ابني ذوالخمس سنوات والحل

ا

ام اسارين

New member
إنضم
2010/11/08
المشاركات
601
انا ولدي فصلته من النوم بغرفتي من سنتين
بغرفه لحاله واجلس عنده حتى ينام
بس خليه يقوم ماعنده احد يجي عندي
وارجع انومه ثاني وعلى الحال عجزت اعوده
وانا تعبت ماارتاح بنومي والان عمره 5 سنوات الله يخليه وعنده اخوه
بالغرفه بس مايبي الا انام عنده والايجي بغرفتي
اقوله نم بغرفتك واعطيك هديه اوديك ملاهي حديقه حلويات وكل شئ بس مافاد
تكفون يالخبيرات ابي حل
تععععععبت
 
خمس سنوات كبير مب صغير الله يحفظه يعني شدي عليه شويه وكوني صارمه معاه ولا تنامين عنده لأن المشكله ما بتنحل بالعكس كأنج ما سويتي شي خليه ينام بروحه وبيتعود مره مرتين ثلاث وإذا طلع من غرفته فالليل لا تفتحين عنه الباب وقوليله إنج تعبانه وخليه يرجع ينام وهكذا لين ما يتعود واكيد هو البكر لذلك يكون أصعب طفل الله يخليهم لج ويبارك فيهم
 
مشكوره ماقصرتي
سويت اني ماافتح له واتعذر
يجلس يصيح ويخبط بالباب واتوقع
ان الجيران بيهربوامن الشقق من الازعاج
 
قولي له اذا نمت في سريرك الى الصبح و ما جيت تنوم عندي ابدا راح اعطيك هدية ...

و روحي اشتري له مجموعة هدايا من ابو ريالين يعني ما راح تكلفك شي كثير...

و كل يوم ينام الى الصبح في سريرة عطيه هدية ... و هكذا بعدين خففي الهدايا شوي قولي له كل يومين بهدية ثم كل اسبوع بهدية و كذا ثم حطي له جدول لمدة شهر اذا نام في سريرة تحطين له نجمه او فيس مبتسم او علامة صح و اذا كمل الشهر يكون له هدية و هي انك تودينه للملاهي او حديقة الحيوان او اي مكان هو يختارة ... و اذا ما نام يكون علامة اكس او فيس حزين ... و ما فيه هدية
هذي بعض الاقتراحات اتمنى تفيدك ... و الله يساعدك و يكون في عونك ...

الامر مو سهل بس توكلي على ربك و ادعيه انه يساعدك ... و ان شاء الله تحصلين اللي تبين ...
 
والله يا حبــيبتي انا مثلك بس عندي بنت وعمرها خمس سنوات والى اليوم تنام سريرها عندي في نفس الغـرفه والسبب لأن مـاعندي غيرها ومن يوم هي صغــيره وأنا اطلب ابوها ننقلها في الغرفه المــقابله لغرفتي وراااافض يقول تبغينها تصير مهبـوله تخـاف لوحدها...والحين ابحــث عن حــل ؟؟؟الله يعينا يااارب​
 
صراحه كل الحلول سويته ولافاد معه
الله يصلحه
واذاقام الصبح قال وين الهديه
وهواصلا مانام بسريره
وانا احيانا احزم واحيانا اهدي شوي
ولافيه شي ماشجعته فيه
بس موراضي يتغير
الله يصلحه
 
بصراحة انتي تاخرتي عليه
انصحك بالصبر وطولة البال الله يهديه
 
يا اختي حرام عليك نيميه في حضنك يمكن خايف يعني ايش اللي يصحيه من نومه يمكن شايف احلام مخيفهاو يمكن تعود ما يرتاح الا بحضنك
الله يهديه ويريح بالك

 
نفس المعاناه يارب تشوفون لنا حل طفشت والله حتى لو تركته يصيح وينام واذا جلس بالليل يجي ينام عندي يارب وش الحل
​
 
طيب حبيبتي يمكن ولدك من النوع الخواف




إحرصي على تطهير غرفته من شتى أنواع الصور والعرايس والدباديب




وجميع أنواع الدمى <<لأن ابن عثيمين رحمه الله ووالدينا~يقول أن سبب




قلق الأطفال بالنوم هو وجود هذه الأشياء في غرفهم وملابسهم..




إحرصي على أذكار الصباح والمساء وأذكار النوم ..والدعاء له




وإحرصي على عدم تناول التسالي والشيبسات والشكولاته قبل النوم


وعدم النوم ولو لخمس دقايق أثناء النهار ..




لأن هذي الأشياء تعطيه نشاط ........وأعطيه كوب حليب بالعسل أو لبن أو نعناع


أيضاً إحرصي على النوم مبكراً والصحو مبكراً


وعدم إنارة الغرفه وتنويمه في غرفه مظلمه نوعاً ما..



فقد أكد باحثون من جامعة أريزونا الامريكيه في بحث علمي أن


النوم في الظلام مفيد للصحه ويحسن نشاط جهاز المناعة بصورة

كبيرة


وذكر الباحثون أن الجسم يفرز في الظلام هرمون الميلاتونين الذي

يؤدي دورا وقائيا في مهاجمة الإمراض الخبيثة كسرطان الثدي والبروستاتا .


وتشير الدراسات إلى أن إنتاج هرمون الميلاتونين الذي يعيق نمو

الخلايا السرطانية ـقد يتعطل مع وجود الضوء في غرفة النوم .


ويرى الباحثون إن هذه العملية الطبيعية التي أوجدها الله تعالى

تساعد في الاستفادة من الليل المظلم للوقاية من أنواع معينة من السرطان .


وكما ينشط الليل المظلم إفراز هرمونات معينة في الجسم , فإن

ضوء النهار ينشط هرمونات أخرى تقوي جهاز المناعة ,


وتقي الجسم من عدد من إلامراض .

قال تعالى:

الله الذي جعل لكم الليل لتسكنوا فيه والنهار مبصرا




طبقي هالكلام وبإذن الله ينام بهدووووووووووووووء




..​
 
كان لازم تعودينه من يومه صغير الحين يبغا له طولة بال لين يتعود
 
غيري مكان سريره يمكن يكون محتر اوالمكيف مايبرد عليه ويتضايق ومايرتاح في نومه
وحطي في بالك انه ماينام في النهار واذ جاء الليل قومي ولعبيه العاب شاقه تهد الحيل مثل نط الحبل او السباحه علشان ينام نومه تريحه
سويها ثلاث ايام ورا بعض ويمكن يتعود بعدها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل