ابغى حـــــــــــــــــــل!!!

[جود الحزن11]

السلام عليكم

انا عندي مشكله انشاء الله انها بسيطه بس محتاجه نصيحتكم

ياليت تساعدوني

انا زواجي بعد شهرين تقريبا,,وأكيد انا مثل أي بنت تحلم ببيت صغير

يكون مملكتها وحدها,,والحمدلله ان بيكون لي بيت مستقل بعيد عن اهله

هذا احسن شي,,لي ولهم

المشكله ان خطيبي من فتره بدا يلمح لي,,ان اخته الصغيره بتصير تعيش معنا

لان اهله ساكنين في منطقه مافيها جامعه,,وطبعا هالشي بيصير بعد زواجنا!!اذا بدأت الدراسه,,

انا في البدايه تقبلت كلامه بصدر رحب,,وانا من داخلي مقهوره منه,,كيف يرضى هالشي لي وانا توي بكون عروس وانتم تعرفون كيف الامر بيكون صعب,,مابأقدر اخذ راحتي وانا في بيتي,,
بنفس الوقت ظنيت انه يقول هالكلام بس عشان يختبرني

لكن تأكدت من كلامه بعد ماقال لي مره ثانيه هالكلام,,وفوق هذا,,اخته الثانيه بتجي بعد!!!!!

يعني اي شي يصير,,بيوصلون لامهم عني كل شي

ماادري كيف افتح معه هالموضوع
واخاف اتكلم وابين له رفضي,,بيقول هذي ماتحب اهلي والا يقول انا كان قصدي اختبرك في هالموقف!!

والله ماادري؟؟
هل من حقي اذا رفضت والا مو من حقي؟


اللي عندها طريقه في حل مشكلتي واقناع خطيبي,,الله يسعدها لاتبخل علي​

 

[ضحكة الورد]

اتق الله عزيزتي ، ما المانع باقامة خواته معك ان كان لاجل الدراسة ولم تفترضين انه اخته قد تنقل لامها ما يدور بينك وبين زوجك ، ان استطعت بذكاؤك جعلت الاستقلالية محور حيواتكم حتى وان كانت تقيم اخته معكما ،

انت عروس انتظري السعادة واحلمي بها ولا تبدئي الان التفكير في امور كثيرة بامكانك تجنبها ،
ابدئي بالتقرب والتودد لكسب الجميع ليرضى عنك زوجك ويحبك

 

[اميره وكلي دلع]

والله حبيبتي هذول اهله واللي مافيه خير فاهله عمره ماراح يكون فيه خير للناس خليه يسكنهم اهو اخوهم وولي عليهم وانتي خلج بعيد عنهم وخلي علاقتج معاهم كلها احترام
اعتبريهم ظيوف عندج واكرام الظيف واجب

 

[قطـــــريه]

مستغربه كلامج .. اختي هاي بيتج انتي يعني بتكونين انتي الكل بالكل وهم ضيوف عندج وهذولا من ريحه الحبيب ريلج شلون تبينا نساعدج في حل عشان ما يكملون جامعتهم ؟ السبب قاهر وهو انهم يون يدرسون وبدل ما تتعاونيين معاه ومع خواته تبين العكس ؟ وبعدين وشهي هالامور الي بيوصلونها لأمه ومتبينها تعرف بها ! حبيبتي لو في شي بيوصل لأمه بيكون منه .. لان الخوات لو تكلموا طبيعي بيقولون لأمهم ما تتكلم .. كبري عقلج ويسري للبنات دراستهم عشان الله ييسر لج حياتج ..

 

[احزان ملاك]

حبيبتي اذا من البداية تبينيله ماتريدين اهله راح تبنين علاقتج بي على رمل
دائما ابدي علاقاتج مع اي احد على اساس المحبة مو على اساس الكره وخصوصا مع اهل زوجج ابدي معهم بمحبة حتى ماتعبين ومايتعب زوجج
:icon26::icon26::icon26:

 

[عنقود عنب]

ما شاء الله

ردود البنات ولا اروع

عزيزتي ...اذا تبغين تكسبين زوجك ...حبي اهله

والله راح يصير مثل الخاتم في صبعك

يعني تبغين يسكن خواته في سكن الجامعة وهو عنده بيت ؟؟؟

عزيزتي ...افرحي بزوجك ...فهو رجل بمعنى الكلمة

اللي ما له خير في اهله ما له خير في الناس ولا فيك

خليك ذكية واكسبي زوجك واهله

وافترضي حسن النية بدل سوء النية

وربي يسعدكم ِ

 

[وضوحي]

