إنسان مزيف...

[راجيه الرضا]

اصعب حال ممكن يكون عليه الإنسان هو حال #الزيف?

يبقي انسان مزيف، وف الغالب بتكون دي الحقيقة الوحيدة اللي يعرفها هو وبس عن نفسه والجزء المستخبي عن أعين الناس.

? مزيف في نجاحه، بيصطنع النجاح أمام الناس، بيتعمد أنه يبان ناجح، محقق انجازات، يعمل من اللا شئ اشياء، بيكون تعامله انا عملت كذا وكذا، يحب ديما يعمل فوكس ع كل حاجه عملها أو يدعي حاجات هو اصلا معملهاش وينسبها لنفسه،
فالغالب هنا بيكون بيدور ع نقص ما حاسه، أو بيهرب من حقيقة مؤلمه ف حياته، أو بيدور ع الاهتمام أو قيمته عند الآخرين

? يدعي الفرح والسعاده، وبيهرب جدا من مواجهة نفسه لأنه بيدرك حقيقة كم هو وحيد وبائس ومش حاسس أنه مبسوط أو راضي ف حياته

? يظهر بمظهر البطل أمام الناس وهو بينه وبين نفسه عارف أنه معلمش حاجه ولا يستحق مكانه ما حصل عليها

? يدعي أنه كويس وتمام ويداري ضعفه وهو من جوه مكسور متجاوز أزمة من بره بس من جوه لسه فيه ندوب مش راضية تلم

#الخلاصة

ان تزييف حياتك أمر محزن جداا، محزن ليك مش لحد، لانه بيعمل عملية انفصام بينك وبين ذاتك، وبتلاقيك طول الوقت بتهرب من المواجهه معاها، وف نفس الوقت حاسس انك فاضي وحياتك فاضية وتافهه وانك اكبر كومبارس، فبتتوجع اكتر وتووه ف دوامه ملهاش اخر

#والحل
? انك تقف وقفه مع نفسك
? تتصالح مع كل حاجه مريت بيها وترضي
? تتقبل ذاتك كما هي وتحبها
? تبص لمميزاتك وازاي تقدر تستغلها في انك تعمل اللي بتحبه
?تواظب على فكرة المحاسبة
?متسمحش لنفسك تعيش حقيقة هي مش حقيقتها
?اتعلم تقرأ مشاعرك وتعبر عنها وتتكيف ازاي تتعامل معاها
?خلي تلات اربع تفكيرك ف حل الحال اللي انت عليه مش المشكله ومأساتها
?اتعامل مع نفسك زي الطفل تبقي عارف امتي تعاقب وامتي تكافى ومتسبش المسألة مطلقه لهواك
? واظب على انجاز ولو بسيط ف يوم، واتعود تدخل ف حياتك اشياء جديدة كل فترة

#فاطمة_الشناوي
أكاديمية المربي المحترف