أه يالوفا ويـــــــــــــن الوفاء....؟؟؟.."الحقوني قبل ماأوسوس"

[أرق من النسيم]

بنات بقولكم مشكلتي واتمنى القى المشوره منكم والراي السديد...

بس قبل..اتمنى تقولون لي كيف التواصل مع الدكتوره ناعمه..؟؟

المهم ..مشكلتي أبتدت قبل شهرين تقريبا..

انا متزوجه قبل خمس سنوات..وعندي بنت ..وحملت مره ثانيه وجبت ولد..

ويوم كنت بنفاسي كنت عند أهلي..بعد ماتميت ـ شهر بس ـ سافر زوجي لبريطانيا يدرس ماجستير

وأنا بقيت عند اهلي..3 شهور ورجع زوجي اجازه ـ الى الحين كل شيء تمام ـ

جلس 3اسابيع بعدين رجع يدرس ببريطانيا..وانا جلست ..لأني كنت أدرس في السنه الثانيه من الجامعه..ومابي أقطع دراستي..

جات الامتحانات النهائيه وفي نفس الوقت جاء زوجي علشان يأخذنا معه..

في ذيك الفتره انصدمت صدمة عمري.."زوجي خاين"هذي أقل كلمه ممكن اطلقها عليه..

الحمد لله ماجاني انهيار.. انا كنت واثقه فيه بجنون ..تدرون ليش لانه انسان ملتزم

وامام مسجد وحنون وطيب ..وزياده على كذا بينا علاقة حب قويه مره..

لكن مافيه احد مايتغير..السالفه لقيت بجواله رساله لبنت وسألته واعترف انه خطبها

بضغط من خالها الي كان يدرس معه وانها مريضه بالقلب ومسكينه ومن هالكلام..

وانه انهى علاقته فيها ...انا مشيت السالفه وبعد اسبوع ..لقيت في جواله انه مكلمها..

هنا ماتحملت انا.. للمره الثانيه يعني ماتاب..

زعلت ورحت لاهلي 3 ايام وراضاني ..
قال انه يبيني ومارجع وترك دراسته الا عشان ياخذني واروح معه..واصلا البنت مريضه وبتموت..!

بصراحه صدقته خصوصا بعد ماقريت بجواله رساله منها ..:تودعه وتقول سامحني انت وام العيال..

وبعد اسبوع سافرنا ..ويوم وصلنا للأسف تكدر الجو من أوله ..لانه رن جواله..
قالي فلانه جيبيه..وأول ماقريت اسم المتصل الا هي..حسبي الله ونعم الوكيل حتى ببريطانيا لاحقته..

عصبت عليه وهو قال مالي دخل ومادري شتبي..ولارد

وهو الحين معه جوالين سعودي وبريطاني ..وعلى قوله انها ماتعرف الا السعودي

بس القهر يابنات ان رقمها في الجوالين كلهم..واحيانا ترسل على السعودي مع ان زوجي تاركه عندي ومايستخدمه كثير..

والحين صار لها شهر ماارسلت..لا وبعد اكتشفت انه يكلمها بسكايب والمسن أول طبعا..والحين مادري بس اكيد انه ماحذفها..

وانا مبينه اني ماعرف شيء..واكتم كل شيء بقلبي وماقلت لاحد..

آه وربي تعبت من الوساوس والتفكير انه الا الحين على علاقه معها..

انا ماعدت اصدقه ولا اثق فيه ابد..وهذا الي مجنني..

الحين وش رايكم اذا انتهت الاجازه ارجع السعوديه واكمل دراستي واتركه لحاله يضيع ويسوي الي يبي..ويمكن يتزوج هذيك ..ولا اجلس عنده واخلي الدراسه..واهو يقول اجلسي عندي..

بس انا ودي اعرف الى الحين يبيها ولا نزوه وراحت..والله هالغلطه مستحيل انساها لو امووووت..

تكفون انصحوني والله ماغير امشي وأسرح وأهوجس ..واضرب يمين وشمال..

ولا يوم اقرأ رسايلها في سكايب وتغزلهم في بعض..الغيره أحرقت قلبي والله..

 

[ملكةالاحاسيس]

اقول ؟؟

ريلج معطي لها وجه زيادة !!


اللهم لا شماتة مريضة وبتموت وناوية على خراب بيوت ؟؟ !! ايش هالناس يا عالم ..



اصلا ً شكل الحكاية غيييييييييييير والظاهر لا موت ولا بطيخ ..



يتغزلون ببعض حلو لحو .. شي طيب والله !! وانتي ساكته ولا مسكته عمرج ياعمري ؟؟


اقطعي هالعلاقة الي بينهم فورررررراً واحفظي كل الادلة ..



