أ/ ناعمه فضلاً وليس امراً ((استشاره في حياتي .. لعلي اجد رحت نفسي ))

[نارمين]

السلام عليكم ورحمة الله وبركاته

استاذتي الكريمه..

اخواتي الغاليتي ..
((صديقتي تقول )) وبما انها ليست عضوه هنا ولا يوجد لديها وسيلة اتصال بالانترنت احببت ان اعرض بدل منها قصتها
..........................
((صديقتي تقوول))

اولا دعوني اقوول لكم سبب طرحي للمشكله التي اشكي الله منها ثم كل من له يد في ان يساعدني في

اخذ قراري ..

اطلاعي على هذا المنتدى وثقتي في القاءمين عليه

مشكلتي أستاذتي العزيزه ..

كنت اواجه بعض المصاعب في بداية الزواج من تفهم ومعرفة اسلوب كلا منا الاخر .. وعدم اعطائي

بعض الحقوق الحياتيه من زيارت وصلة رحم ومصروف قليل لا يكفي وخروجه ورجوعه المتاخر

للمنزل

ولكن كل تلك المشاكل لا تكاد تكون اكبر مشكله اوجهها مثل هذه الشكله

فأنا اسكن في منزل والدته .. وفي مطبخهم خادمه .. ممنوع ان اتعرض لهامن قبل ام زوجي التي ترفع

صوتها على بسبب خادمه (( والخادمه تتعرض طريقي )) ..لذا تجنبا للمشاكل طلب

مني عدم دخول المطبخ والاكتفاء بي فرن صغير بعين واحده لتسخين فقط لا يؤدي غرض مهم واغلب

الاكلات تكون من الطلبات الخارجيه(( ووعدني بوضع مطبخ كامل متكامل حتى لا اضطر في الطبخ

بمطبخهم )) ..في هذه الفتره سافرت ام زوجي واخواته خارج الرياض .. وكانت

حياتي اجمل ماتكون معه

وما انا رجع اهله لرياااض عاد كما كان سابقاً..

رجعت ودخلت مطبخهم ..فدخلت حتى لا اناقشه امام الجميع

و بعد ذلك سألته لما التغير ..؟؟ فأجابني ..؟؟

لا زم ترجعين تدخلينه

سالته عن السبب فقال ..؟

((لان امي طلبت مصروف البيت وما اقدر اصرف على مطبخين ..!! ولازم تأكلين وتطبخين في مطبخهم

رضيت ))

قلت له .

(( لازم ترضيني انا وامك ))

فقال :

((لو اصرف على حرمتين احسن))

بعده طلع وتركني وحيده اصارع المشاكل لوحدي ...،،

اسبوع كامل من الصد والهجر تأسفت منه ولكن لا حيات لمن تنادي

قلت له :

(( ماقلتلك انت بخيل .. بس هذا نوع من البخل او ايش ..؟؟

اسبوع كامل لا يسألني هل ينقصني اكل خبز او ماء تخيلوو الماء خاليه منه الثلاجه ..؟؟!!

ولما حاول انه يرضيني عشان اتنازل عن طالبي وهذا الى حسيته .. طنشته

رجع وصد عني فقلت له الرجل هو الى يحي المراه او يميتها .. وابي اوضحلك شي واحد

اني ما ارضى اني اجلس لحالي وانت تنزل وتاكل وانا هنا جايعه و ماقدر انزل ..

قرب مني وسالني يعني تبين بيت ؟؟

قلت : مو المسأله بيت فيه حلول كثيره وانت الى تحلها لوبيت اومطبخ في غرفتي او تجيبلي من

المطعم ..

قالي : تروحين بيت اهلك هذا الحل ..الى عندي عشان ماتموتين من الجوع

قلت :لين متى

قال : شهر شهرين اربعه الى يجي ..

قلت : عطني مصروفي ..

قال : مارح اعطيك شي وانتي مو عندي

قلت : وش اقول لهلي اذا سألوني ..

قال : قولي السالفه وحطني لين يلاقي حل ..