شوي شوي ع البنت هي ماقالت شي
وانا مريت بهالاحساس بالضبط بس كنت مزوجه من فتره وعندي اعيال
واعرف مشاعرج بس ياختي لا تخافين خليج عاديه وعلى طبيعتج ولا تخافين من شي هم بيكونون اصلن مشغولين بالجامعه والدراسه والامتحانات وما بينتبهون لكم واحسن انهم بنات اكبار وواعيات ويعرفون الواجب وبيخلونكم على راحتكم وانتي اخذيها من جهه ثانيه هي انج بتتونسين بيهم وما بتتمللين وبلعكس انتي وايد بتفرحين اذا عرفتي تكسبيهم واتصيرين لهم اخت

 

[نواره99]

البنات ماقصرو وتقدرين تسوين الي تبينه في شهر العسل اقترحي عليه بعد الزواج تسافرون
واهم شي اهله اذا انتي زينه معاهم راح يحترمج بس لو من البدايه رفضتي يمكن ياخذ فكره عنج وماينساها لج

 

[بداية غير]

انا مع البنات كلامهم درر​

 

[جود الحزن11]

جزاكم الله خير على كلامكم الطيب​

اللي ابي اوضحه لكم,,اني ماكرهت للغريب الخير
عشان اكرهه لاخوات زوجي,,الله يشهد علي اني اعتبرهم خواتي
ولو ابي اوقف في طريقهم,,كان انهيت الموضوع بدون مااجي اسألكم هو من حقي والا لأ!!
لكن انا ماضايقني في السالفه الا بعد ماقال لي ان اخته الثانيه تبي تجي بعد
ماتجي عشان الدراسه,,لا,,هي متخرجه خلاص,,يعني مالها سبب مقنع يخليها تجي مع اختها تعيش عندي اربع سنوات
والله لو وحده فيكم حطت نفسها مكاني,,رايحه لديره غير ديرتي وبرتبط بإنسان عادات اهله غير عن عاداتنا,,كان شلتوا هم مثلي,,ولما اقولكم انهم بيوصلون لامهم كل شي,,اقصد اني بكون تحت انظار خواته,,لاني جديده عليهم,,المقصد اني ابغى احس براحتي مااشيل هم ان احد بينتقدني لو ماطبخت فرضا,,والا صحيت متأخر,,الزوج يمكن يعذر اذا كنتي تعبانه والا فيك شي,,لكن اهل زوجك صعب يرضيهم,,بالذات ان زوجي بين لي ان خواته يغارون عليه مره,,لدرجة اذا جاب لي هديه,,يقول لي لحد يشوفها ولحد يدري اني جبتلك,,​

المهم انا طولت عليكم,,حبيت بس ابين لكم عذري,,عشان ماتفهموني خطأ​

ومشكورين ماقصرتوا...​

 

[dnia]

السلام عليكم اختي
صراحه انا لو بيسكنون خوات زوجي معاي بتضايق لاني عن جد ماراح اخذ راحتي ابدا لكن لو كنت مكانك بحاول احسسه اننا ماراح ناخذ راحتنا عشان يتصرف مثلا يدور بيت فيه جناح خاص يكون لهم عشان تكون لك خصوصيه اكثر غير كذا خليك من الاول واضحه بكرى لما يطفشونك تنفجرين ويقولك ليه ماقلتيلي من الاول وحاولي بعد تستفسرين عن اخته الثانيه عشان مايجيب بكرى العائله الكريمه كلها وتصيرين بورطه انا مااقول بعديه عن اهله والا كرهيهم فبعض لا اقول دافعي عن حقوقك من اول يوم بكرى يقولك ايش غيرنا

 

[اولادي كل حياتي]

السلام عليكم انا من راي انه تشرطي بسكن لحالك وهذا من حقك الشرعي ولو طلبتيه منه مو عيب ولاحرام مادام انتي من الاول مستصعبتها ما راح تقدري بعد كده والافضل سكن لحالك وهذا مو معناه انك ما تحبيهم الحب شي وحياتك بخصوصية مع زوجك شي اخر وهذا حقك وانتي لسه اصلا ما عاشرتيهم عشان تعرفي كيف اطباعهم فالافضل تجلسي مع نفسك وتساليها وتتخيلي كيف حياتك بتكون وهما معاكي وانا صراحة اشوفها صعبة جدا مع اني والله احب اهل زوجي جداا واختي مثل اختي تماما لكن ما اتحمل انها تسكن معي والله معاكي

 

[اولادي كل حياتي]

واخته مثل اختي

 

[أحبه ولكن]

حبيبتي هم ماراح يقعدون معكم الا وقت الدراسه يعني بالعطل بيروحون بيتهم وتاخذون راحتكم ,,,,واذا حبيتيهم واكرمتيهم راح يحبك زوجك ويحترمك,,,,

 

[جود الحزن11]

