ابني الحبيب عصبي ، عنيف ، مخرب :(

[Roode]

السلام عليكم ورحمة الله وبركاته
--------
الدكتورة العزيزه نجوى حابه اطرح عليك مشكلة ابني لعلي اجد عندك اجابة شافيه بإذن الله تعالى ..
-----------
عندي ابني عمره سنه و9 شهور تقريبا .. كل شي فيه سليم ولله الحمد .. صحته كويسه وبنيته ايضا ولله الحمد وكل شي طبيعي..

بدأ يتكلم كلمات مفهومه يتواصل بالكلام وبالنظر وباللمس بشكل سليم الحمدلله
يفهم لما اطلب منه شي يسويه

وعنده اخت عمرها 3 سنوات ونصف جدا هادئه بسم الله عليها
----------

لكن فيه اشياء تؤرقني وحابه اعرف الطريقة السليمه للتعامل معاها
---------

فهو عصبي جدا مع ان عمره سنه بس ومن عصبيته دائما جسمه يصير حار وراسه حار ويعرق
----------

يعصب بسرعه ولأسباب تافهه
وإذا عصب يصرخ بأقوى ماعنده ويبكي بقوه وحرقه
وممكن يضرب ، يشد الشعر ، يرمي اللي بإيده بقوه ،
يرمي كل شي من على الطاوله اللي أمامه ،
ولو كانت الارض موكيت ممكن ينسدح على الارض ويبدا يضرب برجوله
-----------

الأسباب اللي ممكن تخليه يعصب :
1_يكون يبغى ياخذ شي مثلا جهاز التحكم أو هاتف جوال أو سلك او شيء لايلعب فيه ونمنعه
2_يبغى ياخذ لعبه مع اخته وترفض تعطيه
3_نكون في مكان عام مثلا مستوصف او سوق ونطوّل خاصه لو كان مربوط بالعربيه او ماسكين يده
4_لما ابوه يجلسه بحضنه ويسكر عليه بحضنه بقوه > تستفزه هالحركه
مع انه هو يجي يجلس في حضن ابوه ولما يحضنه يعصب يحس كأنه يقيده :nosweat:
5_او لما احد يستفزه بطريقه او بأخرى
----------

وكمان شي ثاني

يحب يخرب الاشياء بطريقة تستفز ،
اللي اعرفه ان الطفل يخرب بهدف حب الاستطلاع

لكن هو يخرب الشي ويطالع على صاحب هذا الشي :sly:
وكأنه يقول شف ايش اسوي
يعرف كل شخص ايش الشي اللي يهمه جدا ويروح يمسكه ويطالع الشخص نفسه

اعرف انه محاوله للفت الانتباه
--------------------

لكن عجزت القى مبرر لمحاولة لفت الانتباه فأنا مشبعته تماما حب وحنان وكل من حوله
-----------------

لكن العلاقه بينه وبين ابوه شوي متوتره بسبب انه يستفز ابوه دائما

ودائما تحصل بينهم مواقف وصراخ ومعاركات تقريبا بشكل يومي :shutup:

بسبب ان ابوه يعتقد انه يستفزه بحركاته وانه لازم يأدبه فيحصل تتش شوي بينهم
--------------------

مع اننا كلنا ما نستخدم الضرب ابدا ..

والصراخ ناااااااااااادر إذا عجزنا ممكن نصرخ لكن في النادر جدا لاننا نعرف انه خطأ وانه يتخذنا قدوه بهالشي


اسلوبي في الغالب الحوار ، من عمر الطفل سنه ابدا احاوره كأنه كبير اتكلم معاه ابين له الخطأ ، ولو ما نجح اتجه لأسلوب العزل

لما يسوي حاجه غلط او يصرخ او يضرب اخته عندي كرسي في زاويه بالصاله اجلسه عليه كم دقيقه واقول له انت سويت كذا وكذا وهذا الشي غلط واوح واتركه

في حال انه قام ارجع احطه وكل ماقام ارجع احطه بدون ما اقول اي كلمه لما ينتهي الوقت

ولله الحمد الاسلوب نفع مع بنتي جدا اما هو لا لما انزل لمستواه ابغى اكلمه يثور ويعصب ويرمي نفسه علي
---------------------
ولما ابوه يقول له كلمه مثلا :

لا
أو لاتلمس
أو خطأ
يبدا يصارخ ويعصب واحيانا يجي عندي يبغى يشوف ردة فعلي وإذا أيدت ابوه يزعل ويبكي
--------------------

أعرف ان اسباب عصبيته لها مبررات عنده كطفل

لكن سؤالي كيف اقدر اخفف منها ومن عنفه اللي يخليه يشد شعر اخته او يضربها
مع انها جدا حنونه معاه
واحيانا يمد يده يحاول يضربني وهو لسا فصعون عمره سنه :crazy:
---------------------

وايضا شي آخر ما احس انه يتقبل الحضن من ابوه على العكس يحب يلعب معاه كثير
ولو حاول ابوه يحضنه يجلس فحضنه ثانيه ويبدا يتحرك يحاول يقوم مايبغى

وانا بالعكس يجلس في حضني كثير
وانا والله ما اقصر معاه
------------------

ولا يجي فبالك انه مايحب ابوه بالعكس ينتظر وقت عودته من برى البيت بكل شوق ويفرح فيه بس الفرحه دقايق ويبدا يدور شي يستفز ابوه فيه وتبدا المشاكل بينهم
-----------------

ملووووول
يمل بسرعه من كل شي
الالعاب يفرح فيها دقيقه بالكثير ويكسرها او يرميها

دفاتر الالوان يشخمط خطين ويشق الدفتر او يرميه خاصه لو حاول يعظ الالوان ومنعته على طول يرمي كل شي :shutup:

حتى افلام الكرتون > علما اني حريصه انهم ما يتفرجون اي افلام كرتون
ولا يتفرجون الا اللي انا احمل لهم من النت واشغله على شاشة التلفزيون
او اشتري دي في ديات وغااالب ما يتفرجونه يكون تعليمي

مع ذلك يتفرج دقيقه بالكثير ويقوم
----------------------

وكل اللي حولي من اهلي واهل زوجي اسلوبهم جدا رائع مع الاطفال مافيهم احد عنيف

ولا هو مختلط مع اطفال عنيفين

ولا عندي خدامه بالبيت ولا يحتك بالخدم ابدا ..
---------------------

بس من كان عمره بالاشهر الله يصلحه وهو كثير البكاء ويعصب لما يجوع ( جوعه حار )

وهالشي اشوف كل ماله يزيد مو قاعد يتحسن وكل من حولي يسألني ليش ابنك دايم يعصب

فحابه اعرف الطريقه السليمه اللي ممكن اتبعها معاه بحيث يتلاشى هالشي ( العصبيه - العنف - التخريب )

هل التصرف الصحيح اني

1_اتجاهله تماما في لحظات العصبيه والغضب ولا كأنه موجود عندي

او

2_ احضنه واحاول اهديه حتى لو كان السبب تافه


وما اعاقبه الا إذا سوا خطأ أو مد يده و ضرب احد !!

---------------------

وكيف اتصرف معاه في الأماكن العامه حيث انه يجلس 5 دقايق هادي ثم بعدها يانفكوني بلعب بكيفي ولو فكيناه بيبدا يركض ويروح ويجي ويثور لو مسكناه وبيصير شغلنا الشاغل ملاحقته

او لو تركناه مربوط يثور ويبدا في الصراخ مما يضطرنا للخروج من السوق او المطعم

مع اني اجيب معاي بالشنطة العاب واشياء بس إذا عصب ما عاد يبغى شي

وصعبه اخليه مايطلع معانا

وبرضو صعبه نجلس احنا مانطلع

-------------------

اتمنى اكون وضحت لك كل شي تحتاجي معرفته

وانتظر ردك بكل شوق

وشكرا لك :icon26:​

 

[Roode]

مازلت انتظر​

 

[Roode]

:no:

في طور الانتظار​

 

[Roode]

:sadwalk:

كلمة ولو جبر خاطر :blow:​

 

[حفيدة شيخ]

عزيزتي كثير من هالحاله عند الامهات الله يكون بالعون بس اعرفي لازم علاجها واعرفي ان هالطباع اكتسبها ابنكي منذالحمل وهو يتاثر من اي شي انتي تتعرضتي له في حمله من ادق الاشياء اللتي توتر عصبيتك ومايحيط فيكي ولاكن استشيري طبيب خاص لحالته .........هذاواللله اعلم واللله يكون بعونك.​

 

[Roode]

مشكورة لردك عزيزتي ..​

 

[cool7]

هلا أختي أنا ولدي نفس حالة ولدك وعمره 2 ونص عصبي بشكل كبير بس بديت أستعمل معه أسلوب الدهاء دائما أقول له سير جيب لي كذا أو كذا فحسيت يحب أنه أحد يعتمد عليه واذا عصب من خوانه أخذه في حضني وأحكي له حكاية بس بعدني أعاني منه بسم الله على خوانه ووووووووايد عكسه هادين لو الدكتوره تعطينا حل يكون أحسن

 

[Roode]

هلا أختي أنا ولدي نفس حالة ولدك وعمره 2 ونص عصبي بشكل كبير بس بديت أستعمل معه أسلوب الدهاء دائما أقول له سير جيب لي كذا أو كذا فحسيت يحب أنه أحد يعتمد عليه واذا عصب من خوانه أخذه في حضني وأحكي له حكاية بس بعدني أعاني منه بسم الله على خوانه ووووووووايد عكسه هادين لو الدكتوره تعطينا حل يكون أحسن

اهلا فيك

ان شاء الله الدكتورة تنورنا برد حلو :shiny:​