قلت:قلت براحتك

ولما
جيت اطلع طلب مني اخلي مفتاح الغرفه

بعدها بنص شهر ..كلمت امي امه تقولها المشكله ولا تحطين راسك براس الشغاله .. وزوجها يقول انها

لما ملت من الطبخ لي قاالت الشغاله تسوي لي مشاكل ..!!؟؟


وبعدها كبر السالفه وكلم ابوي ..

وخته كلمتني ..!!

وكلمني واعترف بخطاءه بس ماحوليها ينفذ لي طلبي او يحل المشكله بدون مايدخل فيها احد

ويقول لازم تكوني عندي عشان اجمع فلوس ونفذلك الى تبين !!

يعني يجل شرطي الي ممكن مايتنفذ ..

وبعد ماكبر السالفه عند ابوي الى شرط عليه نفس شرطي وهو يحطلي فرن في الغرفه قال راح احط لها

رجع وكلمني وقال ماقدر الحين وكلمي ابووك وقوليله مايقدر الحين وبرجعله لين يجيه فلوس

ويسويلي وانا رفضت طبعا

ورافضه ارجع معه البيت قلوولي انا على حق وش اسوي اذا رجعني .. وش لون ممكن اتفاهم معه

بدون هذي المشاكل والطلعه من بيتي علما انه عندي بنت منه ونعتبر تونا نخطي خطوات حياتنا ..))


اتمنى ان اريح بال صديقتي وابنتها بما يحل مشاكله وتعيش في سعااده انتظركلمن لديه خبرره

شكرا لكم ..

 

[المنقبة]

الله يعيينها اصعب شئ على الوحدة هي انها تعيش مو حرة في بيتها شنو فرن الله يعيينها والله كسرت خاطري ويوفقها

 

[تاج الاحزان]

اختي هذا اتخلى عنها عشان فرن الله لمستعان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ الله يفرج همها

 

[ملكة اسطورية]

حبيبتي المفروض تطلب بيت شقه ملحق او جناح بروحها محد يشاركها ولا تطلب فرن؟؟
خليها على موقفها ولين بنفذ شروطها ترجعله ولا تكسر كلمة ابوها لإنه اذا كسرتها عقب ما بيحترمها لإنه ما احترمت كلمة ابوها

والله يوفقها

 

[ميوسه]

لما سالها تبين بيت


ليس ماقالت ايه ابي بيت


حتى يجمع للبيت


خليها تصر على بيت مستقل


حتى لو تاخر الموضوع

 

[نارمين]

فعلا كلامكم اخوواتي صحيح بس وش تسوي كل الامور مو منحله معها الله يعينها ياارب

 

[نارمين]

up
)
)
)

 

[خزامى ’’’]

السلام عليكم
اسأل الله الكريم ان يحقق لها ما ترجوه من امور الدنيا والآخره
نعم لكل مشكلة حل ولكن الحل هو بيد رب العالمين
فاين هي من اوقات اجابة الدعاء
عليها بالدعاء والاستغفار
وان تصر على رأيها
اما ببيت مستقل او جناح خاص حتى لوكان صغير:busted_red:
اللهم سخرلناالقلوب القاسيه والعباد العاصيه..
خزووووم,,,​

 

[ريم لبنان]

شو هالكلام تخلى عنا علشان فرن كيف لو طلبت بيوم يجيبلا اي شي تاني أو مرضت واضطرت تروح الدكتور حبيبتي هيدي مش عيشة بما إنا ببيت أهلا خليا تطلب شي متل الخلق وإلا من الأساس ما يتزوج
خليا تطلب بيت او ملحق خاص فيا منعزل عن أهلو شو هالإهمال بيتزوجوا بنات الناس ليبهدلون ما بيخافوا على عرضن
الله يفرجا عليا يا رب

 

[تحيه للعلم]

حبيبتي لا تردين على اتصالاته اذا عنده كلام خليه يكلم ابوج قوي نفسج شوي شنو هالذل

كل هالمشكله عشااان فرن؟؟؟؟؟؟؟؟؟؟؟؟؟؟؟؟؟؟؟ ههههههههههههه صج مايستحي والله فشله

بصراحه ماتشوفينه يقولج انتي قولي حق ابووج؟؟ من كثر ماالمشكله تفشششششششششششششل

مو قادر يواجه ابووج ونصيحتي حياتي اذا تبين حياة مستقره لا تتنازلين عن مطالبج وياليت

تطلبين بيت مستقل مجهز بكل الاحتياجات المهمه من فرن وثلاجه وتكييف والذي منه عيشي حياتج

صح ولا تسكتين عن حقوقج ياقلبي..

