ابنتي والبكاء من المدرسة

[ام شيوومه]

السلام عليكم ورحمة الله وبركاته

اخواتي الله يسعدها الي تساعدني في حل مشكلتي مع ابنتي

ابنتي تدرس بالصف الاول الابتدائي وهي ذكية ومتفوقة ما شاء الله

وكانت تحب المدرسة لكن بعد عودتنا من الاجازة قبل اسبوع البنت تغير حالها

ما تبغى تروح المدرسة بس بكاء وصياح وصرت اروح معها المدرسة وادخل معاها الفصل

واتحايل عليها لحين اخرج وارجع للبيت وتجلس تبكي شوي وبعدين تدخل جو المدرسة وتبدا مع المعلمات تدرس

مع انها تجي مبسوطة وطول النهار تتكلم عن المدرسة وتذاكر عادي وتحل واجباتها
وقبل ما تنام تقول با اسوي كذه وكذه يا ماما في المدرسة
بس يجي الصباح ينقلب الحال ويبدا البكاء وما ترضى تروح في الباص ويرجع ابوها يوديها وطبعا انا لازم اكون معاها
ومعلماتها مرة ما قصرو يحاولون يدللونها
مين منكم اخواتي مر عليها مثل ها الموقف
واش الحل

 

[قاهرة الزمان]

اقرائي عليها اذاجت تنام واستودعيها الله اذا بتروح المدرسه اخاف احد معجب فيها واعطاها عين

 

[صاحبةعيالي]

هي شافت انه بكاها كل صبح فيه نتيجه لصالحها انت اقري وسم عليها برحمن وخليها تروح المدرسه اول الايام مع ابوها وانت معها في حال رفضت ركوب الباص ودخليها المدرسه واطلعي على طول بعد كلمات حلوه لها وتشجيع حتى لوسمعتيها تبكي لاترجعي قولي لها خلاص حبيبتي الظهر اشوفك باذن الله وبعدها بكم يوم خليها تروح مع ابوها لحالها بدونك باذن الله يتعدل الحال

 

[ام شيوومه]

الله يسعدكم اخواتي مشكورات على مروركم الكريم

بنتي وديناها لقارئ قرأ عليها والحمدلله عادي ما تأثرت

بس مادري وش صار فيها

 

[ضوء القلب]

ابني نفس الوضع موال كل صباح ويصيح بس لاحظت اكثر بكاه لما ما يكون شبعان نوم يقوم منكد عشان كذا صرت انومه وقت ابكر من قبل .وكمان صرت اطنش بكاه واخليه يروح بالقوه بالباص عشان ما يتعود .
كيف وضع بنتك مع النوم تنام بدري او لا ؟
الاجازة اكبر عدو لتنظيم نوم الطفل لانه يسهر مع الكبار فلما يجي وقت المدرسه يبغى يكمل سهر وكمان يصعب عليه يرجع بسهوله لنظام النوم .

 

[ام شيوومه]

ضوء القلب الله يضوي قلبك وينوره
صدقتي غاليتي لمن تكون نايمه متأخر تصحى منكده ونفسيتها مره خاااااااااايسة يمكن عشان كذه
هو يوم حسيتها نامت بدري وراحت المدرسة وركبت في الباص ومرة فرحت واليوم الثاني رجعت الحاله
بس مشكلة بنتي ما تركب الباص وتجلس تصيح بصوت عالي وتبغاني اروح معاها المدرسة
بصراحة تفشلت من المدرسات وانا كل يوم عندهم
الله يصبرنا

 

[يايايا]

نفس العاناه--بس بنتي روضه داومت اول اسبوعين ومبسوطه وبعد الاجازه رفضت تروح ولما اروح معها --تبين كانها خايفه من الروضه--هي عمرها 4 سنوات --انشالله صاحبات الخبره يفيدنا--لسى اليوم كنت ودي انزل موضوع

 

[اتعبني هواك]

كأنك تتكلمين عن ولد إختي تقريباًنفس الاسلوب بالليل مافيه مثله
يتكلم عن المدرسه من طلابها لمعلمينها بس إذا جا وقت الصباح واحد ثاااااااني
بكى وتهديد وإذا بيطلع يقول لأمه الساعه الفلانيه كلمي أحد يرجعني للبيت
والسبب هالاجازه يرتاحون كبار ويبلشون فيها الصغار..
كل اللي عليك حبيبتي نوميها وقت ماتكتفي من نومها وبعد ماتسهرينها علشان ماتغلبك وقت قومتها للمدرسه مثل ماقالت احد الاخوات..
يكون مزاجها موحلو بعدين غلط ياقلبي انك تروحين معاها كل مره كذا إهي تعودت وبسم الله عليها سنه أولى موصغيره يعني عارفه كل شي ..ودام معلماتها متفهمين لوضعها ويدللونها ع قولك خلاص يعني في إيدي امينه لاتخافين
إنتي إذا رحتي معها مره ثانيه خليها بالفصل وقولي بروح لدورة المياه واختفي عنها بالمره خلك بغرفة المعلمات مثلاًوتراقبينها من بعيد وتقولها المعلمه راحت للبيت
ماما تعبانه مسكينه تبي تنام وراحت للبيت وإذا رجعتي بتلاقينها تنتظرك بتبكي شوي بس راح تتقبل الوضع لاتستسلمين وتروحين لها ع طول اتركيها تبكي الين تسكت من نفسها اليوم الثاني سوي نفسك تعبانه وماتقدرين تروحين وقولي لها روحي للمدرسه وبابا بيوديني لدكتور وبيجي عندك بعدين أقنعيها بأي طريقه وخليها تروح غصب لاتقولين مانفع معاها حاولي..
لان بنتك عرفت نقطة ضعفك بس مجرد ماتبكي راح تستسلمين لها وتسوين اللي تبيه كذا راح تغلبك في كل مره..
إختي احيانا تعاني من هالشي بس مره سوت طريقه مره حلوه أخذت حلوى
وأكياس الله يسلم ابوريالين وحتطها بوسطها يعني من باب انه تحمسه علشان يروح للمدرسه حطتهم ع عدد اصحابه ونام بدري وأهو متحمس علشان يعطي زملاءه
وكتبت بورقه للمعلم تشرحه سبب هالشي اللي سوته وبالعكس رحب فيه وتوعده بإن كل مره يسمع كلامها راح تسوي شي يبسط الطلاب والمعلم منه بس
للأسف الاجازه خربت الدنيا وإهي سمعت بنصيحتي تخليه يبكي وقت مايجي الباص ويروح معاه غصب ولاتستلم ولابتروح السنه عليه كل مره غياب اوانك تتنقلين معاها صدقيني بنتك مافيها شي بس تعودت ع تواجدك معاها فصارت تتعنى البكى وانها تخليك معاها لوقت خروجها لكن خلك جاده معاها راح يتعدل وضعها ان شالله..

 

[ام شيوومه]

اتعبني هواك اشكر مرورك الكريم ومداخلتك الرائعة

مشكلة بنتي لمن يجي الباص تجلس تصيح صياح حتى الجيران يسمعونهم

وانا لمن اروح معاها المدرسة يالغلا اجلس معاها بس نصف ساعة وبعدين اتحجج اقولها باروح دورة المياة

او باروح اكلم المدرسة الفلانية وبعدين اروح البيت وارجع اكلم المرشدة اطمن عليها وتقول بكت بعد مارحتي وبعدين رجعت طبيعي تدرس وتلعب
بس اخر مرة رحت معاها وبغيت اسوي نفس الحركة عرفت ما شاء الله عليها تقول بتضحكين عليه وتروحين البيت وجلست ما سكة في عبايتي لين ضحكت عليها وقلت روحي الفصل جيبي شنطتك وطلعت من المدرسة
والله الاطفال اذكياء ان شاء الله ربي يفرجها
بس اليوم جلست اسولف معها ولي فهمت منها انها خايفة من المديرة تقول المديرة تعصب على البنات
مدري هو عذر حاطته ولا فعلا - مع ان المديرة حبوبة مرة وطيبه وصغيرة في سنها