ابوي اقترح اتفاهم مع زوجي قبل ولادتي ... رايكم خواتي؟

[الـجـوهـره]

بسم الله الرحمن الرحيم

السلام عليكم ورحمة الله وبركاته

للي مايعرفون موضوعي هذا الرابط للتذكير

http://www.niswh.com/vb/showthread.php?t=334636

الله يسلمكم ابوي اليوم بعد العشاء اقترح علي انه يتصل على زوجي ونتفاهم بوجوده

يقول افضل قبل ولادتك

قلت لابوي بفكر اليله وبرد لك بكره


شرايكم هل راي ابوي صح
قبل الولادة افضل

واذا صح ابي نصايحكم لحوار وتفاهم ناجح مع زوجي الشمالي

باختصار وتذكير لكم

انا لي اكثر من 3 شهور عند هلي ومنقطع تواصل بينا

طول سنه ونص زواجنا اساس مشكلتنا عصبيته ودقته على صغيره وكبيره

شخصيته فيها ازدواجيه ساعه عصبي وبعدها بدقايق يكون احن شخص ويموت علي

شرايكم كيف اتفاهم وياه

​

 

[خيط زري]

ا

عتقد اقتراح الوالد الله يحفظه في محله يمكن يبي يريحك نفسيا قبل الولاده وشايل همك الله يخليه لكم

حتى انتي ودك تستقرين ويخف حمل الهم عليك

وان شاء الله تولدين بالسلامه ويسخر زوجك لك بجية المولود يارب
​

 

[من كل بستان زهر]

الله يعينك

 

[الـجـوهـره]

خيط زري

ربي يتقبل دعاك ويسخر لك ويسعدك بالدارين

من كل بستان

شكرا لتواجدك اختي وربي يسعدك بالدارين ويسخر لك

 

[أستغفررر الله]

حبيبتي انا بوضعك وافهمك اكثر
شوفي اذا حاسه ان هم وحمل الولاده عليك ثقيل وتبينه يحس بلحظات ولادتك وياقف معك بهالشده حاولي تحلي الموضوع بهالايام وتتفاهمي معاه بحظور الوالد
واذا هالاشياء ماتهمك وتبينه لين يطيييييييح كل الجنون اللي براسه انتظري لين تولدين بالسلامه واعتقد بيضعف اذا شاف ولده ولا شافك باول ايام ولادتك
استخيري وفكري وشوفي وش الللي يناسبك من خيار
الله يهون عليك يااارب

 

[الـجـوهـره]

استغفر الله

خيتي انا ولدي بالحل الثاني لانه جد بيعقله ميه بالميه

بس هو كلم ابوي وقال ابي نتفاهم قاله ابوي برد لك والحين ابوي تاركه من اسبوع

ابوي استصعب يقول البنت ماتبي ترجع ومستصعب يخلي الامور لبعد الولاده احتار وقال لي هالراي

ربي يشافي ولدك ويسخر لك ويسعدك بالدارين

 

[لواكـــــــــر]

ابوك معاه حق ....احسن تحليها ذحين ..وطبعا بوجود الوالد ...
رتبي افكارك وكلامك ,,عشان ماتتلخبطي ,,
ولا تنسي توكلي على الله وادعيه واستغفري

 

[ياربي انصرني]

الله يهون عليك ويسهل ولادتك ويرزقك بالذريه الصالحه

من وجهة نظري ان يجي زوجك ويتفاهم مع ابوك ومعك

وتقولين كل اللي بخاطرك وتحلين الوضع و3 شهور

وانقطاع الاتصال بينكم وتجميد الموضوع من ناحية ابوك

كل هالامور يمكن جعلته يفكر بأخطائه وراجع نفسه هالفتره

تفاهمي مع زوجك مادام انه طالب الاصلاح وان شاء الله تنصلح امورك وتولدين بالسلامه وزوجك حولك ويلم الله شمل اسرتكم الصغيره على مايحبه ويرضى000

 

[الـجـوهـره]

لواكر

هذا اللي محيرني مادري وش مفروض احكي وش اللي مومفروض

تايهه لان 3 شهور وشوي احس ضاعت افكاري

نفسي صفحه جديده وبس

لكن الرجال مختلفين مو زي نفسياتنا
لازم تفاهم وزحمة

ربي يلهمني التصرف الصحيح

شكرا لتواجدك وربي يسعدك بالدارين ويسخر لك

 

[الـجـوهـره]

ياربي انصرني

امين ربي يتقبل دعاك ويسخر لك ويسعدك بالدارين

 