وعلى فكرة ، هالزمن كل حد يخترع له اسباب عشان يسوي علاقات او يمشي على زواجه ثانية . خليج منتبهة وحريضة على ابو عيالج .. بكرة انتي المريضة وهم الاصحاء

 

[فـــجـــر]

حبيبتي
أهدئي قليلا .. أستغفري الله و أكثري من الدعاء و الصدقة بنية دفع البلاء و أن يلهمك الله الصواب
ثم أبدأي فكري كيف تتخلصين من هذه البنت من حياتك .. زوجك لك لا تتركيه أبدا لمثل هؤلاء .. لا تقولي ملتزم و و و و و .. ، كل هذا الكلام مرفوض أمام رجل لديه رغبة و قدرة جنسية يعيش في بلد مليء بالفساد و بدون زوجته
حاولي قدر الإمكان أن تخرجي هذه البنت من حياة زوجك .. ألغي أرقامه السابقة و أجعلية يأخذ أرقام جديدة لا تعرفها البنت و حذريه من أنه يعطيها رقمه .. و اضح أن زوجك يحبك و يريدك بقربه و إلا لما حرص على أخذك معاه .. أحمدي الله أنه لم يتنازل عنك .. حاولي التفنن مع زوجك في الفراش فلو أن زوجك تقرب منها في الفراش فبالتأكيد أنه رأى منها العجب العجاب .. أشتركي في مجلة الجنس الحلا ل ستفيدك كثيرا . . كوني أكثر عاطفة و قربا من زوجك و أجعليه في قائمة أهتماماتك حتى لا يحن لها مرة أخرى ..
أختي ساعدي زوجك في أن يقطع صلته بها .. و قبل كل ذلك أحتسبي الأجر من الله سبحانه و تعالى في أنقاذك لرجل مسلم من براثن الفساد و الإنحراف ..

 

[العيون السهرانة]

حبيبتي واجهيه بالموضوع ليش الكذب واللعب يا رجال،، إذا انا ما اهمك ليش جايبني عشان تدمر نفسيتي ،،بينيله إنك تهتمين فيه وتحبينه لكن على حساب صحتك ودراستك وهو هاملنك قولي لاااااااااااا، وردي السعودية وخليه مسيرة يرجع لك وحاولي تخلينه يصارحك إذا هو متعلقنها مالك حيلة وردي بلادك وارسمي مستقبلك لا تطلبين منه الفراق والطلاق لكن شوفي مصلحتك وين؟؟وهو يبيك ويحبك وإذا يبي يخسرك ببين من تصرفاته،،،استثمري حبه وحلفيه إذا يبيك مايرد للي يكلمها وقدامك يمسح أرقامها ورجلك على رجله وين ما يروح وانتظريه في كل اوقاتج وانت فبريطانيا (بطريقة انك عاملتيله غدا..عشا..مشتهية كيكة يجبلك..إنك في غربة وخايفة ..)يعني قربيه منك بطريقة غير مباشرة واهتمي بنفسك اكثر...والله يكون في عونك..

 

[أرق من النسيم]

اقول ؟؟

ريلج معطي لها وجه زيادة !!


اللهم لا شماتة مريضة وبتموت وناوية على خراب بيوت ؟؟ !! ايش هالناس يا عالم ..



اصلا ً شكل الحكاية غيييييييييييير والظاهر لا موت ولا بطيخ ..



يتغزلون ببعض حلو لحو .. شي طيب والله !! وانتي ساكته ولا مسكته عمرج ياعمري ؟؟


اقطعي هالعلاقة الي بينهم فورررررراً واحفظي كل الادلة ..



وعلى فكرة ، هالزمن كل حد يخترع له اسباب عشان يسوي علاقات او يمشي على زواجه ثانية . خليج منتبهة وحريضة على ابو عيالج .. بكرة انتي المريضة وهم الاصحاء

ياعمري على هالرد الي يرد الروح....

صدق والله معطيهاا وجه ..وهي ماصدقت استغفر الله بس مابي اتكلم فيها..

 

[أرق من النسيم]

