** مريوم **
New member
- إنضم
- 2008/08/12
- المشاركات
- 11
السلام عليكم أناعارضه اليوم مشكلتى عل وعسى اقدر اكسب اطلاع د.ناعمه عليها أناتزوجت من 6سنوات و10شهور طبعا شقتى بروحى ومشاكلى مع زوجى الشى المعتاد ممكن اذا راح بيتهم زوارة يرجع يوومين قالب على انافهمت شخصيته وعادى مشت حياتى واهله سياستهم مايحبون احديجيهم الناس اطباع يعنى الزوارة كل4شهورمرة بس جبت ولدى الاول وحملت بولدى الثانى بس صار الاول عمرة6شهور بس طلعت من نفاسى بالولد الثانى رجعت بيتى طبعا قبل ولادتى عمى ابو زوجى مات وطول فترة العزا اناكنت تعبانه وانابحمالى على طول نزيف ولازم انام على ظهرى المهم وقفت معاهم وصارت بعض المواقف بس اناطنشت مابى مشاكل ارجع بعدنفاسى اصدم بزوجى يقولى اناشريت بيت خاص واهلى راح يجون يسكنون معاى ابوى مات وانا الكبير وعيالى ومن الكلام اللى اهله محفظينه له زعلت عصبت تخيلو المفروض بيت لى بروحى القى لاشقه 3غرف وصاله رجعت بيتى ونزلت الشقه الجديدة المهم انارتبت بيتى وضبطت وضعى زوجى خواته عوانس ومستحيل يتزوجون بهالعمرقلت عادى خل اعيش واخلى الناس تعيش كملت حياتى بس الناس تحقد وتحسد الله موزع الارزاق موانا اللى ماجبت لهم نصيب صارو يشوفونى هن البنات الثلاث وامهن الارمله فصارن يحقدن على زوج وعيال كنت بس اجيب خدامه ينحشونها او يأخذونها لهم يغرونهابزيادة المعاش وتروح هم صبرت لان زوجى سلبى يخاف يقولهم اى شى يمسكونه يطقونه ويبهدلونه بس مايقدر يعلق رجل على انابس كم خدامه خذو منى وصبرت وحدة من الخدامات جتنى وقالت لى اناقبلها ترقدت بالمستشفى مع ابنى الصغير ان زوجى تحرش فيها جنسيا طبعا انقهرت اناصغيرة ومدرسه وعندى اولاد صبيان ويصير معاى جذى ليش اناسنعه وراعيه بيت ومهتمه بنفسى تضايقت ماحبيت اقول لامى مابى اضايقهاولاأختى الكبيرة ظروفها صعبه شوى عندى حماتى تخيلت انها زينه نوعامابتساعدنى اصرف الخدامه بدون مايحس زوجى بالسبب بس الله يهديها راحت قالت له واناعشان ارقع الموقف واجهته بالشغاله اللى قالت الكلام هو عمل نفسه مصدوم ورافض وهى مصرة على الكلام اللى صار قالى انتى مصدقه الكذابه اخذيها وروحى انتى طالق طلقنى طلقه وحدة قعدت ببيتى لان طلقه وحدة وخذت الشغالة وداهاحماى المكتب ونوعاما رجعت حياتنا طبيعيه لوعا اهله كل فترة يذكرونه باللى صار وانى اتهمته قدامهم ويتدخلون بتربيه الاولاد بدلال وتفسيدموطبيعى عشان بدين اطلع الزوجه الغبيه اللى ماعرف اربى بس اعرف اجيب اولاد مشت الحياة وطبعا بس مشاكل بمشاكل لين حملت ببنتى الاخيرة زوجى قال لامة ان زوجتى حامل حقدت وخافت بناتها يزعلون لاتذكرو عنوستهم قالت له ام زوجى قول لزوجتك لاتجينا ولاتسلم علينا طبعاكان اول يوم رمضان سكت وقلت يمكن ارتاح منهم على هالوضع بس غلطانه زادو فى ظلمهم انابولادتى هذى قلت مابخلى زوجى بروحه حتى مايتشيش عدل وانابعيده قضيت نفاسى ببيتى وامى وخواتى وربيعاتى عندى على طول كان بيتى خليه نحل واهل زوجى ولا ببالهم نهائى ان يسئلون اوحتى يصعدون