وفقك الله​
 
:
؛
اختي مرموره مشكوره لردك
:
وجزاكي الله خير

؛
:
 
اهلين اختي الله يوفقك ويسعدك في حياتك الزوجيه بس نصيحه لاتتنازلين عن موقفك وقرارك
ولا تعطينه وجه انتي اتفقتي معه ووافق اوكي بس يرجع في كلامه ابدا لاتتنازلين
 
:
؛
جزاكي الله اختي حبيبت رشيد
؛
وانتظر مشورة باقي البنات
لاني جدا محتاره
واهلي محتارين مثلي
؛
:
 
الظاهر لما شافك سكتي في موضوع المهروالهدية صار عنده عادي كل يوم يغير في الاتفاقيات حاسب انك ميته عليه كلميه بصرامه ولا تقولين انه يحبني في الخطوبه كل المخطوبين يقولون نحب بعض احنا علينا من حياتك بعد الزواج فكري عدل ولا تستعجلين في قرارك وخصوصا اذا كان ماله شخصيه ويمشونه اهله والله يوفقك لراي الصحيح
 
عزيزتي دلع
انا اقول لك ما في رجال كامل
بس صراحه انه يتكلم عن بنات ويقول فلانه تحبني ومادري مين كانت تموت فيني
هذا الرجال ينخاف منه
هذا الكلام يقوله الحين وانتي توك متملكه
في المستقبل بعد الزواج وش راح يسوي ؟؟
ممكن يخونك
انا لو خطيبي يقول لي كذا على طول راح :bye1:
وغير سالفة المهر وابوه
ترى معناته انه بعدين راح يغير رايه في اشياء كثيره وما يكون له راي واحد يعني راح تتعبين
وغالبا فترة الخطبه والملكه احيانا تكون نفاق يعني لا تنخدعين بالكلام ودائما
من ناحية الطرفين يبرزون المزايا ويخفون العيوب الا اللي ما يقدرون عليها وتبان غصب عليهم :shutup:
اتمنى كلامي ما يزعلك
تقبلي مروري :in_love:
 
مرحبا اختي
بالنسبة لي واضح انك بنت شاطرة وماتهمك العواطف وتفكرين بعقلك فااتوقع انك شمالية شرقية وهو جنوبي وهذا حلو
بس بقولك على الرجال وهذي معلومة تحطينها حلقة باذنك (الرجال اللي يشوف المراه القوية يحترمها واللي ماتتنازل يقدرها )
فاهم شي تسوين اللي تبينة ودامك مراعية ظروفة وشو لة التلكك لذلك انصحك انا لاني تجربتي علمتني
انا تنازلت عن البيت ولكن انا شارطتة بالعقد ووياها دراستي وقال لازم نجلس 8 شهور عند اهلي بعدين نطلع قلت اوكي وشرطتة قلت احتياطا ولما طالبتة قال لا وللعلم جبت بنت وكملت سنتين قال لا لازم لانك تشتغلين مايكون لك بيت او تطلعين من الشغل واحط لك بيت ولا دامك تشتغلين مالك شي لانك ماراح تقعدين بالبيت (شوفي العذر ) واللحين انا ببيت اهلي انتظر طلاقي لانة ماكان صريح من البداية ولاني تنازلت
لا تدخلين علية الا لما ينفذ لك كل شروطك
للعلم علاقتي بزوجي حلوة وصار كذا اجل لو بالبداية خلافات ولف ودوران
لو منتي متأكدة طولي فترة الملكة الين يسوي اللي تبينة ترا اذا دخلتي بيتة ماراح يسوي لك شي​
 
:
؛
مشكورات خواتي على مروركم
؛
وجزاكم الله خير
؛
وانتظر باقي ارائكم
؛
:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل