أنا محتجه أدخلوه الله يرزقكم الجنه

[روح الله حسيبك]

السلام عليكم عندي مشكله وهي زوجي دايم معصب أي كلمه أقولها يعصب مأدري ليش أنا متزوجه من سنه ونص احيانا أعذره لأني ماحملت لأنه مستعجل ويبي يكون أب أنا تعبت معه كل يوم نفسيه شكل وحاولت وأخذت منشطات بس ربي ماكتب مره أجهضت ومره صارت البويضات كثيره وتبويض عالي بس الدكتور ماعطاني تفجير قال أخاف تتحول أكياس وعطاني ابرة ديكاببتيل ودفاستون وبعدها نزلت الدوره وتعبت من الدوره مره وزوجدي أحسه مارتاح معي أحيانا وأحيان يصير حبوب وطيب بس أصله طيب بس رجال قلق يبي عيال في يوم وليله يبي كل شي في غمضة عين مأدري وش الحل معه سااااااااااااعدوني الله يخليكم​

 

[سرق عمري]

يختي قولي له هد اعصابك توكم متزوجين موب من زمان وان شاءلله الله بيرزقكم .....وانتي لو شفتيه مضايق لاتطرين له موضوع الحمل ولا تتكلمون عن الموضوع كثير يعني لا تكبرون السالفه والله مامداكم توكم معاريس ...الله يهنيكم ويرزقكم

 

[ريــــــــــم]

الله يرزقك الذريه الصالحه عاجلا غير اجل
والله يسخر زوجك لك ياااااااااارب​

 

[lovestore]

هلا اختي
الله يهدي زوجك اكيد هو متوتر من موضوع الخلفه اغلب الرجال كذا ويمكن هالشئ يزيد من عصبيته حاولي انك تتكلمي معاه وذكريه هالشئ ارزاق لكن حدثيه بالوقت المناسب
واذا يعصب من كل كلمه اجل انتبهي لصيغة كلامك ترا توك يمكن مافهمتي زوجك وطبعه شوفي الانماط هنا بالمنتدي وحددي نمط زوجك يساعدك كثير وانتبهي علي صحتك اذا بتتوترين عشان الخلفه ترا مايصير الحمل بهالشكل انا لي 4 سنين ماخلفت والطبيبه تنصحني اهم شئ النفسيه
والله يكون بعونك

 

[أسيرة حزن]

الله يرزقكم الذريه الصالحه آآآآآآمين يارب العالمين
يمكن زوجك يعاني ضغوطات من اهله بالنسبه لموضوع الحمل
أو فعلا متشفق الاولاد
وهذا شي طبيعي
انتي عليج بالقرآن والدعاء مع بذل الاسباب
ووصيه بالتصدق والدعاء
وامتصي غضب زوجك وحاولي تعوضينه بالابتسامه والرضا والتلطف والتودد ولا تنفعلين وتعصبين خليك ريلاكس اذا عصب عشان ينقد على نفسه لحد ما يفرجها ربك
واهم شي تحري اوقات الاجاااااابه وادعي
موفقه أختي

 

[رهومــا]

حبيبتي بقولك شي هذي وحدة من جماعتنا لها 9 سنين ماجابت شي وزوجها نفس زوجك المهم بدت تاكل حبة سودا ((حبة البركة)) تاكلها هي وزوجها باي وقت بس اهم شي تاكلها على الريق وماشاء الله شهرين على هالموال وحملت وجابت احلا بنوته الله يخليها لهم واللحين حامل بالثاني وبنتها عمرها 3 شهور بس سوت نفس الطريقة وماتوقعت انها تحمل.. والله يرزقك الذرية الصالحة

 

[شمعة تضئ للغير]

