ابي استشاراتكم

[فراشه موف]

انا كتبت موضوعي قبل هنا عن الانفصال انا صارلي الان اقل من شهر عند اهلي لاني طالبه الانفصال لاكن زوجي ماخذ بنتي عمرها اربع سنوات وصار لي اكثر من اسبوعين مو شايفتها احس من جد تعبانه ومانعها عني جابها مرتين والحين اخذها لاكثر من اسبوعين والله احس ولهانه عليها لاكن امس اتصل الها وخلاها تكلمني وانا على طول قمت ابكي بس حاولت اضغط على نفسي عشان ماتحس وكلمتني وتقولي تعالي قلت الها انتي تعالي اشوفك قالت بكره وجا اليوم ولاجابها مع اني حسيت ان ماراح يجيبها بيعند اكثر عشان يمكن اضعف وارد مثل المره اللي فاتت بس هالمره انا ملزمه ومصممه على عدم الرجوع لان الامر بالنسبه لي مو سهل اللي يمد يده مره ومرتين وثلاث مايستحق العيشه معه

 

[ام اليتيم]

صح كلامك اللى يمد يدة مرة واتنين مو رجال اصلا ويستحق انك تتركى البيت عشانة بس لاتفكرى فى الانفصال ادبية خليك عند اهلك وشوفى اذا قدم اعتذار وندم يصير عفا اللة عما سلف واللة اذا معند لا ياحبيبتى القعدة بيت اهلك اكرم .. واللة يجبرك ويقر عيونك ببنتك

 

[لميس الحنونة]

الله يفرررررج لك ياارب ويسخره لك ويهديه

 

[اولادي كل حياتي]

[معليه تحملي البعد عن بنتك اقلها وانتي بكرامة
ـ ولاانك معاها وانتي مهانة والله يكرمك في ذل وضرب
ـ الله يصبر قلبك ويهون عليكي ويفرج همك
ـ عليكي بالاستغفار وقراءة سورة البقرة يوميا وربي بيبرد على قلبك ويفرج امورك
ـ والله معاكي/SIZE]

 

[نضوج أنثى]

كل الرجال هذا اسلوبهم لما يبون يضغطون على الزوجه او يهينوها ومايفكرون غير بطرق الانتقام ومايراعون نفسية الأطفال انا ماادري عن مشكلتك من البدايه لكن انتي حاولي تصبرين عشانك وعشانها وبالنهايه تقدرين تشوفينها او تآخذينها بحكم المحكمه والله يكتب لك اللي فيه الخير يارب ولا يحرمك منها

 

[أميرة الورد!!]

حبيبتي ادبي زوجك ... خليه يحب القاع .. عشان ترجعين لا تضعفين ودخلي احد كبير في المسأله اهلك أبوك وخليه يرد اعتبارك .. مو هين مدت اليد .............

أعانك الله عليك بالاستغفار والدعاء والاستخاره ولا تستعجلين ..

 

[مابي غيره حبيب]

الله يكون بعونك ويعينك مدري اش اقولك

 

[فراشه موف]

بصراحه اشكركم على ردودكم وانا هذا اللي ناويه اسويه ماراح ارجع الا بشروط والا خلاص كل واحد يروح بحال سبيله انا هالمره مصممه المشكله ان اهله مايبو يتدخلو بالسالفه ومبعدين نفسهم

 

[احبكم ابنائي]

الله يفرجه عليك كل شي ولا الضنى بس اصبري ولا تبينين انك تبينه
بالعكس اذا اتصلت اكيذ بيحط السبيكر واذا قالت ابجي قولي معليش ماما ابي اطلع احسن اجلسي مع بابايالله باي انا مشغوله بتتعبين بس هو بينقهر والله انه بيجيبه لك ولا راح يجي ياخذه والله مجربه لما اسوي نفسي مو مهتمه يرميهم بالاشهر ولما انهبل ابيهم يحرمني منهم
الله يصبرنا ويحفظهم​

 

[فراشه موف]

مشكوره اختي احبكم ابنائي على ردك وانشالله اخذ بها النصيحه

 

[عسـэšζـــل]

الله يخليك ادبيه بس لاتنفصلي عشان بنتك المسكينه
ولاتكرهيها في ابوها اوتحسيسيها بشيء وهو نفس الشيء
اهم شيء نفسية الاطفال
الله يهدي زوجك امين​

 

[زوجي حياتي..]

الله يصبرك ياقلبي ويحنن قلبه ويسخره لك يارب
اعرف وحده من صديقاتي تطلقت ورمت بناتها الثنتين بوجه زوجها وقالت ماابي شي يذكرني فيك ...... انا لما عرفت السالفه قعدت ابكي واقولها الا بناتك يالخبله يمكن ماعاد تشوفيهم بعد اليوم قالت لا لالالالالالالالا خليه يتادب خخخخخخخ وفعلا ماكملنا اسبوع الا وحط البنات عند الباب حق اهلها وبيدهم الف ريال وعليها ليومك هذا ماسال عن بناته

 

[دلع الخليج]

الله يفرج همج يارب

 

[bees]

الله يعينك ويختار لك الطيب ....امين

 

[فراشه موف]

بصراحه ردودكم تشرح القلب الله يشرح قلوبكم يارب والله يسمع منك اختي زوجي حياتي

 

[قلب مكلوم]

لا حول و لا قوة الا بالله .. العلي العظيم

انا اقولك ادبي زوجك ولا تنفصلين ..

الله يهدي ما بينكم ..​

 

[هلا الرياض]

الله يصبرك بس معك حق بس اذا راضاك شهدي احد عليه انه اذا عادها ما راح ترجعين ثانيه

 

[فراشه موف]

مشكورين بنات على ردودكم والحمد لله اليوم جابها معي وبكره بياخذها الحمد لله على كل شي اتصلت علي جدته وقالت لي تعالي خذي بنتك من جد فرحت ورحت لاكن لقيته هو ماخذها بالسياره وبيجيبها ففتح باب السياره وانا كنت بالشارع فنادى علي واخذتهاو جبتهامعي وهي مستانسه