أنتي 00000وزوجك00000000في السياره000على الصااااامت!!!

[القنوت]

بسم الله الرحمن الرحيم
السلام عليكم ورحمة الله وبركاته

تختلف طبائع الناس وحالاتهم في التنقل ، في السفر، في الحل والترحال
وتبقى السيارة نعمة من الله سخرها لهم
وكما تقول العامة : ( فالسيارة تُقرِب البعيد )
أحياناً نمضي وقتاً طويلاً داخلها بين صمتٍ وترقُبٍ وتَشاجُرٍ وأحياناً أُخرى ترتفِع الأصوات ولولا إغلاق النوافذ لسمِع الناسُ
الفضائِح .







الأسرة أحياناً تجتمِع داخل السيارة أكثر مما تجتمع على إحدى الوجبات خاصة في أوقات السفر .
حتى أنني شاهدتُ برنامجاً للدكتور علي الشبيلي يتكلم فيه عن أهمية أن يستغل الأب الوقت مع أبناءه داخل السيارة خاصة في السفر وكان لا يحبذ فتح شريط أو غيره لتمضية الوقت بل كان يطلب من الأب أن يتكلم مع أبناءه ويَقُص عليهم قِصَصاً حدثت له في صغره ليستفيدوا من تجاربه

وكم منا من يبقى على الصامت داخل السيارة !







وأخيراً أقول :

أنتَ وزوجك داخل السيارة كيف تُمَضِيان الوقت – خاصة أوقات الإنتظار الطويلة - ؟
وما حالُ الأطفال خاصة وأن نشاطهم يزداد داخل السيارة ؟
لكم أفتح المجال للحديث










واللي شجعني وخلاني انقل الموضوع انه مره وحده تخيلوا ايش قالتلي
تقول تكفين يالقنوت قوليلي وش تسولفين فيه مع زوجك بالسياره انا طفشت يقولي انتي بارده ماتشجعين عالسفر كنك ميته بالسياره بالله ايش اجلس اسولف معاه


انا صدمني السؤال طبعا هالموضوع له مده وبس شفت هالموضوع افتكرت فقلت اتاري السالفه قضيه

يالله تفاعلو معانا خلنا نتعلم كيف نخلي السفر وناسه ونخلي الجو روقان

 

[red-rose 1]

تسسسسسسلمي عالموضوع
والله ننتطر افكاركم وارائكم
لانه انا وزوجي اول مرة رح نسافر بالسيارة والمسافه بعيده كتير
من 15-17 ساعه
وخايفه وقلقانه انه ما نتسلى ونزهق كتير بالطريق


يا ريت تنورونا
ويسسسسسسسلمو عالفكرة والموضوع اللي بوقتهم


وانا ما عندي اطفال يعني انا وزوجي بس

 

[سـمـو الآمـيـرة]

سولفواا عن ذكريااات طفوله قبل تعرفون بعض
عن ليااالي الحب اللي قضيتوهااا
سولفيله قد ايش تحبينه وماا تستغنين عنه
غنيييييله << وهااااذي أهم وحده
أحلى شي تدخلينه جو وخصوصاا لو صوتك حلو وااو شي غني ولاا رااح يشبع كل شوي بيقولك بعد أبي
والله يهنيكم حبوباااااتي
وتسلمين يالقنوت رووعه دوم الله يحفظك

 

[ضحكه مشرقه]

السلام عليكم
تصدقي عااااااااااااد وحنا في السفر تكون قمة الاعترافاات والمصااارحه بيني انا وزوجي
طبعا قبلها نهيئ الاجواء ونوفر للصغار ولنا المسليات من الاكل وبعدها نتفاعل وتخرج السواليف كوكتيل


نصيحه للاخوات اللي عندها موضوع وتبغى نقاااش وافي تاأجله للسفر

ولا تجعل وقت السفر كله صمت ونوووووووووم



احبك في الله

 

[رقة وعذوبه]

احنا ماسافرنا مسافه طويله اكثر شي ساعتين ونسولف عن اي شي مرات نندمج بالسوالف

ومرات اكون عالصامت واهو ينتظر مني اسولف مايسولف من نفسه وكل شوي يسألني وين

سرحانه فيه

 

[القنوت]

فديتكم مشكورين على المرور



ضحكه مشرقه تدعيمك بالصور كان مرررررررررة خطير


رقه وعذوبه لازم انتي اللي تفتحي نقاش دوري اي شي احكي قصه اوسالفه معارض فيها وتناقشوا فيها يعني لابد ماتلاقون

 

[أم عبدالرحيم]

أستغفرالله وفقكم الرحمن

 

[&دره&]

ويه انا بالديره مشاويرنا كله عالسايلنت

مرات الاحظ اقول ابيه ما اكو ولا شي نسولف فيه !!

ومرات مزاجه يتعكر واذا سألته يجاوب بصراخ واهو مشتط اقوله ليش تصرخ والله اسمعك

فيمكن من جذي ما اسولف بالسياره

 

[احلام الغلا]

عن نفسي ما تحلى السوالف الا بالسيااااااره:bleh:

وزوجي يحب السفر معااااااااااي بالسياااره >>>قولوا ماشاء الله

بس اغلب الاوقاااااااااات انوم الصغااااااار

واقوله يالله حبيبي غني لي بصووتك الحلووو

ويبدء هو يدندن وانا اسمع :bigsmile:

ومراااات اعاتبه >>لو زعلني من قبل

استغلها فرصه انه يسمعني لا مفرررر

وبث...

