ابي احد يفهمني

[alo]

:icon1366:اناكنت متزوجه وعندي ولد عشت معاه وانا احبه كثير وكنت في نفس بيت اهله في البدايه كانت العلاقه حلوه وكنت ساكنه مع الاهل كانت عنده اختين في البيت بس وحد منهم كانت مره كويسه بس انها تحب تتدخل في كل شي وغير كذا كانت دايم تخلي قريباتها ينامون عندنا دائما شبه يومي ويتغون ويقعون معاناانا مليت وصرت ماحب زوجي يقعد معاهم يسولفون معاه وهو يضحك معاهم اخته اتوقع انها تنقل لهم حكي عني لانهم دايم يتغامزون ويضحكون انا صرت مااستحملهم لاهم ولاقعدتهم مع اني كنت احب اخته وكنت اعرف عنها كل شي بس هي ماراعت مشاعري بل عكس صارت تزيدبهذا الشيوتخليهم حتى بالسفر يروحون معنا انا لما احكي معاه مايتقبل مني اي شي ويقول انتي غلطانه انا لو ابيهم كان اخذتهم لكن انتي شكاكه مو شك غيره فيه فرق المهم حتى صارو مايسلمون علي اذا جو من التطنيش لان انا بان علي اني مابيهم كل مانروح مكان معانا مليت ولاهو ولا اخته تعاطفو معاي بالعكس يقول بتروحين الله يحيك ولا اقعدي مو لازم تروحين بعدها شكلي زودتها كل يوم اشكي له انا صرت طفشانه من الحياه معاه وكان يقول اطلعي وماكنت احب اطلع مليت من كل شي المهم ماطول في يوم قالي انا ماحبيتك ولكني حاولت بس ماقدرت انتي ماحسيتي بذا الشي انصدمت انا مررررررره دقيت على امي وقلت تعالي الحين ورحت من بيته وبعدها قلت كرامتي لازم اخذ اغراضي وارسلت احد ياخذهاوبعد ست شهور دق وقاعد يقنعني انا احبه غبيه على طول اقتنعت وقالي بدق على اهلك المهم رجعت واول اسبوعين حلوه لكن الاسبوع الرابع كان طفشان وزعلان قلت اكيد مني وش فيك وش فيك سالته كثير وارسلتله مسجات في الاخير قال مانصلح لبعض احنا حاولت عشان الولد لكن ماقدرت قلتله اوكيه وصلني انت رحت البيت ومالي وجه احكي مع احد بعدها بثلاث ايام قال هونت ارجعي لحد يدري بس انا مارجعت لاني مليت كل يوم طالعه طاح وجهي حتى عند اهلهلانهم درو بس اهلي مايدرون بس حاسين لان اغراضي معاي لما اصر على الموضوع حكيت مع اهلي بس رفضو وقالو اذا تبينه لازم شروط لكن رفض كل شروطي وقالي انا مايعيني شي اقدر اتزوج ثانيه قلتله بسلامتك وتطلقت وانا محتاره ليه كذا وبعد ماقربت انساه رجع ثانيه للمسجات والمكالمات وطبعا انا زي ماقلت اول غبيه ارد واسمع لان كنت ابي اعرف وش عيوبي ليه كل ذا بعدها قالي وش طلباتك الحين افكر فيهاعشان نرجع لبعض بس انا الحين محتاره هو انا ارجع ولا لا اخاف بيرجعني شكل عشان عندي ولد وهو يصير يتزوج ويوسع صدره لانه دايم يقولي انا ماحبيتك وعمره من تزوجته ماقال احبك مع اني اترجاه يقولها وش الحل دلوني الله يخليكم

 

[ترانيم الألم]

بصراحه.........انا لو مكانك ماراح ارجع............لأنه الحياه الزوجيه لازمها الاحساس بالأمان عشان تستمر والحياه مع زوجك مافيها هالشي.........احسه متردد ومو عارف اش يبي وكأنه يلعب باللعبه مو بني آدم عندها كرامه ...........مره تعالي مره روحي.......انتي اش طمنج انج اذا رجعتي مايغير رايه بعد ويقول لا خلاص مانصلح لبعض روحي بيت أهلك؟؟؟؟؟؟؟؟واذا على الولد احمدي ربج انه ولد واحد بدل مابكره تنصكين بثنين ثلاثه ويزيد عدد الضحايا..............

 

[مملكة الأحزان]

ياحبيبتي الله يعينك كل من اهل زوجك حسبي الله عليهم ترى الرجال مايملى عينهم الا التراب وعندي وعندك خير المهم

اطلبي شروط منها بيت لحالك لاترجعين ببيت اهله واخته لاتدخلينها في امورك انا وثقت في اخت زوجي وكنت اعتبرها اختي وللاسف الله لايوفقها كانت سبب من المشاكل اللي بيني وبين زوجي

وتتجسس علي وتاخذني بحلاوة لسانها عشان تسحب مني كلام تعلمي ياختي لايغرك من الثعبان ملمسه

اخت الزوج اصلا تغار من حرمة اخوها واكيد تبي توقع بينكم هي وشلتها انتي لاترجعين الا بشروط اولها بيت لحالك والله مالك بالمهزلة وقله الحياء وبعدين ترى اهل الزوج هم سبب خراب البيوت خصوصا اذا كان الزوج خيخه لاهله


المهم وغير كذا ماتصير مشاكلكم مفشيه لهم لاترجعين الا ببيت وصدقيني لو قالك ايش مايمكن استحالة يغير وجهة نظره لكن الله يعينك ويدلك طريق الصواب



حبيبتي استخيري الله

 

[ثقتي عاليه]

هلا حبيبتي
ليش احس ان شخصيتج ضعيفه ..وثقتج في نفسج مهزوزه واتوقع ان هذا هو سبب طلاقج

 

[تحيه للعلم]

شوفي يا آلو اذا هو يصرف عليج وعلى ولده ويصلي ويعرف ربه ردي له بس بشرووط تاخذين لج بيت

بروحج ولا اخته ولا صديقات اخته مادري اللي يصيرون حق اخته شالمسخره هذي؟؟

ارجعي بكل ما اوتيتي من قوه لا تخافين الا من اللي خلقج حطي لج حدود وقوي شخصيتج عليه

زوجج ترا من النوع الخواف خلج قويه بس بدلع ودلال وبكل انوثه وافقي وحطي لج شروط هذا ابو ولدج

اما سوالفه وطريقته الشي اللي مايعجبج طنشيه ولا تهتمين له بس وقت الغلط والشي اللي يغضب ربج

لا تسكتين مثل سالفة اللي يصيرون حق خواته مفروض تكلمينه من ناحية الشرع والدين عشان يكون

موقفج اقوى يعنى لازم تحاججينه لو شفتي الغلط لا يغير الموضوع ويخليه من صوبه ويقول انج غيرانه

قولي لا ولا ولا الغيره شي واللي يغضب ربي شي ثاني عاجبك اهلا وسهلا مو عاجبك روح بيت اهلك اشبع

ضحك معاهم وبعدين تعال بيتي دايما قولي بيتي عشان يصير لج حد بالتعامل اما اخته فطنشيها تماما

من بعيد لو هي سلمت ردي انتي السلام وبس

تقبلي مروري

 

[ضحكتي دموع]

اللة وياك حبيبتي ويسخركم لبعض ويهدي زوجك لك

 

[الزين كايد]

الصراحه انتي ماعندج ثقه بنفسج ليششششش من البدايه حسستيه وحسستي اخته انج تغارين
من اللي يزورونكم ويسافرون معاكم مالج خص فيهم الزم ماعليج ريلج ولازم تكونيين واثقه من نفسج وكشختج وشكلج صراحه انتي في البدايه علتي على سبب مايسوى بينتي لهم ضعفج المفروض تطلعين لهم وتسافرين وتروحين وتردين ولاعليج منهم والحين صراحه ماعرف شقولج صلي استخااااااااااااره وادعي ربي دايما
واذا ارتحتي اطلبي بيت لج بروحج والله يسهل عليج ويوفقج ان شاء الله