ابا مشورتكم خواتي بليز

ا

العمر مايسوى

New member
إنضم
2009/05/14
المشاركات
11
السلام عليكم ورحمه الله وبركاته

انا داخله بنك صاحبتي طلبت منها تعطيني رايها وقالت لي مالك الى بلقيسات هم بيعطونك نصيحه تريحك

يدخل بالموضوع

انا يا خواتي في سن زواج وللحين محد تقدم لي غير

قريب في وحده وياي في الدوام اعرفها من فتره وهي مو متجنسه عندها اخوى وحيد كانت دايمن تحكي لي عنه

انهم للحين ما حصلو له البنت الى يبيها قالوله خذ بنت عمك قال ما يبي من الاهل
المهم من كم يوم فتحت لي الموضوع وقالت لي انها تبي تخطبني لاخوها كانت متردده لانها تقول يمكن انا ما بوافق لانهم ماعندهم الجواز

انا بصراحه فرحت لان احبها صاحبتي وحياتهم جدا بسيطه خاليه من المشاكل عايشين في حالهم وامها كثير طيبه معاي

البنت واهلها اعرفهم زين سمعه طيبه وابوها عنده منصب بما انه دكتور والحمد الله حياتهم مستوره
يعني ما ماثر انهم عايشين بدون الجنسيه

بس المشكله انه مذهبهم غير عنا المشكله انه مجرد اسم هم مثلنا بكل شي

انا يوم قالت لي قلت لها هالموضوع يمكن اهلي يرفضون بسبته

انا عن نفسي راضيه لان البنت معاي من متى اشوف صلاتها واشوف اخلاقها وكلامه كثير طيب

اهي بنفسها تضايق من الى صاير اخر فتره عن السب بالرسول واهل بيته

انا يوم قلت لها اهلي بيرفضون لو عرفو ان مذهبكم غير

قالت ليش ابوي وامي ماربونا على هذا الشي نحن نصلي ونصوم ونطبق الى مكتوب بالقران هذا الى تربينه عليه والحمد الله اي حد بيسال عن اخوي وبيحصله دايما يصلي بمسجد مع الناس كلها

انا واثقه بكلام البنت وجدا مرتاحه للموضوع والحمد الله استخرت ومرتاحه

بس المشكله اهلي امي واخواني مسوين ضجه انه كيف توافقين انتي مخدوعه بهم ليش انخدع

اذا هم متمسكين بمذهبهم كانت قالت لي بكل فخر وماسبت علي مذهبهم

انا قلت لها امي واخواني مسوين ضجه بسبت هالموضوع

قالت اذا هاشي بيوقفهم ع انهم يوافقون نحن مستعدين نقول لاهلج ان نحن سنه ومستعدين نكتب بعقد الزواج بعد

عشان يتاكدون ان نحن مالنا خص بالمذاهب نحن تربينا على قريناه بالقران وطبقنا والحمد الله ما نقول على نفسنا غير مسلمين

كلامها جدا منطقي نحن بنهايه مسلمين


خواتي الله يخليكم ويرزقكم الى في بالكم ريحوني

ابوي للحين ما يعرف بالموضوع لانهم ما اجو يخطبون رسمي

اذا الناس سمعتها طيبه واخلاقهم زينه والحمد الله عندهم خير والولد يصلي

ليش اهلي يمعقدين الموضوع

وانصحوني وعطوني رايكم بالموضوع

اعرف ان بالنهايه مابيصير الى الى الله كاتبه
 
انتظركم خواتي بقراء ردودكم

بس اتمنى ما احصل منكم الى النصحيه الزينه ردود تجرح ما ابي
 
الله يعينك حبيبتي ويفرّج همّك ويرزقك بابن الحلال اللي يعزّك ..

واللــه يا أختــي الفاضلــه ( بصرف النظــر عن الجنسيّه والمذهب )

أهـــم شئ في الزواج موافـــقة ولــي الأمــر اللي والدك ..

ولــي الأمــر سند وحصن حصين للبنت فلا تخــرجي عن أمره

وشــوره .....حتى لـــو الخاطب من جنسيتك ومن مذهبك ...

أستـــــخيري ,,,,وماخاب من استخار ..
 
استخيري الله والله يوفقك
 
بصراحة يا اختي الحبيبه ..الموضوع حساس عند كثير من الناس واحب اقولج رايي وانتي حرة في تقبل كلامي او رفضه:
  • بخصوص انج كبيرة في السن وماصار نصيب للحين ، اقول اختي عمرة القطار مايفوت ونصيبج راح اييج ان كان تقدم ولا تاخر ، انا تزوجت وعندي 37 سنه طول عمري كان عندي امل في الله انه يرزقني بابن الحلال والحمدلله ، يعني يا حبيبتي لا تياسين من رحة رب العالمين وكل شي بأوانه بس عليج الدعاء وقراءة القران.
  • ثاني شي بالنسبة لمذهبه ، هذي قضية حساسه جدا خصوصا في المجتمعات العربية بشكل عام والخليجية بشكل خاص ، مافي فرق بين الناس بس يا اختي اذا اهلج رافضين المبدأ فهذا خيره لج انتي صدقيني ، بصرف النظر عن صداقتج وحبج لصديقتج يبقى الزواج شي ثاني منفصل ، يعني انا مش لازم اتزوج اخو صديقتي لاني احبها وبس ، لازم تاخذين في الاعتبار اشياء ثانية وايد .
  • ثالث شي الجنسية . فكري يا اختي في المستقبل ، بخصوص عيالج كيف راح يكون مستقبلهم مع اب اجنبي ، راح يتعاملون معاملة الاجانب وهذا شي مؤلم وانتي مش مجبورة تتحملينه.
يعني في النهاية وكلي امرج لله ...راح اييج اللي احسن منه وكوني على ثقة بالله.
 