كبايه ماى ماحطيت ببالى حماى عقد قرانه على بنت فبعثت له حلو وشاى وقهوة وباركت له مع الخدامه لانى ماقدر اكلمه عيب عندنا طلعت من نفاسى وعدت الايام جه عرس حماى وانا حمولتى مايكلمونى بعثت لحماى مساعده مع زوجى وبلغته انى مابجى العرس لانى محد عزمنى سكت حماى لماصار العرس الناس سألت وين زوجه الكبير انحرجو شيردون انهم ماعزمونى حقدوعلى زيادة هات يامشاكل وغثا له اول ماله اخر وزوجى على سلبيته المفرطه ممكن نقعدايام واسابيع مانكلم بعض وهم مايتعدل وضعنا حماى هذا العريس جه له بنت وانارحت ابارك لزوجته وعطيتهاواجبهافلوس وصار كلام عادى انا اناسبحان الله عيالى ولاواحدمنهم يشبهنى كلهم شبه اهلهم هذى زوجه حماى عارفه انى ما احتك فيهم تبى سالفه تتكلم فيها راحت قالت لحماى انى تكلمت فيهم الحقيرة حسبى الله فيهم كلهم ظلمونى كلهم وطنشت طبعاحماى ماقال لزوجى الامرة كنت طفشانه كنت بروح بيتنا وحماتى كانت حابس اولادى عندهاماتبينى اخذهم عادى تاخذ اولادى ينامون عندها اتكلم اخانق لاحياه لمن تنادى اناعايشه بغابه وزوجى شخصيته اكثر من سلبى يخاف من امه وخواته خواته عادى يسافرون بروحهم بلاحسيب ولارقيب رغم انهم بدو ومن قبيله بس ماعندهم رجل يشكمهم انازوجى اكبر شخص يشمت فينى على اى شى ماتتخيلون فظيع يخاف من اهله وانا بصراحه احتقرة لانه رجل فقط بالفراش رحت الحج انا معاه قال لخواته تعالو معاى رفضو لاحنا نروح بروحنا رحت ورجعت ولله الحمد السنه اللى بعدها زوجى وداهم الحج مع ان عندهم اخوان غير زوجى3 كبار حيل بس عناد فينى الامع زوجى طنشت بس هم مومقدرين انى متجنبتهم بس يشيشون فيه على اناتعبت بنتى الصغير3 سنوات قاعدة 3غرف وساكته وزوج امعه اى كلام يسمعه يؤمن فيه اذا من امه وخواته مليت حياتى معه اطنشه احقرة ماكو فايدة دلال دلع ماكومجال اناتعبت دكتورة ابى اتطلق لان ماكومجال اغير البيئه اللى انافيها نفسيتى تعبت حيل صرت عصبيه مع اولادى حيل ابى نفسيتى ترتاح بس انا الوضع ببيت اهلى شوى تعبان اخوى وماكو مجال لى حتى ارجع مع 3 اطفال وعندى مدارس لهم بس خلص اناتعبانه زوجى لو احدمن الاولاد مرض يقول هذى تربيتج الاولاد بس يمرضون وانتى ماتعرفين تهتمين بصحتهم ولاتدارينهم لوكان دور نفلونزا عادى شسوى اناتعبانع من وضعى تعبانه من زوجى واهله تعبانه من حياتى كلها ابى حل ابى اتطلق ابى افتك على فكرة زوجى محامى ممكن يدبرلى اى شى حتى يحرمنى من الاولاد انا صغيرة29وعندى3اولادومدرسه يعنى لوتطلقت بتزوج بس انا ابى عيالى يتربون ببيئه سليمه شالحل ابى زوجى ينتبه لبيته واولاده وحياته اللى قاعد يخربونهاله خواته العوانس وامهم اللى ماتخاف الله فينى لانى غريبه عنهم بس هم اللى طقو بابى وطلبونى للزواج ماجيت لهم انا زوجه حماى يحبونها ويخافون منها لانها من نفس القبيله ويخافون تفضحهم عند الناس اللى يعرفونهم انا ابى حل ابى ارتاح اخاف انتحر لانى مليت من حياتى مع هالميت العايش شسوى ابى حــــــــــــــــــــــــــــــــــــــــــــل اسفه على الاطاله سامحونى
