هذآ اول موضووع لي ويسعدني اتگلم عن استغفااري اللي غير حياتي تغير جذري ..!
من سنتين تقريبا صارلي موقف قلب حيااتي لجحيييم تعرفوا شو يعني جحيم ؟!! ، فقدت شي بحياتي خلاني اجن ، ابكي دم ليل ونهار وطول اليوم وانا في هم وغم ما يعلمه الا الله ، (كنت) اقفل علي باب الغرفه و ابكي لين احس خلاص بيغمى علي ! انعزلت عن العالم .. انقطعت عن الاكل .. ما اشارك احد ابد !! بشرتي من كثر البكي و الهم صارت شاااحبه وبقع سوداء وحبوب تخرع وهالات سودا وجسمي صار هزيل و ضعفت كثير ! .. ظليت ع هالحال تقريبا شهرين او اكثر ، تعبت لأبعد حد ..
بس خلاااص كاافي ابي ارتااح ماني طايقه نفسي ! ابي حياتي ترجع مثل قبل و احسسن ، مستحيل اظل ع هالحال بموووت ! بتحووشني حاله نفسية يستحيل الشفاء منهاا ،
صرت ادور بكل مكان عن حل لمشكلتي وكيف اقدر استعيد الشي اللي فقدته لاني بمووت بدوونه ، يعني كنت محتاجة للمارد السحري اللي يقدر يرجعلي اياه بأسرع وقت وبدون جهد ولا تعب مني ! ( وإقتنعت ان هالشي بالافلام وبس ) ، طيب وش اسووي ابي هالشي يرجعلي ماني طايقه نفسي بدونه ???
وبيوم من الايام كنت اتصفح اححد المنتديات إلا يطلع لي موضوع مدري والله عنوانه نسيته بس اللي اذكره ان اللي تبي تحقق امنيتها المستحيله وتتغير حياتها تدخل ! وهذا اللي انا احتاجه ، سميت بسم الله ودخلت ، دخلت ومن يومها دخلت الفرحه لحياتي (وجدت ظالتي) اخييييرا ! ، كان موضوعها يتكلم عن ?الاستغفاااار وما ادراك ما الاستغفار ! وهنا ابي اوضح نقطه مهمه ، *ان لما تجي تستغفري لا تحطي نيتك منه عشان تتحقق امنيتك لا ، استغفري وانتي مركزه ع ذنوبك و تبين تمحينها وتتخلصين منها ف حياتگ ، استغفري بندم وتوبه وعندك نية انگ ما ترجعين لها* لان والله ما جاتنا المشاكل والهموم الا بسبب الذنوب اللي نرتكبها بحياتنا ، واذا تخلصنا من هالذنوب و اعلننا توبتنا منها راح يرضى الله عننا ويحقق لنا امانينا ويعيشنا بسعاده و راحة لاا توصف عن تجربه* ..
بديت استغفر بدون تحديد عدد اهم شي لا يقل عن 1000 مرة ، و اضفت سورة البقرة اختمها يوميا سهله مررره 25 صفحه تقسميها على 5 صلوات يعني بعد كل صلاه تقري 5 صفحات وبكذا تختميها كل يوم وبدون تعب او ملل ، و اتصدق ع كل جمعه تقريبا بمبلغ قليييييل والله ، بس عند الله كثير ! بس هذا اللي سويته ،
اول ما اضفت بحياتي الاستغفار والبقرة والصدقه بالقليل وانا نفسيتي تغيرت ، صرت مبتسمه بدون سبب فرحانه مرره نفسيتي مرتاحه نشاط يسري بجسمي و طاقه ايجابيه مدري من وين جات ، سعادة و راحة بال مع ان لسا ما تحققت امنيتي، شعري وقف تساقطه وصار جميييل ، بشرتي تغيرت اختفت الحبوب وبقيت اثار خفيييييفه كدا مو واضحه للاثار وتفتحت بشرتي وعيوني احلوووت وجسمي رجع احلى من قبل ،شخصيتي تغيرت صرت وحده جذااابه وايجابيه وواثقه من نفسي كثييير ، اقسم لكم ان احلى شعوور بحياتي ، اول مره احس بهالاحساس ! وصار الشي اللي فقدته مااا يهمني ابد سواء رجعلي او لا لان قربي من الله و رضاه علي عوضني عن الشي اللي فقدته ، «من وجد الله فماذا فقد ، ومن فقد الله فماذا وجد» ؟! ، بعدين صرت كل ما افتح دولابي احصل فلوس مدري من وين جات والله ، ارفع ملابسي احصل فلوس ، اقلب دفتري احصل فلوس وربي انذهل من وين جات هالفلوس وانا متأكده اني ما حطيت فلوس بهالاماكن ابد ، و ابوي بعد عمري صار يعطيني فلوس اكثر من خواتي ، فعلا « ما نقص مال من صدقة »! لا وترجعلك اضعاف مضاعفه حتى لو تصدقتي بريال ، شي ثاني صار الكل يرتاح لي ويحبني ويبون قربي ، ناس اول مره اقابلهم بس والله يرتاحون لي كثييير لدرجة انهم يخبروني بأسرارهم ، وصار ببيتنا بركة بكل شي و اختفت المشاكل و صار البيت هاادي و نضحك مع بعض ونتجمع ، صدق صدق عشت اجمل لحظات حياتي اقسسم كأني بحلم ، وتحقق الشي اللي كنت ابيه مع اني ما كنت مهتمه لرجوعه لحياتي رجع او لا ما تفرق ، مع ان وررربي مستحيييييل يصير هالشي بس والله صار و مثل ما تمنيته بعد !!
نصيحتي للي تبي تحمل تتزوج تتوظف تدرس تعتمر مبلغ مالي تسخير زوجها ..... إلخ ، اضيفوا الاستغفار وسورة البقرة والصدقه ولو بالقليييييل كل اسبوع وربي رح تعيشون بسعاده خيااااليه وبركة بحياتكم و رزق من حيث لا تحتسبوا و حب اهل السماوات واهل الارض واهم شي حب الله تعالى وتتحقق كل امانيكم ..
جربووا و ادعوولي ..
