ابي اتطلق ساعدووونني

[وداد الحربي]

انا بنت عمري 19 متزوجه من شخص عمره فوق 50 وضروفي وجهلي خلتني اوافق عليه واتزوجه ومن سنه انا متزوجه والحمدلله م بيننا اولاد وافكر دايم انفصل عنه لان مو متقبله لا شكله ولا تفكيره ولا حتى عمره والله العظيم محتاره وش اسوي كاره نفسي وودي انتحر واترك هالحياه مدري عطوني رايكم وش اسوي اكثر من مرا اقول ل اهلي بنفصل عنه بس يقلون اصبري ربي بيعوضك والله كني دميه معه بس اكمل حقوقه واكله م احس للحياه طعم??.

 

[ام صادف]

مااقولك تتطلقي
لاكن الله يسامح الي خلاك تتزوجي واحد بالعمر هذا ؟؟

 

[رورو الراكزة]

طب حبيبتي والله لساكي صغيرة مين يلي زوّجك ومين اللي اقنعك فيه؟يعني عمرك لساه صغير كان بيجيلك احسن مليون مرة.....طب خبرينا هو كيف معك؟؟سيء؟بيضربك؟ خبرينا اكتر لو سمحتي

 

[أم عمر العمانية]

يالله 50 سنة؟

ليش زوجوك أهلك؟ خلصوا الرجال يعني؟
ياعمري والله زعلت عليك

 

[وردة الرحى]

انا بنت عمري 19 متزوجه من شخص عمره فوق 50 وضروفي وجهلي خلتني اوافق عليه واتزوجه ومن سنه انا متزوجه والحمدلله م بيننا اولاد وافكر دايم انفصل عنه لان مو متقبله لا شكله ولا تفكيره ولا حتى عمره والله العظيم محتاره وش اسوي كاره نفسي وودي انتحر واترك هالحياه مدري عطوني رايكم وش اسوي اكثر من مرا اقول ل اهلي بنفصل عنه بس يقلون اصبري ربي بيعوضك والله كني دميه معه بس اكمل حقوقه واكله م احس للحياه طعم.

شوفي يا قلبي انتي عارفه ومُدركه حجم المشكله اللي انتي فيها !!!
بما إنك صغيره بالسن كنتي مفكره ان الزواج هو طوَّق النجاة والسعاده
ولكن بما انك الحين وياه تحت سقف واحد وطبعاً الحياة الزوجيه مشاركه وتعامل يومي ...حاسه نفسك إنك غلطتي بإختيارك وموافقتك عليه لأنه رجل بمقام أبوك !!!
الحل مو بالأنتحار يا قلبي ...
لا تدفنين نفسك وانتي صغيره وتقتلين أنوثتك ...
تفاهمي ويا أهلك لأن الصبر لن يغير سن زوجك ليعود شاباً !!!!
مشكله عن مشكله تفرق وانتي مشكلتك عويصه لأن فارق السن بينكم كبير واااايد ...
المهم ألحين إنك تتفقين وتتفاهمين ويا أهلك ...
حل المشكله بإيدك وبيد أهلك ...
أكثر الزيجات اللي يكون فيها فارق السن كبير بين الطرفين تكون بسبب الماده ...
أتمنى إنك توضحين لي سبب زواجك منه ؟؟؟؟؟

 

[Rama 1234]

والله هيك نوع من الزواج مافي الو حل يا اما بتحبي او الانفصال لان فارق السن كبير وزوجك بعمر صعب كتير انك تغيري... اهم شي تكوني متوافقة مع اهلك واذا اهلك معك ان شالله بتنحل الامور...??

 

[نبراس الهداية]

يمكن إنتي بحكم صغر سنك ما عرفتي تتخذي القرار الصحيح بس المفروض أهلك كان عليهم هذا الدور ... عموما قدر الله وما شاء فعل بس فعلا الزواج اللي مثل هذا ماله الا حلين عشان تقدري ترتاحي يا أما أنك تتقبليه وتحبيه أو أنك تنفصلي عنه
فيه دول فيها مثل هالزواج عادي متقبل اجتماعياً .... أعرف بنات خذوا رجال كبار في العمر أشك أنهم مرتاحين بس الأكيد أنهم حاولوا أنهم يتاقلموا مع الوضع.

القرار هنا في إيديك ... الإنسان يعيش مرة وحده ومو معناته أن الإنسان اتخذ قرار خطأ في لحظة من اللحظات يعنى لازم يعيش مع هالخطا طول عمره ما دام فيه مخرج وفي نفس الوقت لازم يتقبل سلبيات هالقرار وهالمرة لازم يفكر بشكل سليم مو بتسرع لمجرد أنه يطلع من المشكلة ..

عموما حبيبتي إنتي أدرى بظروفك ووضعك والخيرة فيما أختاره الله ولا تنسي الدعاء وصلاة الإستخارة... وفقك الله وفرج كربك

 

[Xyoulli]

والله مدري وش انصحك مصدومه ??
كيف رضوا اهلك يزوجونك واحد بهالعمر ، مافيه توافق لا بالعمر ولا بالافكار وكل واحد فيكم من جيل

 

[العنوووددد]

ياعمري الله يعينك ادا منتي مرتاحه انفصلي وربي بيعوضك احسن من عمرك يضيع وانتي ندمانه

 

[الأميرة الناعمه]

حبيبتي وداد ما بعرف ايش اقولك استغربت من اهلك كيف قبلو به وهو كبير بالعمر يعني شاف كثير من هالدنيا كيف يتقدم لبنت صغيرة مثلك .استغفر الله العظيم ربي ايفرج همك حبيبتي صلي صلاة الاستخارة وادعي ربي يصلح حالك 

 

[كارولينا 111]

ماعليكي اختي والله ولي اسمه الله في عالي سماه لطلاقك منه من اول جلسه حسبي الله ونعم الوكيل ليه وش ذنب ضعيفه هذي مهو من حقها تفرح وتتزوج بشخص نفس تفكيرها ومستواها حسبي الله ونعم الوكيل ابي اعرف المؤذون كيف كتب الكتاب مايخاف ربه ماعليكي اختي والله ولي اسمه الله في عالي سماه لطلقك منه واتعابي اخذها منه مهو منك انتي الله يستر عليك يابنت الأجاويد

الل.

الله يجزيك خير ..

 

[مستشاره أسريه]

صلي استخاره وادعي بصلاة التهجد ان الله يوجهك لطريق الخير لك

 

[الحياة أمل]

لاحول ولا قوة الا بالله،والله صُعقت لما شفت فارق السن،،الله المستعان اذا كنت انت صغيرة وما عرفتي تقررين أين كان أهلك حتى يقبلو بهذا الزواج!!!!
الرجل فعمر ابوووي كيف اتخيل أني أعيش معه؟؟
عموما الانسان ما راح يرجع للوراء لكن استشيري في امرك وشوفي ايجابيات وسلبياته ،واستخيري قبل اتخاذ القرار المصيري حتى لا تندمي على شيء!

وارفعي يديك لله في جوف الليل وادعي الله ان يريح قلبك ويطمئن نفسك بما هو خير لكِ فسهاام الله لا تخطئ...

 

[Hadeel1]

شوفي عزيزتي
الحل هو القوه في إتخاذ القرار
يعني بالنهاية هي حياتك وانتي اللي تقررين