*أهم أسباب نجاح الزواج*

[أنثى بعطر الورد]

?هو ايا اللي بيخلي،علاقة تنجح وأخري تفشل
في علاقات كتير بيكون فيها كل أسباب النجاح وبتلاقيها تفشل وفي علاقات فيها أسباب للفشل لكن ممكن تنجح
?النجاح أو الفشل بعد توفيق ربنا هو أراده من الطرفين
*وأهم أسباب نجاح اي علاقة*

1… .الرغبة المشتركة في الحفاظ علي علاقتهم والإستعداد لبذل مجهود علشان تستمر وتعيش
اي علاقه أنسانية زي الكائن الحي محتاج رعاية وأهتمام وحب علشان يكبر وينمو

?واللي جعل كريم… ولمي... يكملوا هو تمسكهم ببعض رغم التحديات اللي واجهوها?‍♀ وأستعدادهم أنهم يبذلوا من وقتهم ومجهودهم علشان يحافظوا علي،بيتهم بس اللي،ساعدهم علي دا رقم….. ??

2… ..الحفاظ علي الحد الأدني من الإحترام علاقات كتير الخلافات اللي،فيها لا تستدعي أنها تفشل أو تموت بس اللي بيوصلها لكدا هو الشرخ اللي،بيحصل في نظرة الأتنين لبعض

?مفيش حاجة ممكن توجع الإنسان زي إن الصورة الذاتية بتاعته بتهتز الصورة الذاتية عن نفسه هي اللي،بتحقق الإستقرار النفسي وبتديله قدر من الإعتزاز بالذات والثقة اللازمة لمواجهة الدنيا وتحدياتها

?جزء من الصورة دي هو نظرة الناس لينا لما اللي قدامك يفقد أحترامة ليك وبيبان في تصرفاته دا بيهد الصورة وبيسيب جواك أحساس بعدم الجدوي ?وبيقتل معني لأي حاجة. بتعملها الناس اللي بتتحرم من الإحترام أما مابتستحملش وتمشي أو بتموت نفسيا?

3… الوعي فكرة أننا نحاول نفهم طبيعتنا كبني آدميين بشكل أعمق ونعرف نفسنا وأننا نسعي طول الوقت ونستثمر وقت ومجهود في معرفة الحاجات اللي تساعدنا نزود وعينا ونشوف اللي ماكناش قادرين نشوفه

?ودا معناه أننا لازم نتكلم اكتر ونطلع اللي جوانا ونزود فضولنا عن الحاجات اللي جوا الطرف التاني واللي أحيانا مابنكونش شايفنها وعارفينها من غير دا هنفضل محبوسين داخل? نضارات اتركبت علي عنينا بنشوف اللي بتوريهولنا واللي،بيتحكم في سلوكنا وبتوصلنا لنتايج أحنا مش راضيين عنها

*أخيــــــــــرا*

مستحيل علاقتك مع الأخر تبقي أحسن من علاقتك بنفسك ساعات بنبقي فاكرين أننا لازم نشتغل علي الطرف التاني أو نشتغل علي العلاقة ?لكن الحقيقة أن معظم الوقت محتاجين نشتغل علي نفسنا ونظرتنا للدنيا والخيارات اللي،بناخدها بناء علي النظرة دي
لما نظرتنا بتتغير بنبقي،جاهزين علشان ناخد علاقتنا بالأخر لمكان جديد

 

[أنثى بعطر الورد]

ناس كتير تبقي فاكره أنها تعرف شريك حياتها بس في الغالب بتكون عارفه اللي الشريك بيظهرة فقط
وهي كمان شريك حياتها مايعرفش غير اللي هي بتقوله أو بتظهرة اكير ماتعرفش المستخبي?

وفي ناس لأنها مهمومه بإحتياجتها الشخصية مابتقدرش تحس ولا تشوف احتياجات الطرف التاني رغم أنها بتعدي عليها بدل المره الف مره
عن طريق هفوات او زلة لسان أو بحكاوي العيله

غالباً أول مره بيحصل فيها تبادل ? حقيقي للمعلومات والإحتياجات والأعتراف بالخطأ والمسؤلية بيكون قدام العيلة واللمه واللي بيحاولوا يصلحوا وفي قول أخر لو هما واعيين شويتين هيبقي قدام الكوتش….