دمتي بود:smoke1:

 

[أخصائية إدارة]

لا حول ولا قوة الا بالله
هو فقير لهاالدرجه ولا معدوم
ولا هو بخل الله يستر علينا
لازم تتمسك بطلباتها وطنشه وتخلى التفاهم قدام الرجال وبفشله بوجهه عديم الاحساس والنخوه والكرامه فاقد للرجوله بكل معانيها وش تبي فيه الله يخسه على فعايله الى تفشل
تصر على موقفها وتصرعلى سكن لحالها لانه بخيل ولا راح يصرف على حرمه تانيه ابداااااااااااااااااااااااا يالله لقى الى تقبل فيه فماراح يفرط فيها وان فرط ابرك لانه ماراح يصرف على بنته وبيتركها عند امهتهربا من مسؤووليتها ووبعد ابرك

 

[وجدان^^]

الله يفرج همها وهمك وهم جميع المسلمين

 

[منبع الاحساس]

الله يعينك حبيبتي ويفرجلك همك بس حبيبتي مثل ماقلو البنات خليك على كلامك ولا تكسرين كلام ابوك الله يسرلك امورك

 

[ليتني احتويك]

والله الظاااااااهر انه مايبغى لايجيب فرن ولاغيييييييييييييييييره جااااالس يماااااااطل بس ما عليهااااا منه لاتتنازل عن شرطهااااااا والله رجاااااال اخر زمن :santa_1: ​

 

[غلاء 2008]

لا تتنازل ابد عن شرطها
والله يكون بعونها

 

[سحاب المزن]

أختي نصيحة خليها تطالب ببيت وتخبر أبوها لأن هذا حقها الشرعي وإذا رفض تقوله عادي الحق معاي ولي نفقة بعد لأنك إنت اللي طلعتني من البيت وصدقيني إذا شافها تطالب ببيت مستقل بالكامل بيرضى بقسم خاص منفصل عن أهله بدل مايشتري بيت كامل وعلى قولة المثل اطلب الموت يرضون بالحمى .....ولا تنسى الدعاء والله يهديه ويسخره لها يارب.....

 

[بشايرحزينه]

أنتو من صدقكم تبونها تصر على فرن؟ طيب جاب لها فرن كيف تطبخ في غرفتها اللي مفترض تكون غرفه نوم غير كذا من وين بتجيب طلبات الطبخ الا من بيت اهله يعني غرفتها بتصير كنها غرفه عامل او سواق ,حبيبتي اختصر لك الموضوع طالبيه بشقه حتى لو صغيره واذا مايقدر عليها ماتلزمه بنت الناس خليه ينام بحضن امه لا تتنازلين عن شقه مهوب فرن

 

[بشايرحزينه]

بعدين يابنات وقفوا ندآءآت للاستاذه ناعمه لانها مثل بيض الصعو نسمع به بس مانشوفه :shutup:

 

[هديل001]

حبيبتي المفروض تطلب بيت شقه ملحق او جناح بروحها محد يشاركها ولا تطلب فرن؟؟
خليها على موقفها ولين بنفذ شروطها ترجعله ولا تكسر كلمة ابوها لإنه اذا كسرتها عقب ما بيحترمها لإنه ما احترمت كلمة ابوها

والله يوفقها

وأنا أضيف صوتي لصوتك

 

[سعــاد]

الله يعينها
بس المشكله هو استغنى عنها عشان فرن ... لا وبعد مايقد يكلم ابوها يقله قوليله انتي عشان تطلع هي الغلطانه وهو ما يخرب برستيجه
وهو اتوقع سئلها تبين بيت يبي يستغل الكلام ضده عشان لو قالت لاحد يقول ايه هي تبي تطلع وتحملني مصاريف وتفرقني عن اهلي ...يعني الموضوع فيه خبث منه
انا نصيحتي تتم على موقفها لانه باين هالرجال ما ينفع له الا حرمه قويه