ابني..صعب صعب جدا

[حلاوة الحياة]

السلام عليكم ورحمة الله​

اهلا اخواتي​

انا عندي طفل عمره 3 سنوات وهو بكري لكن الله يهديه جدا طبعه غثيث اي شي يبيه لازم ياخذه بالطيب بالغصب لازم ياخذه​

واي شي يبيه لازم يصير ..صراحه لازم يغلبني ويمشي كلامه علي ماقدر ارده ارفض في البدايه بعدين لاشعوري انفذ طلبه يمكن لانه يصيح كثير​

اللي مضايقني اكثر شي انه ماينام الا جمبي عى السرير مستحيل ينام بسريره وهو متعلق فيني مررره يعنيل و يقوم ولايشوفني جمبه يسوي مناحه لو ادخل الله يعزكم الحمام يقعد عند الباب يصيح لين اطلع يعني مررره مضايقني هذا التعلق​

كيف اخليه يخف تعلقه فيني؟!​

كيف اخليه ينام بعيد عني بسريره؟!​

يمكن تحسوون ان شخصيتي ضعيفه بالعكس انا مرره شديده معه ومررره يعمل حسابي بس مدري شلون بقدرة قادر يمشي كلامه علي..​

المشكله مشاركني بالمشكله ابووه مرات يدلعه مررره ومرات يضربه وبقوه بعد يعني مافيه حل وسط​

الموضوع هذا مقلقني خاصه اني اهتم بموضوووع التربيه ودايما اقرا بهالخصوص بس احس ان التربيه مررره صعبه​

تكفون عطووني آرائكم.. ​

 

[رحيق]

عزيزتي طريقتك بالتربيه جعلته يصل لهذه المرحله
فالتربيه تبدأ عندما يكون الطفل رضيع
فيتعلم أن ينام في سريره
ولا يعطى مايريد عندما يبكي
حتى لا يصبح البكاء وسيلته الوحيده للتعبير عما يريد
وهكذا
فألآن طفلك كبر وأصبح النوم بجوارك رابط شرطي للنوم
يعني لن ينام في مكان آخر ولن يأتيه النوم لو لم تكوني يجواره
فعليك أن تبدأي بالتدريج معه
تهيئي له غرفه
وتبدأي أنت بالجلوس معه إلى وقت نومه
حتى يعتاد الأمر
أيضا اجعلي والده يأخذه معه مشاوير قصيره
وأيضا اذا خرجتي معهم
انزلي لمحل و اتركيه قليلا مع والده
واتفقي معه انك لن تتأخري
يعني عوديه انك اذا ذهبتي ستعودين باذن الله
وانصحك بقراءة كتاب المربية الشهيره سوبر ناني
الجزء الأول سيفيدك كثيرا
وانبهك ان التذبذب بالمعامله
ينشئ طفل عصبي جدا
فاحذري​