 

[رضاب4]

افضل مكان للنقاش السيارة كنت ابحث عن المشوار الطويل واركب مع زوجي للحديث طبعا هو يلتزم الصمت ويهز راسه فقط وكانت سوالف كثيره عن الاطفال والعائله وكل شى ولكن الان بدات اجذب انتباة بالحديث عن نفسي وعنه فقط وكيف نخطط لسعادتنا فقط تحدثي عن امور تهمه وعن شخصيتك فقط ولا مانع من سماع شريط اوبرنامج جيد

 

[انثى رقيقة]

جزاك الله خيرا اختي على هذا الموضوع الجميل والجديد ومن رأيي لابد من التركيز على نغمة الصوت بحيث تكون كلها رقة وعذوبة وكم من زوج عشق صوت زوجته اكثر من صورتها ولابد من اختيار موضوع جميل مثل ذكرياتكم الحلوة اول الزواج , لكن لابد من الحذر من الشجار والعتاب في السيارة علشان ربي يكفينا شر الطريق , مع خالص حبي لكم يابلقيسيات :icon26:.​

 

[نوووووور]

والله انا ريلي ماشالله عليه من النوع القرقه يعني الثرثار كثير الكلام مايخليج تسولفين معاااه وانا طبيعتي هاااديه ومااحب اسولف فمرتاحه من الناحيه هذي
بس وقت السفر او اذا طلعنا لازم نتناقش بامور حياتنا وشنو اللي نخطط له لمستقبلنا وسوالف فيها غشمره وضحك ويحط الاف ام ويسمع الاغاني بس انا مااحب الاغاني احاول اسكت واستغفر بيني وبين نفسي هذي الامور اللي تحصل اذا كنا بالسياره
ونسيت اقولكم اذا عيالي معاانا لازم اسمع الشكوي منهم يعني اخوي طقني اختي قالت لي كلمه ضايقتني

 

[متفائله بالله]

يسلموووووو عيوني..

دعواتك لي بس اني اكون جريئه ...

 

[حلا دسم]

رررررررررررررررفع

 

[~أغلى الغاليات~]

ما شاء الله انا وزوجي نستمتع في السياره ونسولف وايد عن كل شي وزوجي قبل ما كان يحب السفر بالسياره بس بعد ما تزوجنا وسافر معاي دوم يحن علي يقولي يبي لنا نسافر بالسياره مع بعض..وصار كذا مره انه سافر مع ربعه بعد يومين يرجع بالطياره ويقول السفر معاهم مب حلو وما قدرت اكمل ههههه يقول معاج انا ونتي نروح وين ما نبي اما معاهم يجبروني اروح وين ما يبون وما احس بمتعه معاهم..حتى لما نروح الدوام الصبح لازم نمر على كافيتيريا وناخذ لنا شاي كرك وزوجي يمشي على اقل من مهله ونسولف..ههههههه مشوار الدوام ربع ساعه يصير اكثر نص ساعه ودوم يقولي ما ابي احط لج سايق عشان ما افتقد هالقعده..ما شاء الله ..

 

[برائة]

ااااااااااااااااااااه انتو دقيتو عالجرح

اول شي الاخواات الي قالو ازواجنا يحبون الطلعه معانا اقول لهم ماشاء الله ربي لايغير عليكم

انا من فترة شحت طلعه من ريلي طوووووووووووول الطريق وهو اف اف :santa_1:

كان شويه زحمة يقول كله منج :busted_red:

وانا اسولف واسوولف بعديين خلصت السوااالف وهو بس مستمع اذا سكت قاااال سووولفي

اخر شي قال سوالفج مالها طعم ما دري كييف

(هذا الي طلع معااااك):e136:

لان طلعت الشبااب غيييير ويحب يطلع معاااهم

مع ان والله اني فرفوشة والكل يقولي اهلي وربيعاتي بس ابي تجاااااوب :c018:


لااااااكن باذن الله بلااااقي الحل معااااكم حبوباات​

 

[هند بنت عتبة]

اممم انا ساعات اكون فرفوشية واتحرش فيه طبعا عالخفيف لايدعم فينا هع هع

امم وساعات امل واتم ساكتة

بس اذا قرقت وااايد يقولي فجاة ترا كلامج متداخل سالفة بسالفة

ههههه

لانه اي شي يخطر فبالي اقوله وبعدها امد بوزي واقول خلاص مابتكلم يقول بيبين بعد 5 دقايق الا رجعت افتح الرادو مرة ثانية هع هع

 

[ام لملومه-1-]

اوووووووووو000زوجي يقولي انتي بالعه مسجل000ماشاااااااااااالله علي000خخخخخخخ

 

[القنوت]

مشكورين على المرور ياحلوات فديتكم

السياره والسفر يعطيك فرصه تفضفضين وبالذات اذا تبينه يروق معاك عالخط انصحك بدلة قهوه وتمر اوحلى خذيه معاك وخليه يشرب ويروق بالسوالف



الله يتمم على الجميع المحبه والتوفيق

 

[الى اين؟؟]

اول كنا وكان فعل ماضي ما نسكت بالسياره من السوالف الحلوه البريئه
ورحنا مع ناس ها الكلام قبل 10 سنوات كانوا على الصامت بالسياره واستعجبنا عليهم
وبعده صرنا مثلهم
لكن قبل ننقلب على الصامت
كنا مشااااكلنا بالسياره من سباب وشتام ودعاوي تصير فرجه لكل من في الطريقه
تصدقووون
الحين على الصامت احسن
او اختار سالفه مختصره جدا جدا ذات مغزى ثم اسكت واستغفر او اسبح افضل من المشاكل بكثير
والحمدلله على كل حال