ابني كظلي ...

[بيضاء قلب]

السلام عليكم ورحمة الله وبركاته
أخواتي مشكلتي مع ابني ذو الثلاث سنوات ونصف ...
أربعة وعشرين ساعة لاصق فيني ما يفارقني ... يخاف لو غبت عنه لحظات ...
لو يناديني مرتين وما رديت على طول يبكي يبكي يبكي بخوف ... أحس كأنه يخاف يفقدني...
مريت بظروف الترم الأول وهي :
أنا معلمة وماكان عندي شغالة ومافيه أحد أحط عيالي عنده .. حطيتهم بحضانة ويالله يالله بالعافية تعود عليها ... أخوه الصغير عادي ( سنة ونصف ) تأقلم بسرعة ...
بعد كذا دخلنا في البرد وصعبة عليهم الحضانة لأن الصغير عنده ربو ... فاضطريت إني أخلي الكبير عند جده وجدته وأعمامه يموتون فيه ويموت فيهم ولا يبغى أساسا إلا القعدة عندهم ...
وكنا نروح نشوفه كل أسبوع ... ومبسوط ماعليه خلاف ..والصغير احطه عند الجيران وقت المدرسة لأنه برضه عادي ما يقول شي ...
استمرينا على هذا الحال فترة قرابة شهرين ... وبعدها جاتني شغالة وقلت الحمدلله انحلت المشكلة
وعيالي راح يبقون عندي وننتهي من هذا التشتت ... ولكن والحمدلله على كل حال ... طلعت الشغالة مريضة نفسيا وما قعدت غير أسبوع ورجعناها لبلدها ... ورجعنا لنفس الوضع بس المرة هذي كان يبغى يجلس عند جده وجدته بس يقول خليك معايه ....
دورت على شغالة مؤقته ( حبشية ) ... وهي والله كويسه بس ماتأقلموا معاها ... وبالذات الكبير ( صاحب المشكلة ) ... وزاد تعلقه فيني بشكل كبير ... ولا يبغى الشغالة تسوي له ولا شي ... وتقول كل مايصحى وأنا في المدرسة يجلس يبكي ... مع اني يوم ارجع ألاقيهم جالسين عند التلفزيون ويفطرون ...
تتوقعون وش سبب التعلق الزايد فيني ... تصدقون حتى غرفتي ما أقدر أدخلها لوحدي ... وياويلي لو أدخل أنا وأبوه لوحدنا !!! ...
​

 

[بيضاء قلب]

بنات تكفون ردوا علي ...

 

[وهم79]

اختي هل انتي موظفه ؟؟؟؟؟؟؟؟
ثما ردة فعل ولدك لبعدك عنه وتشتتكم حاولي انك تقربي منهم اكثر خذي اجازه اذا كنتي موظفه
ام اذا ما كنتي فليه هذا التشتت وارسال اولادك لبيت اهل زوجك ولجيرانك
يالغاليه احنا بزمان ما تظمني فيه اخوكي ولد امك وابوكي انتبهي على عيالك وانتبهي عليهم من التحرش الجنسي للاطفال

 

[أميرة بطيبتي]

الله يعينك والله أنا نفس حالتك ولدي ثلاث سنوات ولاصق فيني(أسميه جونسون ) غير صرت الفترة الأخيرة أخلي أبوه يشيله ويحضنه وياخذه معه الغرفة ينيمه عشان يتعود عليه وعشان أنا أرتاح شوي ,, ,,حتى لما أخرج لازم هو الوحيد الي أخذه معايا,,