ابو زوجي يخوفني(الردود تحت المراقبة))

[جنتي بيتي]

كيفكم حبايبي والله احبكم كلكم واتمنى لكم كل الخير
انا مشكلتي غريبه نوعا ما وحابه انكم تشاركوني كيف اتخلص منها
ابو زوجي ماشاء الله عليه عنده خير كثيييييييييييييير كثييييييييييييير
يعني بالعربي مليونير زي مايسموه عندنا
المهم يجي عندي البيت كثير في اوقات زوجي مايكون في البيت
والله يابنات اذا جاء عندي البيت اخاف منه يبوسني
وانا اتضايق منه بقوه يجلس يقولي كلام غزل يعني انتي اليوم طالعه حلوه ريحت عطرك عجبتني وشعرك يجنن بس لو تفرديه يطلع احلى وغيره كثير كثير
بعدين يطلع ليا فلوس ويعطيني هيا او يعطي بنتي الصغيره سته شهور ويروح
ومايطلع من عندي الا وانا بموت من الرعب
والله العظيم يابنات اليوم جاء البيت وزوجي موجود طبعا بعد الجمعه انا طبخت ودخلت اخذ دش طلعت على غرفتي وانا لافه المنشفه علي والله يابنات انو دخل علي الغرفه وصحت انا انفجعت منه ايش جابه هذا هنا وطلع بسرعه قالي معليش على بالي انك تكلمي بالجوال
ولما لبست وطلعت لقيته مرسل زوجي البقاله وانا والله تعبت منه بقوه وكل مره اجي بكلم زوجي اقله على حركات ابوه بس اخاف يعني مو حلوه اقوله ابوك يسوي كذا وافكر اقول لأخواتي يسووا مشاكل وانا الحمد لله مبسوطه
وابو زوجي هوا اللي يصرف علينا لان زوجي لساته ينتظر التعيين
معليش طولت عليكم بس الله يخليكم تعطوني حل يريحني من الكابوس اللي مزعجني في حياتي

 

[زوجة عبودي]

يويويو ايش هاذا ؟؟؟
لا حول ولا قوة الا بالله
انا من رايي انك تخبري زوجك بالموضوع
هاذا موضوع ماينسكت عليه

 

[بيرو العمودي]

سكوتك هذا راح يضيع
ومو بعيده ابو زوجك يورطك عند زوجك
لوما شاف منك استجابه
يتغذى فيكي قبل لا تتعشي فيه
وقتها السكوت ما راح ينفعك
وانتي الوحيده الي هتروحي فيها
وماحد هينفعك وقتها

فكري وشوفي
ايش السهل عندك
تكلمي اهلك
ولا زوجك​

 

[لهب]

استغفرالله العلي العظيم ... ذكرتيني بابو زوجي اول ما تزوجنا كان يقولي كم مره نمتو .. وشو عجبك ولا بعد .. ومن ها الكلام اللي ما يسر .. لين مره سويتها فيه وسمعت ولده بصراحه علشان ما يقول اني اتبلى على ابوووه وعصب طبعا زوجي .. المهم قالي حاولي انك تكوني رسميه مع الوالد علشان ما يتدخل .. ومره سواها وسألني شو عطاكي حقك البارحه ولا لأ .. رديت عليه في نفس اللحظه وقلت له لو سمحت هذي اموور خاصه والمفروض انك ماتتدخل فيها.. لانه حرام علي اني اقولك ان كان حصل ولا لأ .. وغير كذا اسأل ولدك وليش تسألني انا .. ومن يومها وهو ماخذ مني موقف وكارهني .. وطبعا على طول خبرت ولده قبل لا هو يتصل عليه ويألف علي كلام ما حصل ... والحمدلله من ذاك اليوم وانا بخير .. ويعاملني باحترام ... وهذا اللي يصير لج اختي استغفر الله شي غريب ومب طبيعي ... والله يفكك من ها البلاء ..

 

[كيمياء الحسن]

انصحك بقوله تعالى ...(( وأفوض امري الى الله ان الله بصير بالعباد ))
وقوله ((حسبنا الله ونعم الوكيل))
اكثري من الدعاء بان الله يصرف قلبه ونظره عنك وكل يوم اقرائي اذكار الصباح والمساء واستودعي الله نفسك فهو خير حافظا لكي وهو ارحم الراحمين حتى لو كان الشيطان هو الذي يزينكفي نظره او يزين الافكار براسك راح يبعد والنصيحه الاهم حاولي ماتفكي له الباب وزوجك ماهو موجود وتحججي بانك نايمه او بدوره المياة اكرمكم الله واذا حضر للمنزل وزوجك موجود حاولي انت تخافي كل محاسنك يعني بالعامي لاتحطي عطر ولاميك اب ولاحتى شعرك تزينيه وكوني جدا عاديه في وجوده لاتكثري الكلام معه كلمه وورد غطاها اجلسي بالمطبخ لين مايخرج صدقيني راح يبعد هو من نفسه اذا كان بنفسه شي ...
وفقك الله عزيزتي لمايحب ويرضى وحماكي الله من كل مكروه استودعتك الله الذي لاتضيع ودائعه ...