[نضوج أنثى]

حليها الحين وكلام الوالد عين العقل كفايه 3 شهور وتعتبرين عروسه مالك إلا سنه ونص وكل هالمشاكل بينكم حبيبتي شي طبيعي الخلافات اللي بينكم لأنكم مااخذتوا على بعض اتحملي زوجك واصبري ترى الشمالي معروف عنه إنه عصبي وبس يعصب التزمي الصمت ولما تهدأ الامور بينكم اتفاهمي معاه طريقة الرد والاخذ والعطا وهو معصب ماتنفع ابدا انتبهي ياقلبي لما يجي قولي كل اللي بخاطرك قدام ابوك عشان يفهم وش اللي مضايقك وانتي افهمي النقاط اللي مو عاجبته فيك وحاولي تصلحينها الدنيا يبي لها صبر وخصوصا الزواج الله يصلح حالكم يارب

 

[ود الامارات7]

الله يعينك

 

[أستغفررر الله]

مشكوره على الدعواات
توكلي على الله
واطيعي الوالد
لانهم شايلين حملنا حتى وحنا كبار وتلقين وده تتصالحي انتي وزوجك وتهدا الامور بينكم
وبنفس الوقت رتبي افكارك وتذكري كل اغلاطه اللي طلعتك من بيتك وحاولي تناقشيها معه بحظووور الوالد بهدوووووووووء بدون مزاقع
وبالتوفييييق يالغلا

 

[أستغفررر الله]

نسيت اقولك
اجلسي مع نفسك واكتبي اغلاطه بورقه عشاااانلما تسمعينها قدام ابووك ماتنسينها
<<<<ترى الطريقه مجربه وانا اختك خبره بالزعلااااااات
هههههههههههههههههههههههههههه

 

[الـجـوهـره]

نضوج انثى

معاك حق خيتي بكلامك ان شالله ربي يلهمني التصرف الصحيح ونوصل لحلول وسط

ومعاك حق سنه ونص نعتبر جدد على حياة بعضنا

شكرا لتواجدك وربي يسخر لك ويسعدك بالدارين


ود الامارات

امين ياخيتي وربي يسخر لك ويسعدك بالدارين

 

[رقيقة قلب]

الله يكون بعونك
انا اقول راي ابوك صح
وانت رتبي افكار قبل لاتقابليه
الله يسرلك الي فيه الخير

 

[الـجـوهـره]

استغفر الله

شكرا لاهتمامك خيتي

وربي يخفف زعل ويسخر لك

الله يسعدك كاتبه اوراق مو ورقة وحده

ربي يلهمني التصرف الصحيح

 

[شـمـوخ الـريـم]