حبيبتي
أهدئي قليلا .. أستغفري الله و أكثري من الدعاء و الصدقة بنية دفع البلاء و أن يلهمك الله الصواب
ثم أبدأي فكري كيف تتخلصين من هذه البنت من حياتك .. زوجك لك لا تتركيه أبدا لمثل هؤلاء .. لا تقولي ملتزم و و و و و .. ، كل هذا الكلام مرفوض أمام رجل لديه رغبة و قدرة جنسية يعيش في بلد مليء بالفساد و بدون زوجته
حاولي قدر الإمكان أن تخرجي هذه البنت من حياة زوجك .. ألغي أرقامه السابقة و أجعلية يأخذ أرقام جديدة لا تعرفها البنت و حذريه من أنه يعطيها رقمه .. و اضح أن زوجك يحبك و يريدك بقربه و إلا لما حرص على أخذك معاه .. أحمدي الله أنه لم يتنازل عنك .. حاولي التفنن مع زوجك في الفراش فلو أن زوجك تقرب منها في الفراش فبالتأكيد أنه رأى منها العجب العجاب .. أشتركي في مجلة الجنس الحلا ل ستفيدك كثيرا . . كوني أكثر عاطفة و قربا من زوجك و أجعليه في قائمة أهتماماتك حتى لا يحن لها مرة أخرى ..
أختي ساعدي زوجك في أن يقطع صلته بها .. و قبل كل ذلك أحتسبي الأجر من الله سبحانه و تعالى في أنقاذك لرجل مسلم من براثن الفساد و الإنحراف ..

يقلبي مشكوره على هالدرر..

وبعمل بنصايحك...ان شاء الله

ايه بس لو تتركه نساها ونسى طوايفها..

لكن المشكله لوترجع تتصل واو ترسل عاد في ذيك الحظه ماضمنه..

 

[MalakAlrooh]

دامه يبيك معه حولي اوراقك الخارج وكملي دراستك معه
واذا اتصلت انتي الي ردي
مريضه بالقلب تتعب على اهلها
مو على زوجك
وادبيها ال عاد تتصل شكله هو يقولك مريضه شافك سكتي
قوليله انك ما تقبلين انه يتكلم مع اي احد وانك تغارين مره
واذا هو يحبك يقطع العالقه معها ولا عاد يكلمها حتى انه يقولها انه ما يبيها لا يقول
انتي الي تردين عليها اذا اتصلت وهو خله ينساها ولا عاد يفكر يستغفلك مره ثانيه
وقوليلها انك راح تشتكين عليها واذا اهلها ما عرفو يربون انت الي راح تربينها وقوليلها انك راح تكلمين اهلها ياخذون عنها الجوال ولا عاد تغث الرجاجيل المتزوجين
الله يعينك
كملي دراستك معه وحطي عيالك بالحضانه تكون قريبه منكم ولا تبعدين عنه
خليكي قدامه لا يفكر بغيرك

 

[أحاسيس وطنية]

زوجك يحبك وانت بطريقتك احتويه

كملي دراستك عنده

واشغليه بنفسك وعيالك وخليه يقوم بكل المسؤوليات

طبعا خلي عيونك مفتحة من غير مايحس

دعواتي لك بالتوفيق

 

[ســــارا]

عزيزتي لماذا جعلتيها محور مهم في حياتك ؟!
بطريقة غير مباشرة أنتي تساعديها على الالتصاق بزوجك و تعززي وجودها كمحور مهم في حياته أيضاً .
انسها أو تناسيها ببساطة واكملي دراستك و أشغلي زوجك بك و بأطفالكم خاصة أنكم في بلد غريب و بدون أقرباء أو أصدقاء.
ولا تشجعي زوجك على المضي قدما في مغامرته المسلية فهي لم تصبح مسلية و شيقة إلا بعد أخذك دور رئيسي بها (;

 

[حرب الأحساس]

اذا تقدرين تكملين مع زوجك دراستك يكون أفضل أو انتسبي --وفي بريطانيا خذي دورات لغة المهم تعلمي لا تضيعين وقتك وفي نفس الوقت خلك جنبه
والرجال مايبطلون حركاتهم ولو مريضة يعني دواها عنده؟؟؟؟؟؟؟؟؟؟
لا يستغفلك خليه يفكر فيك وفي عياله لا يحسبك بترضين بأي وضع لا حبيبتي حطي النقط عالحروف
تحترمني احترمك والعيال عيالي وعيالك خايف عليهم اهتم فيهم وفي بيتك ومو مسؤل عن خلق الله صدقيني لو أخذ على هالوضع بيدمن الحب والغزل ومضيعة الوقت زي مانت مسؤلة عن حياتك الزوجية والمحافظة
عليها هو مسؤل صحيـــــــــــــــــــــــــــــــــــــــــــــــــــــه مو مخليته يدلع عليك ويدلع غيرك وربي ابغا مصلحتك مو شرط تتمشكلين معه لا
بس فهميه مسؤلياته ووقت فراغه يقضيه مع عياله وانت تشوفين عمرك وبيحبك لأنك حبيتي نفسك وفكرتي فيها
تابعي المنتدى وبتعرفين قصدي وربي معك

 

[مايصحش هالحتسي]

انا اتوقع انه نزوة بسبب انك بعيدة عنه
ولاتوسوسين وتخلين الشيطان يدخل بينكم
انتى لاتقصرين معه بشي عشان مايتعلثلك وخليك عنده،، وادعيله بصلاة واكثري من الاستغفار
وربي يوفقك