أنت والتردد

[راجيه الرضا]

التردد من أكتر الصفات إللي بتتعب وبتضيع
منك حاجات كتير حلوة مثلًا لما يكون واحد متردد
في شراء شئ بيقعد يفكر ويلف كتير لحد
مايشتري حاجته وبعد الشراء برضه بيحس إنه
مش دا اللي كان مفروض يشتريه
أو عريس متقدم لعروسة ويفضل يتردد وقت
طويل لحد ماهي تزهق منه وترفضه
وهكذا بيكون متردد في الشقة والعفش
وكل حاجه بيأخذ منه قرار
وممكن أقبلها من واحدة علشان ممكن تسيب
القرار لأبوها أو زوجها أو حد بتثق فيه لكن لما
بيكون في الراجل دي بتكون الكارثة
بيتردد في الشراء وبالتالي دائما حاجه البيت
مؤجلة وبيتردد في إختيار القرارات والعلاقات
وحتى العلاج نروح للدكتور دا ولا دا !!!
طب نتعالج هنا ولا هنا !!
طب ندخل الولاد المدرسة دي ولا دي !!!!
طب نسافر ولا بلاش!!! طب نشتري دا ولا دا !!!
وهكذا ترددات تؤدي إلي عدم الإستقرار في
المعيشة معاه طب والعلاج ؟؟؟
العلاج محتاج حاجتين التوكل على الله
والإقدام بقلب جامد طب إزاي!!!!
يعني تعمل إستخاره وتقدم علي إللي
يقابلك بدون تردد
مثلا هاشتري كذا أول شئ يكون مقبول
بعد الإستخارة هاشتريه وهكذا هاكتفي
بالقبول بدون البحث عن شئ أخر مختلف
ويمكن فيه أحسن منه وهكذا
الإقدام على الشئ مع التوكل هايقلل من
التردد ومع الوقت هايقضي عليه



نشوى سعد