ابنك بيكون سامعك

[راجيه الرضا]

علي فكرة ! ابنك بيكون سامعك ?

و انتي بتشتكي لوالدتك في التليفون ??‍..انه مغلّبك و انه شقي ...و انك خلاص زهقتي و جبتي أخرك ?
من محاولاتك اللي فشلت ..لما تبوّل ع السرير امبارح !

علي فكرة ! ابنك بيتأثر .. لما بتكون خارج مع اصحابك ..و مامته تقولك ..خده معاك .. فتضايق !
و تقول : هيقرفني و يبوظ يومي مع اصحابي !

علي فكرة ! ابنك بياخد باله و بيتاثر ?
لما تكونوا ضيوف عند ناس لها اطفال زيكم ...ويلاقيكي بتقولي :
(ماشاءالله علي ولادك ..ادب و هدوء و عقل )?
و تبصي لإبنك بطرف عينك ? وبعدم رضا تقولي:
( مش زي ابني اللي مطلع عيني) !

#تفتكروا
هو كدة هيحبّكم ؟
هل هيحس بالأمان و انه محبوب وسطكم ؟!
هل كدة ... هيتحسن سلوكه اللي مدايقكم ؟؟

و #نرجع_نشتكي ..بعدها؛
انه مش بيسمع الكلام ... و انه بيعند و بدأ سلوكه يبقي عنيف معاكم و مع اخواته ...و نشتكي من عدم ثقته بنفسه !!

تخيل كدة نفسك ...لو انت مكانه ..وحد بيتكلم كدة عنك !! ?
منقول