غاليتي الجوهره
زوجك من النوع اللي وقت ما اعصب ماعاد احس بنفسي واحس تصرفاته مصطنعه علشان يفرض شخصيته ويعودك على عصبيته والضرب .. تدرين اش يبيله قرصه اذن بس قويها شوي لان هذا النوع اذا ما انردع يتمادى واذا ما عرف وش خسارته من مكسبه ماراح يتوب وفيه عنده احد يشجعه على التمادي
فلا تحنين ومن جهه مجروحه ومو قادره تنسين ومن جهه تحبينه احنا الحريم كذا ما نحب الا وجع القلب لكن الرجال يشترون راحت بالهم ولو مع زوجته عشره وعشرته معها 50 سنه يبيع كل شي مقابل راحت البال
لا تضعفين وخليه ياخذ له درس مافي احد يبقى على حاله كل انسان قابل لتغير وكل انسان فيه مرونه لكن فيه رجال يحبون يطبقون كل شي يسمعونه حتى لو هو عايش بجنه وفيه رجال يحاولون يتغيرون لكن زوجاتهم ابدا ما تساعد ولا تشجع ولا تكافئه بمعامله احسن وتخليه يعرف ان هو اللي يشب النار وهو اللي يطفيها والحرمه ما عندها الا تعامل مثل ماتعامل حاولي ماتستفزيه وتخلينه يطلع عن طوره ويمد ايده عليك لا تجيبين الضرب والاهانه لنفسك ولا تشدين معاه بلكلام ولو صار شي يضايقك ابدي رايك بادب وبينيله انك تكلمينه باحترام (( وليس خوف منه ))
عزيزتي لا تقولين مو قادره تنسين ولا تكونين حقوده ارميه عليه حو اللي جرحك وهو يداويك واطلبي منه وحمليه المسؤليه انه ينسيك اللي سواه فيك .. حلو انه يرجع التواصل بينكم لكن مو بتدخل احد ابوك له دور في حل المشكله او بالاصح وضع حد لتطاوله لكن ثلاث ارباع الحل عندك باسلوبك بكلامك اي شي يحيرك اساليه اش الاسلوب اللي انت تبيه مني وكل واحد يقول لثاني اش المعامله اللي يحبها من الطرف الثاني وكل واحد يمشي على الاتفاق ولو خل احد فيكم يذكر بدون ما تطاولون على بعض وحاولي تسعدينه اعرفي اش اللي يبيه منك وامشي معاه ومع الوقت تتعودين ولا تسمحين ابد اللي كان يسويه معاك قبل انه يتكرر
اتوكلي على الله واستخيري علشان ربي ييسر لك اللي فيه الخير ويختار لك الصالح
خلي ابوك يكلمه ويقوله بثقل تعال عندي ابيك ويتكلم معاه بثقاله ويبين انه ابدا مو راضي عن تصرفاته ولا يكثر هرج يلعب باعصابه ومهما اعتذر وحاول يسولف لا يعطيه وجه وخليه يقوله مالك مده يد على بنتي انا ابوها وانا اربيها لو غلطت وكم كلمه من اللي تهز بدنه وبعدها يناديك ويطلع لكن اصحك تناقشينه قدام ابوك بيحقد عليك وبدل ماتردين والقلوب صافيه تردون والقلوب مليانه انتي تبين تحلينها مو تعقدينها وانتي ياقلبي تحمليه واذا شفتيه متظايق او زعلان اعرفي مزاجه واساليه على رواق وباسلوب حلو عن الاشياء اللي تحيرك فيه مثلا كان متضايق اش تحب اسويلك علشان تروق عطني امثله بس واترك الباقي علي اذا معصب الزمي الصمت والانسحاب لكن لا تطولين شوي وارجعي بكاسه عصير هدى الانوار شوي علشان تهدى اعصابه وقربي منه شوي شوي وسولفي وغيري الموضوع وبصوت هادي ولو كان العكس اطلبي منه يحملك مثل ما تتحملينه ولو صدر اي تصرف يزعلك الزمي الصمت وتكلمي بثقل واذا سالك اش فيك صارحيه بالموضوع وبيني له وش سبب زعلك وبهدوء شد معاك في الكلام اقفلي السالفه واتركيه لان بيني وبينك مايربي الرجال الا انك تخسرينه علشان يعرف غلطه ويتوب واذا رجعتي لا ترمين نفسك عليه كوني ثقيله واطلبي منه ينسيك اللي سواها وقولي له مو قادره انسى اللي صار واتدلعي عليه قولي له انت ما تحبني رجعتني علشان ولدنا بس يعني مالي في قلبك شي وخذيها بدلع حننيه عليك اكسبي قلبه
وزوجك بكلامك فيه صفات كثير حلوه حاولي تطورينها وشخعيه عليها وبدلعك وهدوءك غيري اللي ما يعجبك
لكــــــــــــــــــــن ريلاااااااااااااااااااااااااااااكس

طولت عليك لكن فعلا حياتكم ثلاث ارباعها حلوه مو علشان كم خصله مو بزينه تنهدم فيها بيوت
ونصيحتي لك لا تعودينه على بعدك فيتعود ولا تعودين نفسك ان كل شي يصير بينك وبينه على طول تشكين لاهلك حاولي تحلين امورك بطريقتك ولا تكرهين اهلك فيه فيكرهك اكتمي مشكلتك اكثر من مره واشغلي نفسك علشان ما تنطين على الجوال وتجلسين تتشكين منه
وعسى الله يهدي سرك ويوفقك وتقر عينك فيه وفي عيالكم ولا تحرمينه فرحه ولده
من تصرفه اكتشفت انه يموت عليكم
بالتوفيق

 

[واثقة]

امسكي ورقة وقلم واكتبي كل ما في نفسك


وغدا أعيدي قراءة الورقة ستجدين ان مشاعرك سكنت وستحددين الأمور الأهم للإتفاق عليها


اكتبي ما تريدين في ورقة صغيرة


واقرأيها عدة مرات قبل حضوره



اهتمي بمظهرك قبل الدخول عليه

لا تبالغي في الزينة ولكن كوني أنيقة ..


وأسألي الله الإعانة

صلي وادعي ربك أن يجري على لسانك الصواب

وأن يرزقك حسن التصرف


​

 

[قشوووطه]

بصراحه مو عارفه ارد عليك بشو
بس الله يسخره لك ويهديه ويصلحه ويقومك بسلامه