أنتم سويتم اللى عليكم والباقي على الله عز وجل ,
ذكريه أن هذي أرادة الله يختبر مدى صبركم وأنه في ناس كثير ما حملت ألا بعد سنين اللى 5 سنين واللى 10 واللى 13 سنة وأنكم مو أول ناس يتأخر الحمل عندكم 0
وانصحك ياأختي أن تجلسي أسبوع تعملين هذه الأشياء وأن شاء الله تبشرين بالخير خليك دائما على الوضوء التام حتى عند النوم وتصدقي لوباليسير واكثري من قول ( سبحان الله والحمدلله والله أكبر ولاآله الآ الله ) وأقري سورة البقرة 0
والله ولي التوفيق0

 

[أحبه ولكن]

الله يرزقكـ ياآآرب ويرزق كل محرووومــه الذريه الصالحه ,,

 

[روز..]

والله العظيم حاسه فيك كان زوجي بداية زواجي يبي عيال وعصبي طول الوقت ولما رحت المستشفى وكشفت ع نفسي طلعت سليمه ويوم هو حلل وطلع عنده شئ بسيط ع طول لفق السالفه وقال خلاص انا ماابي عيال سبحان الله في بداية الزواج كان غير والحين غير لانه ماهو متوقع العيب منه يفكرني انا الله ينصر الحريم الضعيفات
ماعليك منه واذا عصب روحي غرفه بعيده عنه

 

[فله حزينه]

الله يرزقك الذريه الصالحه

لاتخافي حبيبتي الوضع طبيعي اي 2 تزوجو جديد وماحصل خمل على طول بيكون عدم توافق الجينات

فأكثرها سنتين يعني انشالله مايمر الشهر الجاي الا وانتي حامل يارب

موفقه

 

[روح الله حسيبك]

أشكر تفاعلكم معي يابنات والله يرزق كل وحده تتمنى الحمل يااااارب

 

[يفداني بقلبه]

يارب تحملين وياااااي يارب
وكل وحده تتمنى الذريه​

​

​

​

[FONT=AF_Hijaz][FONT=AF_Hijaz][FONT=AF_Hijaz]​

[/FONT][/FONT][/FONT]

 

[تهتوهة]

السلام عليكم اختي روح
كيف حالك انشالله تكوني بخير اختي العزيزة انصحة بالستغفار وبقراءة سورة البقرة والتوكل على الله اولا
ثانيا حبيبتي هدي نفسيتك وقللي من كثر القلق والتفكير في موضوع الحمل لانو احيانا القلق والتفكير في المواضيع دي يكون سبب رئيسي في تاخر الحمل وفعلا في دراسات اكدت الشي هذا بانو كثر التفكير بالحمل والحالة النفسية السيئة تولد مادة تغلف الرحم تقتل الحيوانات المنوية
ثالثا اعملي بنصيحة الاخت رهوما وانا كمان انصحك بالحبة السودا حبة البركة لان فيها من الفوائد التي لاتعد ولا تحصى
واخيرا عزيزتي استغلي كل يوم بيومه مع ابو الشباب من غير عيال وقضو احلى ايامكم لانهم يوم يجون فديت عمرهم انا مايخلونك تحكين راسك ههههههههههههههه عيشي حياتك ياقلبي ووكلي امرك على رب العباد
ويارب قريبا عاجلا غير آجل نسمع بخبر حملك وتوأم كمان يارب انو يرزقك الذرية الصالحة حسنة الاخلاق والخلقة يارب
بس اهم حاجة اختي انشالله اذا رزقتي بالذرية لاتنسيني انا والاخوات جميع عضوات المنتدى يوم تسوين السابع تعزمييينا >>>>>>ياشين رزة الوجه شيناااااااااه
هههههههههههه امزح معاكي اختي احنا انشالله فرحتنا يوم نسمع عنك خبر حملك انشالله
وتقبلي مني خالص تحياتي وبالتوفيق انشالله

 

[روح الله حسيبك]

حبيبتي تهتوهة أشكرك وأشكر البنات من كل قلبي وحبيبتي ولايهمك بعزمك في السابع بس خليني أحمل هههههه