أنصحك ماتتمادي مع العواطف إلا بعد وجود ما يؤكد إمكانية الزواج، وسوف يأتيك ما قدره لك العظيم سبحانه، وراح يصعب على كل فتاة أن تعيش مع رجل يرفضه أهلها، والأهم من هذا هو أنهم أيضًا يحملون بعض المخاوف من ناحية مذهبه وأشياء أخرى؛ لأن مجرد وجود أي تردد يعتبر إشكالا.

فلآ تتسارعي في تكوين أي علاقات عاطفية مهما كان هدفها إلا بعد التأكد من إشراك الأهل منذ البداية؛ لأن هذا هو المقبول من الناحية الشرعية، وهو المنسجم مع الأعراف، ومن الأفضل أن تبحثي عن مايرضي اهلكـ أو بالأحرى أن تتوفر فيه شروط أهلك، وأهم من ذلك أن يكون صاحب دين وخلق، ومن نفس مذهبك حتى لا تخسري حياتك الزوجية، لأن الزواج لا يحتمل المخاطرة.


وهذه وصيتي لك و أستخيري مرة أخرى ..وأسأل الله أن يسهل أمرك، وأن يقدر لك الخير حيث كان ثم يرضيك به.

اللــه يوفقكـ ويرزقكـ..
 
اشكركم كل من رد على موضوعي

يمكن مثل ما قلتو ان ماخذه الامور من ناحيه عاطفيه بس انا فعلا مرتاحه لهذول الناس وحاسه ان سعادتي معهم ماشفت منهم الى كل خير اخواني مش راضين يتقربون منهم ويعرفونهم مثل ما انا عرفتهم

المشكله الى زاده الطين بله في واحد من طرف حرمه اخوي جاي يبا يخطب من عندنا

وهلي يحاولون يقنعوني انه افضل لي وانا ما اشوف انه افضل من اخو صاحبتي

اولا الى مقتنعين فيه اهلي لي ماعنده شهاده اما اخو صاحبتي عنده شهاده

ثانيه الى اهلى مقتنعين فيه امه مطلقه يعني اكيد عندهم مشاكل عائليه

اما صاحبتي ف حياتهم خاليه من المشاكل عايشين لحالهم


والله قلبي يعتصر احس بالم ليش اهلي مو راضين يفهمون ان الحياه الى بعيشها انا مو اهم

يعني انا من حقي ختار الى ابيه :(


انتظر رايكم خواتي
 
عزيزتي في الحالتين استخيري الله واللي ترتاحي له اعمليه والله يوفقك امين
وبعدين يا بنت الحلال فكري لقدام شوي شو راح يصير معاكي لو اخذتي اللي اهلك رافضينه
لا تفكري بعواطفك فكري بعقلك واتركي المشاعر على جنب هذا زواج مو لعبة يعني عمر وعشرة واطفال
 
مانصحك تاخذينه وخوذي براي اللي اكبر منك وله خبره
فكري بالعقل مش بالعاطفه
ولو ان معرفة الناس من الظاهر كان ماخربت البيوت انتي ماتدرين عن داخلهم مالك الا ظاهر
لاتتسرعين ثم تندمين وترا حلاة الثوب رقعته منه وفيه لاجنسيه ولامذهب بس عشانك مرتاحه له وتشوفين ظاهرهم احسن من اللي تقدملك لا تحكمين واهم شي استخيري وشوري رب العالمين
 
بالنسبة للمذهب فأنا أنصحك تفكرين مليووووووووون مره لأن بمنطقتنا واحد زوجته من مذهب ثاني الكل ينظر لبناتها بنظرة ازدراء ومافي أحد يفكر يخطب وحده منهم مع إنهم بنفس مذهب أبوهم!!!!!
وحتى الحريم يرفضون إن بناتهم يصاحبون بناتها !!!!
إلا إذا كنتي بتغيري مذهبك

وبالنسبة للجنسية فأنصحك إنك تطلعي على الأحكام اللي لها علاقة بوضع أولادك مستقبلاً لأننا بالخليج المرأة اللي تتزوج شخص من غير جنسيتها أولادها مالهم حقوق مثل اللي تتزوج من نفس جنسيتها فكيف أنتي راح تتصرفي مع أولادك مستقبلاً مع أب لايحمل جنسية؟؟؟


الله يكتب لك اللي فيه الخير وبالتوفيق

​
 
للرفع
 
خواتي انا فاهمه عليكم ان لازم افكر بعقلي مو بالعاطفه

بس قارنو بين الى هلي مقتنعين فيهم وبين الى انا مقتنعه فيه

اهلي يهمهم المظاهر بس شافو واحد قبيلته معروفه وعنده الجواز شافوه الانسب لي

خلو الى عنده شهاده وعائلته محترمه ناس متثقفين

كيف انا حكمت من الظاهر لبنت معاي من 3 سنين اعرف حياتهم كيف

كيف اهلي يقتنعون وبواحد مايعرفونهم زين

ليش يشوفوني ان ما اعرف حكم

صح الحياه الزوجيه اهم شي فيها الاستقرار

بس في بنات كثير خذو واحد لا من قبيلتهم ولا من جنسيتهم ولا من مذهبهم ومرتاحين

صح المذهب شي مهم لانه ياثر بالحياه بذات مع العيال

بس هم مستعدين يغيرون لمذهبنا السني مع انهم مثلنا تماما انا شايفه البنت كيف بتصلي وبتذكر الله


انا ابا منكم تعطوني نصيحه كيف اقنع اهلي بالى انا ابيه


جزاكم الله خير خواتي

الله يحقق بخاطر كل وحده رديت علي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل