أي المستشفيات احسن للولادة

[الـجوري]

السلام عليكم....
بنات انا من بوظبي ومحتارة اي مستشفى اربي فيه ناس مدحولي الرحبه وفيه النور والكورنيش انا ربيت فيها من قبل وتبت منها فيه حد عندها خبرة تفيدني...:dunno:

 

[شمعة الإسلام]

غاليتي
مع الأسف لا أستطيع أن أفيدك لآنني من الرياض
الله يسهل عليك ويكتب لك الخير ,,

 

[أم حمودي22]

حبيبتي انا سمعت ان الرحبة ما فيها دكاتر وايد و فنفس الوقت شطار!! قليل الي يربون عندهم!!
و الكورنيش بعد تعبانين و يوم الوحدة تربي عندهم ما يخيطونها من تحت و بالتالي المنطقة يكون شكلها غلط!!
هذا الي سمعته!! اما النور ما عندي فكرة عنها !!

انا اماراتية بس ساكنة فقطر و ربيت فيها .. فما جربت الي فبوظبي هذا من تجارب بنات خالتي .. و خواتي يربون فالعين فمستشفى التوام واااااااااااااايد اووووكي لو كنت فبوظبي جان ربيت فالعين ما شاء الله اختي يابت عيالها الاربع عندهم و ما شاء الله معاملتهم وااايد حلوة و يهتمووون و ما يقصرون .. حتى رفيجتي فالعين تربي عندهم و مرتااااحة واايد ..

الله يكتبلج الي فيه الخير .. و يسهل عليج حبيبتي و يفرح قلوبكم ان شاء الله..

 

[Hado0oy.09]

هلا بالجوري

بصراحه انا لي اعرفه عن مستشفى الكورنيش انهم يهتمون في البيبي اكثر عن الام
ومستشفى النور يهتمون في الام اكثر عن البيبي
وانا شراتج محتاره مب عارفه وين افتح ملف !!!!!
والكورنيش انتي وحضج على حسب الدكتوره او النيرس لي بتكونين معاها

والله يسهلج

 

[ساندرين]

عزيزتي
مع الأسف لا أستطيع أن أفيدك لآنني من الشرقية
الله يسهل عليك ويكتب لك الخير ,,

 

[oscarlady]

الله يسهل امورك ...ويوفقك ...انا من السعوديه فماعندي خلفية