أنا مطلقة وخطبني شاب غير متزوج بس له شرط .. هل اوافق؟؟ ساعدوني

د

دخل مزاجي

New member
إنضم
2009/08/14
المشاركات
167



السلام عليكم اخواتي البلقيسيات

الحمدلله الذي بلغنا رمضان
والله يعيننا على صيام هذا الشهر وقيامة



مشكلتي انني مطلقة (بدون اطفال) وتقدم لخطبتي خال صديقتي
بالاول رفضته وبعدين وافقت بس هو له شرط يبي يشوفني واهلي بدو ماعندنا شوفه
وكل شويه البنت تزن علي تبي صوره لي توريه اياها
وانا خايفه انه يشوفني بعدين يتركني او صورتي تضيع او يدرون اهلي :8:

وماادري وش اسوي هل ارفضه؟؟ والا انتضر واشوف آخرتها معاهم
لانهم طولوها واحسه متردد لاني مطلقه وانا طفشت من كثر ماانخطب وتتفركش اكثر من مره وودي استقر واتزوج

مع انه اكبر مني بـ 7 سنوات وشكله مو وسيم ابد


شوروا علي اخواتي مالي غيركم لأني ماقلت لاحد من اهلي هالكلام


وربي يسعد كل من يرد علي و يوفقها ويحقق امانيها



​
 
استخيري ثم استخيري ثم استخيري

والشوفه شرعيه ومن حقه..مثل ما وصى الرسول عليه الصلاه والسلام..
​
 
والله يااختي استخرت اكثر من مره

والشوفه احنا مانسويها ابد لان عندنا الشباب يشوفون ويتركون البنات عشان كذا نرفضها


ماادري وش اسوي
 
ارسلي صورتك وخليها توعدج بالمحافظه عليها
وحلفيها انها ترجعها ثاني يوم ..
لا تخلين الصورة عندها فترة طويله..​
 
ياخوفي والله من هالمشاكل انتي عارفه الدنيا كيف صايره , حتى لو كانت امينه يمكن تنسرق او تضيع او يحصل اي شيء .. ياما حصلت هالاشياء وانا والله مو ناقصه مشاكل

هو اليوم بيجي يشوف اهلي وبعد العيد بخطبني رسمي .. ماادري وش بيصير
 
انتبهي لا تعطين صورك لاحد من كاااان انتبهي
اذا يبغاك يتقدم رسمي و واهلك يمكن الله يهديهم ويسمحون للنظرة الشرعية
والا بكيفة اذا ما سمحوا
صدقيني الدنيا ما فيها امان هذي الايام الصورة حتى لو رجعت لك ممكن يطلع منها نسخة قبل لا ترجع
​
 
اذا جاء لمكم بالمجلس مري من عند الباب ايقالك مادريتي00والا فهمي اهلك وقوليلهم ماراح ازعل لو مااعجبته؟؟هذي التجربه الثانيه لازم اشوفه ويشوفن؟؟والله يوفقك
 
انتبهي تعطين حد صورتك لو مين من كانت الدنيا مالها امان وموضوع الشوفه فهمي امك او اخوك اي حد تحسينه ممكن يتفهم انو فرصك قليله بالزواج خصوصا من شاب ماتزوج من قبل والي طلبه من حقه ولاهو عيب وانتي مؤمنه بالارتياح النفسي بين الزوجين قبل الزواج يمكن انتي ماترتاحين لما تشوفينه فهميهم انك انتي مستفيده بعد من هالشوفه والله يكتب لك الي فيه الخير
 
انا اقول لاتعطينها صورتك واذا كان اهو نصيبك بتاخذينه ولو ايش ماصار
 
مو عذر اهلي بدو انتي كبيرة وتعرفي ايش حقوقك تقدري تطالبي بالشوفة الشرعية تكلمي اختو وتتفقي معاها متى يجو بيتكم ويشوفك ايش الكلام دا كل ما يجيكي احد يروح بسبب اهلي بدو مهو سبب لازم يرضو
 
عزيزتي عندي راي مادري اذا ممكن يناسبك ولا لا ليش ماتتطلعين مع صديقتك وامك لمكان وخالها يجي نفس المكان ويشوفك من غير ماتعرف امك وحتى انتي تشوفينه يمكن انتي بعد لك نظره يناسبك او مايناسبك الله يرزقج ولد الحلال امين
 
شكرا لكل اخواتي اللي ردوا

وربي يسعدكم ويحقق امانيكم

والله ارائكم جميلة وريحتني , بسلمكم ربي

بس موضوع الشوفه الشرعية انا ماودي اصلااا ماادري ليش ماابغى اقابلة بصراحه احسه مو آخذ الموضوع جد او مو مرتاح للفكره , بس انا وافقت عشان صديقتي اصرت علي للمرة الثانيه واستخرت وقلت يمكن خيره و وافقت
بس ماعجبني فكره انه يبغى صورة قبل يجون رسمي , طيب لو من الاول قالت الصورة بعدين الخطوبه مو يكلم اهلي وبعدين يقولون يبغى يشوف ..
والله ماادري وين الخيرة فيه