السلام عليكم اختي
صراحه انا لو بيسكنون خوات زوجي معاي بتضايق لاني عن جد ماراح اخذ راحتي ابدا لكن لو كنت مكانك بحاول احسسه اننا ماراح ناخذ راحتنا عشان يتصرف مثلا يدور بيت فيه جناح خاص يكون لهم عشان تكون لك خصوصيه اكثر غير كذا خليك من الاول واضحه بكرى لما يطفشونك تنفجرين ويقولك ليه ماقلتيلي من الاول وحاولي بعد تستفسرين عن اخته الثانيه عشان مايجيب بكرى العائله الكريمه كلها وتصيرين بورطه انا مااقول بعديه عن اهله والا كرهيهم فبعض لا اقول دافعي عن حقوقك من اول يوم بكرى يقولك ايش غيرنا

تسلمين حبيبتي على مرورك الطيب
كلامك اقنعني,,الافضل اكون واضحه من البدايه لان المجامله لها حد
بس المشكله اني مااعرف كيف افتح معه الموضوع لانه اعتبره خلاص منتهي واني موافقه
بالنسبه لاخته الثانيه,,جايه تبي تغير جو,,
للمعلوميه منطقة اهله تبعد عن الجامعه ومنطقتنا ساعه تقريبا بسس
يعني بصراحه انا اعرف بنات كثير يجون للجامعه من مناطق بعيده بباص يوصلهم
بس ياليت هالفكره جت براس زوجي ولا حطني بهالموقف

الله يجزاك كل خير​

 

[نور الصفاء]

اهل زوجي على عيني ورأسي ولكني ما احب اسكن مع احد ولا احد يسكن معي
كل انسان له خصوصياته في بيته يبي ينام يلبس يأكل يصحى من النوم وقت مايبي
انا عن نفسي ما اتحمل حتى لو احد من اهلي ,,
يمكن لو يجوا اسبوع بالكثير شهر حياهم الله قلبي اوسع من البيت ,,
لكن جلسه دائمة صعبه ,, ممكن بعضكم يسميها انانية انا اسميها تعود ,,

 

[جود الحزن11]

السلام عليكم انا من راي انه تشرطي بسكن لحالك وهذا من حقك الشرعي ولو طلبتيه منه مو عيب ولاحرام مادام انتي من الاول مستصعبتها ما راح تقدري بعد كده والافضل سكن لحالك وهذا مو معناه انك ما تحبيهم الحب شي وحياتك بخصوصية مع زوجك شي اخر وهذا حقك وانتي لسه اصلا ما عاشرتيهم عشان تعرفي كيف اطباعهم فالافضل تجلسي مع نفسك وتساليها وتتخيلي كيف حياتك بتكون وهما معاكي وانا صراحة اشوفها صعبة جدا مع اني والله احب اهل زوجي جداا واختي مثل اختي تماما لكن ما اتحمل انها تسكن معي والله معاكي

مشكوره حبيبتي على كلامك الطيب

فعلا ابوي اشترط عليه سكن شرعي وكتب هالشرط في العقد
وزوجي انتقد هالشي وزعل,,انا قلت له اللي اوله شرط اخره نور
والحين اهلي مايدرون انه بيجيب اخته وماراح اقول لاحد
لانهم لو عرفوا بتكبر المشكله
لكن مثل ماقلتي انا سألت نفسي وفكرت كثير,,وادري مهما رضيت وصبرت ايام وشهور وسنه
ادري اخر شي نفسيتي بتتعب وبأنفجر
واللي قالت غير هالكلام انا متأكده ماحطت نفسها مكاني


الله يحفظلك اولادك ويجزيك كل خير​

 

[جود الحزن11]

حبيبتي هم ماراح يقعدون معكم الا وقت الدراسه يعني بالعطل بيروحون بيتهم وتاخذون راحتكم ,,,,واذا حبيتيهم واكرمتيهم راح يحبك زوجك ويحترمك,,,,

مشكوره حبيبتي ع المرور

كلامك صحيح لكن رفضي لايعني اني مااحب اهله,,احبهم واكرمهم
لكن يبقى المسكن حق من حقوقي
الله يكتب اللي فيه الخير​

 

[جود الحزن11]

اهل زوجي على عيني ورأسي ولكني ما احب اسكن مع احد ولا احد يسكن معي
كل انسان له خصوصياته في بيته يبي ينام يلبس يأكل يصحى من النوم وقت مايبي
انا عن نفسي ما اتحمل حتى لو احد من اهلي ,,
يمكن لو يجوا اسبوع بالكثير شهر حياهم الله قلبي اوسع من البيت ,,
لكن جلسه دائمة صعبه ,, ممكن بعضكم يسميها انانية انا اسميها تعود ,,

تسلمين حبيبتي ع المرور

جزاك الله خير​

 

[كافيه لاتيه]

انا مع البنات في كل الي قالوه