أنا في غرفة وهو في غرفة ساااعدوني

[همة تهفو للقمة]

:29:السلام عليكم & كيفكم ياحلوات؟
أنا عندي مشكلة مرررة مأرقتني وهي ان نومي خفيف جدا ولازم مكيف وللأسف زوجي عكسي وبعد يشاخر في نومه تعبت ما انام وانا موظفه فصرت انوم في الغرفة المقابلة وحطيت لي سرير بعد فيها واذا جا خميس وجمعة احاول انام معه بس احيانا اقدر واحيانا اذا نام اروح للغرفة الثانية وهو يضحك يقول في النهاية بتروحين ! بصراحة مليت من التنقل ومن النوم بمفردي حاول يتعالج بس مافاد وش السواة تكفون ودي انام في غرفتي واحس بدينا نبعد عن بعض واخاف يتعود ولعد يفقدني ملييييت ابي حل الله يخليكم انا في هم عطوني اراءكم تكفووون خاصة اني نفاس وبطلع بعد ايام:2:

 

[غرام السنين]

أنا ماراح أقووووول إلا من شال مخدته قلت مودته على قولت فوزيه الدريع ياعيوووووني

 

[غردين]

مرحبا عزيزتي..
يسعدني انا اكون اول من يرد عليك..
امممم انا مثلك
بس وقت ما يكون نايم ويشاااخر ارفع راسه او اغير وضع راسه وعلطول يروح الشخير..
وووفكرة انك تنامين بعيده عنه بغرفه ثانيه والله غلط..
بكرى راح تندمين عليها..

راي ليس الا..

 

[الوجه المليح]

مع كلام غردين

 

[فله14]

تصرفك هذا غلط بتتعودين ولاعودي نفسك على شخيره ولو تحبينه ماراح تحسين فيه ابدا
وتذكري من خرج من داره قل مقداره
ارجعي لغرفتك احسن لك

 

[فريدة بذوقي]

لاحبيبتي كذا غلط
ويمكن بعد فترة اذا رجعتي يكون عندة عادي ينام ويتركك زي ماهو متعود

لا تعوديه على كذا

 

[حرم الطيار]

حاولي تنامين قبلـــه

 

[همة تهفو للقمة]

شاكررة مروركم وعارفة انه خطأ بس من جد ما اقدر انام ومستحيل اني انام قبله مثل ما يقول لو تدخل نملة حسيتي فيها! والمشكلة وقت الدوام عادي يسهر على المجد الى الساعة 2 وانا مقدر!

 

[ميس2009]

حبيبتي انا من رئيي ترجع الغرفة من نفسك وتقولي لة
النوم من دونك ولا شي ولا أوصيك من الكلام الحلو(بداية الخطة )
كمان يومين ابدئي انا تعبانة عشان خاطري بس اليوم بشغل المكيف وانا اجيب لك اللحاف
ودفية لبسيه شراب مع الوقت يتعود
اما تنامي برا لا لا لا
​

 

[من اجلكم]

لا تعوديه على كذا
راح تندمين بعدين

 

[دلولة حبيبي]

أنا زوجي يشخر شخير قوي.. في بداية زواجي تعذبت بس الآن تعدوت ومابئت أحس فيه أبدا
بس غلط كبييييييير انك تنامي بغرفة ثانية

 

[Sweet J0oJ0o]

انا مع الخوات لاتنامين الا جنبه بيتعود بعدين ارجعي غرفتج احسن​

 

[روح مغليها]

الله المستعااااااااان

 

[ريانيه قطر]

خطا وحاولي تتداركينه مادمتي بالبداية لانه بعدين هو اللي راح يشيل مخدته ويروح لحاله ترى المثل يقول اذا تباعدت الجنوب تباعدت القلوب وهذا صحيح اعرف وحده قالتي من فترة بسيطة ان فيه بنات ولسه عرايس يبكون لان ازواجهم ينامون لحالهم ويغلقون على انفسهم الباب ضغطي على نفسج وتعودي المسألة هب يوم او يومين عشرة عمر والله يوفقج

 

[سيوف@]

يا أخت همة أنا من ضمن الي يعانون مثلك بس أختي الكبرى الله يسعدها هاوشتني وقالتلي ترى بيصير مايدور فيك وتندمين والله بعدها خفت والمصيبه كنت باول زواجي بس حاولت اتغلب علمشكله ونجحت والله صار هو يطاردني من غرفه لغرفه وعاد انتي وحكمتك \والي يبي شئ يصبر على مره
1\كلما بدا بالشخيرصحيه بهدؤ وقوليله ياعمري غير نومك عشان ترتاح
2\احرصي على تدفأته عشان يحس انك مهتمه فيه مو متقرفه منه
3\في الوقت الي تبين تنامي فيه عوديه على انه ينام معاك قولي السهر يرهقك ويخليك تشخر
4\سويله مساج عشان ينسى امر المكيف
واخيرا حياة سعيده ومطمأنه
واذا اصريتي على عدم التغير والتحجج بعدم التحمل
تحملي مايجيك منه
تقبلى نصائحي وهي عن تجربه \ووافيني بأخبارك

 

[مرهفه الاحساس]

هذا غلللللللللللللللللللللللللللللللللللط بعدين يتعود على بعدك عنه وما عاد يدورعليك استعيذي من الشيطان وارجعي لعشك

 

[لتوفي]

شوفي هو غلط بس اذا شي بينكد على نومتي لااااااااااااا هذا نووووووووم مو حيالله

عموما اهم شي ماتخلينه الا معطيته حقه وشبع ومايمنع تاخذي عنده غوفه بسيطه تبين تكملين ولا تروحين لغرفتك الثانيه براحتكم

على فكره مو شرط اذا نمتي برا الغرفه تقل الموده الدنيا تطورة هذاك اول ياكل ويشرب بلحاله الرجال مايشوف زوجته الا وقت النوم

الناس نفسيات كل وحده في حياتها خصوصيات انتي ادرا بحياتك دام نومك برا الغرفه يريحك ويريحه مو متضايق خلاص انا شخصيا مسويتها ومرتاحه كثير من السنفونية شخيره بتوفيق​

 

[سرآب الضامي]

هو ماقصر راح يتعالج لكن هذا امر الله عزوجل

لكن وحطي تحتها 3 خطوط

نصيح لاتعودينه انه ينام بعيد عنك راااح تندمين صدقيني

حاااولي تعودين نفسك على الوضع ونااامي مع زوجك

دمت بود

 

[تصميم]

والله يا أختي أنا أشوف لا تخسري صحتك عشان تسهري يوميا على شخير زوجك الكل يقول تندمي تندمي غريبه إيش هالتفاني بتقول عندي دوام في الصباح وين حب الذات تنسى نفسها عشان الأفندي ينام إنتي إسهري معاه لحد ما يغط بشخيره وبعدين يفتح الله إهربي نامي وإستمتعي بحياتك ما راح ينفعك إلا نفسك وفي الصباح قبل ما يصحى كوني فوق راسه وخلاص و كان الله بالسر عليم ترى الحال من بعضه

 

[بااااتي]

ياعمري على قولت الاخت
من شااااااااااااااااال مخدتة قلت مودته:29::29::29: