ابي اغير شخصيتي شوي :)

[so cool]

السلام عليكم
انا اكبر وحده من اخواني . احس شخصيتي مب اوك
ابي اتغير يعتبرون طيبتي غباء
الي مب عايبني عصبيتي . يعني ازعل بسرعه اتحسس من اي كلام هه
ومب اجتماعيه انطوائيه جي احب اتم بروحي
ووايد افكر مره قالولي شعرج يطيح قلت هيه مب مهتمه فيه . قالولي لا من التفكير وقفي التفكير
ومعتمده ع امي وابوي مدلعيني الحمدلله
يعني اخاف اذا قالولي اروح السوبر ماركت اروح بروحي
ويوم اطلع ارتبك مرات مثلا نروح البنك ماعرف ارمس شو المشكله وخفت شوي وارتبكت
ومتردده ماعرف اختار ثيابي ومتردده ف قراراتي اعرف هالشي مب اوك
وجي يقولون حركاتي نفس اليهال
بس هالايام احاول اني اعتمد ع نفسي شوي
ومن النوع الصامت وكتوومه وايد وماعرف اعبر . احس مايفهموني
وعقب انفجر
يعني ماسولف . ابي اكون نفس غيري من البنات يسولفون وياخذون راحتهم وواثقين من عمارهم
واستحي . في وحده ماعرفها اول مادخلت الجامعه حللت شخصيتي قالت انتي ع نياتج بس خايفه من الناس وخايفه من الخيانه وقالت لاتخلين حد يستغلج من طيبتي هع
احس من الصعب ارفض اذا شي ما ابي اسويه لغيري . ممكن نصايح خواتي . ابي اكون قويه .مب ع كل شي ابي اصيح

 

[النُوري]

حبيبتي أنا عاني من هالشي وحطيت مشكلتي
وزين انك حطيتي مشكلتك وعرضتيها
للقلوب الطيبه هنا صدقيني وربي شاهد لو كان هالكلام له تأثير
فالفضل يعود بعد الله لهذه الاروآح
الطيبه التي ساعدتني وغيرت مني شيئا ليس ببسيط
وربي بل بأكثر بس يلزمني اصرار
ودعم اكثر عشان ارجع مثل ماكنت بس انتي حالتك اكثر مني حاولي
كل ما تجتمعين مع الاهل او صديقاتك او اي مكان عام انك تعودين
نفسك على انك تغيرين هالشي اللي فيك كل مره
اختبري نفسك فموقف وحاولي تتخطينه ولو بجزء بسيط وصدقيني
كل مره تلقين اجابيه بسيطه كل مره
تنفك شخصيتك مثل العقده تماما ماتفك بسهوله يبيلها اصرار
وعدة محاولاات وتركيز والاهم من كذا الجزم والنيه
انك تبين هالشي وتبين تحقيقينه ولو عندك خواتك صديقاتك
اي احد له تأثير عليك
حاولي تحتكين فيهم يدعمونك اكثر واكثر بكل حالاتك وفوق
كذا لاتنسين الالتجاء الى
الله الدعاء بكثره والالحاح الكثير ان ياربي احلل عقده من لساني ..
انا الحمدلله فضل ربي وهالبنات اللي ساعدوني
احاول اغير من شخصيتي ونفسيتي شوي شوي رغم اني مالي اسبوع بهالموقع
ربي يجازيهم الجنان الاعلى ولايحرمهم مبتغاهم ..

عسى اني افدتك يالغلا

تحيتي لك والله الموفق