أنقذو اختكم من النصائح التي تسمعها

[جنان غايتي]

السلام عليكم ...أخباركم يابلقيسات بما انكم الأقرب الي قلبي فأحببت أن افتح قلبي لكم
أنا بقى على موعد زواجي ثمان أيام فقط انا جنوبيه شرقيه وزوجي جنوبي غربي حنا مع بعض مره متفاهمين انا قرات كثير عن الرجل الجنوبي واطبق كل ماقرأته .........ولكن أهلي وأهله مو متفاهمين ؟؟؟؟:33:
أمي امرأه شماليه وابي رجل جنوبي امي لاتحب زوجي لأن شخصيته تشبه ابوي ...لأن امي ترى انها فشلت في امتلاك حب والدي .....
المشكله انها كل يوم تقول لي اكسري كلمته لاتخلينه يتصرف زي مايبي خليك قويه دائما تقولي انتي ضعيفه ليتك مااخذتيه خصوصا ان زوجي قريبي ولد خالي وامي ماتحب خالي لأن رجل متسلط يحب يفرض رايه على كل شيء ....
وصارت مشاكل كثيييره جدا قبل ماتتم الملكه ......
وابوي يقول لي اسمع يابنيتي دلعي زوجك هذا اهم شيء واذا جاء من الدوام حطي مويه ساخنه لروجله ودلكيه طبعا امي شماليه تسمع هذا الكلام بامتعاض شديد وتقول ايه وبكره يكبر راسه عليها
ويدور غيرها
انا اذا خالفت راي امي تقولي انتي ماتفهمين بالحياة شيء لاتصدقين اللي تقرينه .......في منتدى ذولا مايعرفون شيء وانا اعلم انها امراه شماليه تحاول ان تخفى فشلها في ان تقول لي ذلك
انا اعتقد انني انا وزرجي اذا في يوم افترقنا ليس بسبب انا ولابسسبب هو
بل بسبب اهلنا ...........
لأنه والده يمارس نفس الشيء الذي تفعله امي لكن بزياده شوي
لذلك انا اعيش في حيرة كبيره افكار كثيره تدور براسي اسمع كلام من
العقل ام نفسي ام والدتي ام والدي ام منتدى بلقيس ..........

 

[الفتاة ألم وأمل]

عزيزتي انت ستعيشين مع زوجك في مكان خاص حتى وإن كانت في غرفة عند اهله لذا لن يرى أحدا من اهله وأهلك ماذا ستفعلين ..
لكن نصيحتي لا تخبري أحدا من اهلك أو اهله عن حياتكم وماذا تفعلين وماذا تقولين
أمك لا توضحي لها مطلقا عن علاقتك بزوجتك لكن إن حصل موقف يرضي شماليتها المتطرفه أخبريها حتى يرتاح بالها وتشعر بقوتك وفرض رائك كما تعتقده هي ..
فلا تدمري حياتك من أجل أشياء تافهه من وجهة نظري
واتفقي أنت وزوجك أن حياتكم لكما وحدكما مهما حصل من ضغوطات وكلام من جهة اهلك وأهله
وفقكما الله وأسعدكم ...​

 

[الفتاة ألم وأمل]

تصحيح
زوجتك__ زوجك

وأرضي غاليتي عقلك مع برك لوالديك بحدود مايرضي الله
وبالتوفيق

 

[احلى غاده]

سوي الي انتي تشوفنه صح انتي تقولين انك قريتي في المنتدى وعرفتي تملكين قلبه خليك على الطريق هذا واذا قالت لك امك شي قولي ابشري وسوي الي تشوفينه صح بعدين لا تاخذين راي امك بمشاكلك

 

[مدنفة أوصالي]

لا لا لا والله والله يا اخيتي ما خرب عليّ في حياتي أكثر من نصايح أهلنا

صحيح هم يقولون إن الحياة علمتهم بس حياتنا ما علمتهم أي شي

وهم عاشوا في زمن مافيه خيانات والناس طيبين وحتى لو صار وتضاربوا

فالبنت مردها لبيت ابوها ، صدقيني الحين اذا صارت مشكلة بين الزوج وزوجته

حتى العم يتدخل عشان الولد يطلقها وياخذ بنته، والأخ عشانه غيران من عيشة اخوه

ينصح بالسوء ويتم الطلاق، والله ياخيتي ياما شفنا اللي يشيب شعر الراس وسمعنا

أمك على عيني وراسي ولكن اذا ما بتجيب كلمة تحسن علاقتك بزوجك لا تسمعين لها

والله ان زوجي كان حاطني فوق راسه وبدينا حياتنا بأجمل ما يكون ولكن ما ان تدخلت

نصايح امي في الموضوع حتى عدت أدراجي لبيت أهلي محملة بهموم وبكلمة مطلقة

 

[مدنفة أوصالي]

عفوا ، البنت مردها لبيت زوجها*