ساعات المشكلة مش،بتكون أن العلاقة فشلت المشكلة بتكون أن العلاقة ماتجربتش اصلا و دا معناه أن الناس ممكن تعيش،مع بعض سنين ومايعرفوش بعض معرفه حقيقة
أو الطرف التاني مش مديله المساحه اللي يعبر فيها عن نفسه

الـــــــــــحــــل

الحوار المتواصل بين الطرفين لازم يبقي فيه ألتزام بالمشاركة في المشاعر والإحتياجات من غير لوم ولا توقعات

لازم نتعلم نسمع بعض مش،بهدف كل واحد يطلع صح والتاني غلط أنما بهدف أننا نفهم بعض ونحس ببعض

الحوار بيساعد الطرفين أنهم يرسموا ويفهموا الخرايط اللي بترسم العالم الداخلي بتاع كل واحد
وبتدي شريك حياته فرصة أنه يفهمة بجد ويحس بيه وهي دي خرايط الحب

كل طرف بيسمح لتاني،يشوف العالم بتاعة بيساعدة يفهمة وبياخدوا في رحله داخل ذاته

 

[أنثى بعطر الورد]

طيب واحده واحده

هي المرأة قبل ما تجوز وتشوفي طلته البهية
كنتي قعدة في بيت أهلك بتعملي ايه لمدة 20سنة أو اقل او اكتر
ها…
بتعنلي ايه
بتشتغلي ..بتذاكزي ..بتخرجي بتبحلقي في السقف.. بتزوري قريبك

يعني كنتي عايشة والله وحياتك ظريفة ليه بتتحول بقدرة قادر لمأساة لما تجوزي
يعني عندك مسؤليات ووراك شغل ولا خروجات
وقعدة مع أخواتك فله عادي يعني ولا بتتأملي سقف بيتكم
اللي حصل غيرنا سقف بيتكم لسقف شقتك?

يعني الجواز زود يومك التزمتي ببيت وزوج واطفال ولو بتشتغلي مفيش وقت ليل ولا نهار
يبقي ليه طول الوقت عايزاة هو بس يقعد معاك ويحب فيك وميخرجش برا البيت وتربطية بسلسة في رجل الدولاب

الزواج مودة وحب وسكينة وامان وأهتمام مش بكتر القعدة خالص
بتفاصيل الضغيرة بالمشاركة الفعالة بالأحساس انه هنا جنبك موجود هو ضهرك أمنك حمايتك
هو حبيبك وزوجك وابو اولادك
كفاية قعدة رواق واحلي اكله او كوباية شاي
مش محتاجة يقيم بالبيت 24ساعة علشان يوصلك الإحساس دا

ممكن يقيم بالبيت ومتحسيش خالص انه امانك ولا سندك ولا أنتي مهمة ولا موجودة في دايرة أهتمامةمن الأساس
والأحاسيس دي صدقوني مش هتيجي بطول مدة او قصرها بتيجي بالتفاصيل الصغيرة

فمتعزليش نفسك عن عالمك عن شغفك عن طموحاتك عن أحلامك عن هواياتك عن كل حاجة
لأن كل دول هما سبب أنه أختارك واعجب بيك
أختارك انتي علشان تشاركية حياتة وتكونوا بيت مش علشان تنفصلي عن الوجود وهو بس مطالب يعوض كل دول

وبعدين ايه اللي حصل علشان يسيب اصحابة او يبعد عنهم او يسيب قعدتة مع أهلة اللي بيحب قعدتهم وهزارهم
في ايه علشان يسيب ماتش الأهلي ولا يعتبرة شئ ملوش لازمة

كل دا علشان اتجوز سيادة جنابك
الراجل مش كدا انتي اضافة لحياته شريكة فيها مش كلها ليك
هتاخدي جزء منها وهيخصص وقت منها وباقي حياتة ماشي زي ما هو مفيش تغيير

هل معني كدا انه غير مسؤل ولا مش بيحبك ابدااا بيحبك امال اتجوزك ليه
لكن بيحب شغلة شغفة حياته بيحب الحرية والأنطلاق

ربنا خلق المرأة صاحبة العش بتحب البيت علشان تحافظ عليه ويبقي روحها وحياته حتي لو يتشتغل هيفضل البيت هو الأساس

وخلق الراجل بيحب الشغل علشان يفضل يكافح من أجلك انتي واولادك هي دي متعته
ودوره اللي ربنا خلقه ليه

يلا نتعلم توعية وحقوق صح مش افضل اعلي سقف توقعاتي وأتخيل حاحات مش حقيقية
بعقلي الأنثوي
وهو دا الحب والزواج وبس

#گاميليا_محمد
#مستشار_اسري