ابي اغير نظرتهم ( ياليت تقرون وتردون علي*_*

[قطوه قطر]

السلام عليكم ​

بدخل فالموضوع على طول وياليت بنات تساعدوني لاني بجد
محتاجه لكم ولافكاركم والله يسعد ويريح قلب كل من ترد علي وتهتم :8:
الحمد لله شخصيتي حلوه على كلام امي واختي وصديقاتي والحمدلله ماعندي عداوات وخدومه ومحد يطلب مني شي وارده بس مشكلتي اني كثير خجوله مع الناس اللي ماعرفهم والجديدين علي وحتى مع الاهل اللي بعاد شوي عنا استحي اسولف واخذ واعطي معهم مب عشان ماعندي ثقه فنفسي بالعكس كثير راضيه عن حالي ومقتنعه باللي عطاني ايياه ربي بذكر لكم مثال فقعدات النسواان استحي اسولف بس اذا حد سولف معي اسولف واضحك وعادي بس اذا محد كلمني اسكت واضحك وعادي عندي بس يقولون اني خجوله كثيروانطوائيه بس اللي يعرفوني عدل يقولون اجتماعيه وبسرعه ادخل القلب ماعرف شلون اغير من نظرتهم ​

باختصار ابي اكون اكثراجتماعيه و اتخلص من خجلي :24:​

\​

اتمنى اي وحده تقرا كلامي تساعدني وباكون ممنونه لها وبادعي لها​

 

[دفء]

غاليتي:
بصراحة ماني شايفه مشكلة ..
أنا شايفة شي حلو وميزة بعد..
بالطبع اللي فيك مو سيء ولا سلبي اللي فيك طبع محبوب بالنسبة لي..
الله يوفقك لكل خير..​

 

[قطوه قطر]

صح كلامك حبيبتي انا عارفه بس هم يحسوني معقده او شايفه حالي اناابي اكون اكثر اجتماعيه

اشكرك عالرد اللي اثلج صدري والله يسعدك دنيا واخره يارب ويرزقك من حيث لايحتسب

 

[دفء]

الله يجزاك الجنة على الدعوات ياحبيبه..
لكن إذا ودك تكونين اجتماعية أكثر ابدأي خطوة ..خطوة..
يعني مثلا:طرح موضوع للنقاش شاركي فيه..
وأبدي رأيك..
أو مثلا أنت اطرحي موضوع وناقشي المتواجدات فيه..
وأشعري نفسك إنك تقدرين تتجاوزين هالشي اللي فيك وإنه شي عادي ولا فيه صعوبة..
إبدأي أنت المزح..
اسألي عن وحده ماشفتيها لها فترة..
وبالتدريج راح تتغلبين على خجلك..​

 

[البحر جنوني]

يااختي والله ضلي خجوله احسن لك بواجد ويش لك انك تصيري اجتماعيه اكثر انا نفس حالتك بس راضيه بحالي مااحب البنت للي تدفق حالها .. للي يكلمك كلميه وخلاص ولي مايكلمك لا تكلمينه وناس بعضهم مايحبون اي احد يكلمهم او يااخذ ويعطي معهم <<وانا اشوف بوجهة نظري انك كذا احله يااختي ضلي ع حالك احسن فديتهم الخجولات ​

 

[قطوه قطر]

والله احترت مب عارفه شسوي

 

[foffaa]

وانا مثل مو مع كل الناس اكون اجتماعية يعني شي عادي مو غريب لان كل انسان وشخصيته ويعتمد حسب المكان الي انتي فيه ومدى ارتياحك للناس

 

[ورد من الألماس]

انا مثلكـ يا اختي ..
مع اهلي واصحابي اجتماعيه ومزاحه ..
ومع الاقارب البعيدين والنآس اللي ماعرفهم خجولة وحيآويه ..
بس لما القى تجاوب وقبول منهم ، اكون دخلت معهم عآدي ..
هو ع حسب النآس اللي معكـ ..
بس انتي ابدي ، اسألي اسئله بسيطة وبعدين بيردون لكـ الاسئله وبكذا تتعودين ..
ولا تحطين في بآلكـ ان هالشي مو كويس ، بالعكس ميزة البنت بخجلهآ وحيآءها ..

 

[قطوه قطر]

الله يسعدكم عالردود اللي تثلج الصدر

 

[قمر بلامنازع]

ياقلبي ,, ذكرتيني باحالي ,, لمن ربي من علي بالوظيفه .. واختلطت اكثر بالناس .. وربي الحين محد قادر يمسكني .ههههههههه.. صرت اجتماعيه بقوووووووووووه

الله يوفقك ويسعدك ويمن عليكي من عنده​

 

[قطوه قطر]

الله يسعدك دنيا واخره ويبارك لك في وظيفتك وفحياتك على الدعوات الحلوه

انامقدمه اوراقي بس للحين مالله كتب وامي تقولي اذا اختلطي بالناس بتكونين جريئه اكثر

 

[يابعدها سماي]

إنت مشاء الله خجلك ما يعتبر عائق للتواصل مع الناس دام اللي يكلمك تكلمينه عادي
وصفتك بنظري إيجابيه
واعتبره ميزة في اي بنت تتصف فيها ​

 

[ميلاد الغلا]

والله نه احلى شي كذا

ياليت اصير كذا

انا مااعرف احط لساني بفمي

بس ترى تلاقي اللي مايعجبه سالفتك و لا يجرحك

انتي كذا احسن شي

 

[cute girl**]

وانا بعد نفس حالتكك

يارب نصير اجتماعيات مره

 

[صفا الليل]

انا ما اشوف ان هذا عيب
وانا مع البنات لا تحاولى تغير نفسك

 

[اميره بخطوتها]

أهلين أختي شوفي حبيبتي بأمكانك تغيري من نظرتهم لك حاولي قدر المستطاع أنك تسولفي وتضحكي وتأخدي وتعطي معاهم مع الوقت حتتعودي وتتخلصي من الخجل هادا وحاولي تروحي لدكتور نفسيه يعطيك الحل المناسب لمشكلتك

 

[همـــس الروووح]

وااااااااه ياليتني مثلك واقدر امسك نفسي عن السوالف سبحاان الله ماحد راضي
انا اشوف اسلوبك حلو ومحبوب واهم شي صديقاتك مش مهم كل اللي بتشوفينهم وتقابلينهم لازم تاخذين وتعطين معاهم والله بيجيبون لك الصدااااااااااع والقيل والقال وكثرة السؤال

ربي يحميك

 

[فــيـــو**نكه]

طيب ابدا مو طيب انك تكوني خجوله بهذا الشكل حاولي تبدين رئيك في اي موضوع يناقش في الجلسه افرضي نفسك في المجتمع تعلمي فن المحاوره وابداء الرائي انا كنت زيك بس غيرت نفسي بنفسي

 

[خــوله]

سبحان الله !


كأنك تتكلمين عني انا مثلك بالضبط ..بخصوص هالشئ !

 

[يارب اهديني=)]

لا خليكي كدا لا تتغيري
ترى احلى مافي البنت خجلها ^_^​