 

[@هند@]

مالت عليه هالشايب دام فلوسه كثيرة ليش مايتزوج

والله حاله

 

[كيمياء الحسن]

وانصحك نصيحه اخت لاختها لاتخبري زوجك لان زوج ماراح يبيع ابوها ويشتريك او يجعلك تشوهين سمعت ابوه وهو ساكت والابو ماراح يتمادى اذا وجد منك الجديه بالموضوع والتطنيش وانا لست مع قول تغدي فيه قبل لايتعشى فيك معك الله ...وقد قالها الرسول الكريم عليه افصل صلاة وازكى تسليم الى يوم يبعثون لاتحزن ياأبا بكر ان الله معنا ... فاأنا اقول لكي لاتحزني ان الله معك ... وحتى لو ظلمتي قد قال عزوجل وعزتي وجلالي لاانصرنكم ولو بعد حين ....
اختك كيمياء الحسن

 

[عاشقة فصولي]

اهلين اختي اسمعي زوجك لازم يدري والحين لانو بعدين تنقلب السالفه عليك اذ عرف زوج ومصيره راح يعرف مافيه شي يتخبا لازم لازم تقولين له قبل لا يصير شي اكبر من كذا وانتي فاهمه قصدي لا تقولين هو يصرف علينا ربي يرزقكم وربي يفرج عليكم ان شالله بس احب اقولك اذا سكتي على ذا الشي كنك راضيه عليه (قولي لزوج )واليوم قبل بكره نصحتك واتمنى تتقبلين النصيحه

 

[RedRose]

عزيزتي جسي نبض زوجك اولا قبل اخباره

قولي له بان صديقتك تتعرض لمضايقة من ابو زوجها وهي لا تريد ان تسبب مشاكل وتخبر زوجها ,, ومن رده ستعرفين ان كان يجب ان تخبريه ام تتصرفي لوحدك مه ابو زوجك

حاولي ما تفتحي الباب اذا جاء بيتك في غياب زوجك ,, ثم اعتذري بأنك لم تسمعي الباب او كنت تاخذين حمام او اي شي اخر

والله يحميك ​

 

[همي وليفي]

يـــــــــــــــــــــــــــــــارباه ربي لاتبلانا... ويبعد عنك كيده يارب ؟؟؟


مبين ان نواياه شينه ؟؟ فانصيحتي لك انك لاتقولين لزوجك لانه مستحيل يصدق

بس انك تقولين لابو زوجك انه يلزم حدوده معك ولا تقولين لاهلك وزوجك


واذا مابطل عن فعلته بلغي زوجك وانفذي بجلدك

وعسى ربي يرد كيده في نحره اذا كان ناويلك بنيه سيئه


وعليك بالدعاء غالـــــــــــــــــــــــــيتي ...

 

[القلب المهجور]

الله يفرج لك
والله موضوع صعب
الله يسهل لك وتحلي مشكلتك

 

[الامل باالله]

عزيزتي جسي نبض زوجك اولا قبل اخباره ​

قولي له بان صديقتك تتعرض لمضايقة من ابو زوجها وهي لا تريد ان تسبب مشاكل وتخبر زوجها ,, ومن رده ستعرفين ان كان يجب ان تخبريه ام تتصرفي لوحدك مه ابو زوجك ​

حاولي ما تفتحي الباب اذا جاء بيتك في غياب زوجك ,, ثم اعتذري بأنك لم تسمعي الباب او كنت تاخذين حمام او اي شي اخر ​

والله يحميك ​

انا معاهااااااااا
سوي مثل ماقالت لكـ

 

[مستشاره2010]

اولا ودي اسالك سؤال كيف لبسك بصرااااحة قدام ابو زوجك

 

[غلا روحي ليول]

حبيبتي تلاحقي روحج وحياتج ولازم تخبرين زوجك ولابعدين تنقلب السالفه عليج وربي يفرج عنج

 

[ضبيى]

تمكني من نفسك مره جدي دخل على مرت عمي بالحمام وشكت عليه الحرمه بالمحكمه علشان تاخذحقها فعلا تصير ترى وتطلقت هالحين بسبب ابوزوجه الشايب

 

[ياسلام علي]

نصيحه مني يااختي لاتقولين لزوجك لانو مهما كان هذا ابوه بس وش الواجب عليك انك تحذرين منه لاتحطين عطر اذا كان موجود ولاتلبسين لبس يثيره ولاتحطين مكياج وحاولي ماتقعدين معه كثير واذا جاء عندك بالبيت دقي على زوجك قولي ابوك عندنا مثلا جيب معاك عشاء او تعال نقعد سواء مع ابوك او انا مشغوله تعال اقعد معاه فشله يقعد لحاله وانتبهي اذا صار موجود تدخلين الحمام تتروشين اذا بتدخلين قفلي عليك باب الغرفه لاتثقين حتى لو صار زوجك موجود والله يبعده عنك وعليك بقيام الليل وطولت عليك حبيبتي

 

[الزوجه الاولى]

الله يعينج حبيبتي وقفيه عند حده ولا تعطينه مجال يتماده

 

[جنتي بيتي]

والله يابنات لبسي جدا عدي وساتر بس هوا الله يهديه يفاجئني
يقولي انا عند الباب افتحي
ودائما اتحجج له انو انا في الحمام ماسمعت جرس الباب بس زوجي
مايرضى على ابوه اي شي يقولي اذا دق عليك الباب افتحي بسرعه
ولا تخليه ينتضر

 

[جنتي بيتي]

الله يخليكم ويرزقكم حياه سعيده دوم والله انبسطت بقوه من ردكم اللي هون عليه كثيييير
والله يوفق كل وحده ردت عليه
ويجعل ايامها كلها سعاده

 

[أحلى توتهـ]

الله يصرف نظره عنك أخيه

بس رأيي إنك تسجلي الحدث يعني تحطي كاميره مخفيه > اتوقع صعبه هذي

بس ما في مثل الجوال تسجلي كل كلامه

والله يحميك يالغلا

أحلى توتهـ​