ادعوا لي اخواتي
 
رأيي اذا في فرصة يشوفك على اساس انها صدفة لكن بدون اي كلام في مكان عملك مثلا . اخويا على سبيل المثال لما حب يخطب وكانت البنت صيدلانية راح للصيدلية مالها عساس يشتري دواء وشافها لكن للاسف قال حلوة بس قصيرة وايد لان اخوي وايد طويل وبدون اي حرج للبنية انسحب من الخطبة
 
ام صقر8 قال:
عزيزتي عندي راي مادري اذا ممكن يناسبك ولا لا ليش ماتتطلعين مع صديقتك وامك لمكان وخالها يجي نفس المكان ويشوفك من غير ماتعرف امك وحتى انتي تشوفينه يمكن انتي بعد لك نظره يناسبك او مايناسبك الله يرزقج ولد الحلال امين
أنقر للتوسيع...

ام صقر وش هالراي
اللى مايجمد على الشارب
ياختى اتقوا الله في ردودكم اذا مجتمعكم يرضى بالهشي
حنا لا نرضى به لو بنتي تسوي هالحركة من وراي ياويلها ياسواد ليلها الدم ياصل لركب ههههههههه
انا بدوية مثلك ولنا عادات وتقاليد
وهذا رأيي
يابنت الناس اذا الله كاتبه من نصيبك بيجيك يتقدم لاهلك من غير صورة ولا شوفة
وبعدين اذا هو جاد ليش ما يتقدم ويخطب رسمي ويطلب لاتمام هذه الخطبة النظرة الشرعية
بس حقيقة الا هذا اوله ينعاف تاليه مراسيل وعطيني صورة احذري عندي احساس انه غير جاد
 
مرحبا أختي
حاولي مع أمك
يشوفك شوفة شرعية
أما الصورة مشاكلها أكثررررررررر من فوائدها
لوما يجيك إلا تصير منقصة بحقك لو تم الزواج
ويبي يقول أنتي الي ميته علي ورأسلتي صورتك بدون علم أهلك ومثل ها الكلام كثير
خليك من الصورة وقولي أنا ما الطلع عن شور أهلي:33:
ولله تبي تكبرين بعينة:32:
والله يدبرك على الي فيه خير وصالح​
 
خلي الموضوع عندك أهلك مدام أنه أهلك مسوين لك قدر. وهم اللي بيتصرفون بطريقة تحفظ كرامتك إن شاء الله.
 
السلام عليكم
الله يفرج عنك حبيبتي
وتتيسر امورك
بصراحة اكو هواية ردود حلوة وافكار
بس الي استفزني مسالة خافوا الله ومعرش شنو بالردود..!
يعني البنت طالبة النصيحة وكل امراة دتعطي رأيها مالها داعي كلام يهز البدن!!!
"احاجيج يابنتي واسمعي ياجارة"
النظرة الشرعية عزيزتي مهمة جدا.. وهي لكلا الطرفين
والافضل انك لو بيها مجال تكلمين اهلك وتطلبين هالشي
واذا عارفة ومتيقنة من الرفض
فالافضل تكون شخصيتك قوية ومثل مو هو رايد يشوفك ومسوي روحة عنده شخصية ويشرّط, انتي هم تريدين تشوفيه
احتمال يطلع من النوع الي ماترتاحيله
شلون رح تعيشين وياه حتى لو كان صادق النية
ياما تطلعين وية صاحبتك ويشوفكم والاحسن مع والدتك
وخلي هذا يكون شرطك

مو مفكر متزوج انسانة انفصلت عن زوجها الاول انو يقلل من شأنها
والله اعلم بالنيات

والصالح رح يصير حبيبتي مهما كانت النتائج

قال تعالى"عسى ان تكرهوا شيئا وهو خير لكم"

رمضانك مبارك ولا تنسيني من دعاءك

حنوونة​
 
لا لا لا لا لا و ألف لا لا تعطي صورتك للبنت ما تدري عن النوايا يامي سمعنا بلاوي على حكاية الصور بحجة الزواج ,,
يبي يتقدم يجي مثل الناس المحترمين يدق الباب و يطلب اللي يبي من أهلك
و بعدين بيني و بينك أكيد البنت وصفتك له و عن كل شيء فيك ..​
 
نجمة مشرقة قال:
انتبهي لا تعطين صورك لاحد من كاااان انتبهي

اذا يبغاك يتقدم رسمي و واهلك يمكن الله يهديهم ويسمحون للنظرة الشرعية
والا بكيفة اذا ما سمحوا
صدقيني الدنيا ما فيها امان هذي الايام الصورة حتى لو رجعت لك ممكن يطلع منها نسخة قبل لا ترجع​
أنقر للتوسيع...
انا معها ميه بالميه احذررررررررررررري الله يعوضك بالأفضل يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل