أنا غلطانه ولاهو

[أستغفررالله]

بسم الله الرحمن الرحيم

وشلونكم بنات أنا أمس عند أهلي المهم إتصلت على زوجي الساعه 11 وقلتله تبي تجي

تاخذنا ولالا قال لا نامي عند أهلك منب جاي والله غن هاذي كلمته قلت زين نومت الصغيرين

جلست مع خواتي 12 ونامو ودخلت ونمت المهم يوم قمت الفجر لقيته داق الساعه 2باليل

40 مره المهم دقيت عليه الفجر مايرد دقيت عليه الصبح مايرد المهم قام صلى الجمعه

ودق قلتله تبي شئ داق باليل قال ابجي اخذكم كنت يقولها بنبرت الزعلان قلت إنت قايل

نامو عند اهلك قال طيب ليش مارديتي كنت ابي اخذكم قلت والله إني نايمه المهم

قلتله متى تجي تاخذنا قال مادري بسافر اليوم قلت وين تبي تروح قال بروح الرياض

قلت وش عندك قال بروح تبع الشغل قلت زين تراني بروح معك قال لا بروح لحالي

المهم صكه انا ضاقتبي الدنيا وش عنده بروح الرياض ينصب والله شغله ماقالو

ونا والله يوم يدق نايمه والله وش أزين الحين تكفون الله يخليكم ​

 

[دلع قلبه]

معليش بس وش عمل زوجك؟؟

 

[hadifa]

زعلانة ليه اجلسي عند أهلك لغاية ما يجي يأخذك حاب يسافر اتركيه على حاله

أنت ما غلطت في شيء خليك طبيعية لما يجيك يأخذك​

 

[LALA2008]

الصراحة أنا ماشوفك غلطي بشي الله يهديه

 

[نضوج أنثى]

خلاص طنشيه لا تسوين مشكله وبالنهايه بيطلع نفسه مو غلطان تعرفين الرجال مايتعبون ماشاءالله كل شي يسوون له مخرج المهم ياقلبي خليه على راحته عشان لا يعاند او يقلب المشكله عليك كل الرجال كذا عليهم طلعات طالما الكلام اللي كان بينكم مافيه زعل او كلام جارح مشي الموضوع

 

[نســـرين]

ليش حبيبتي انتي مازعلتيه بشي خلاص اهم شي انك صادقه مع نفسك وفعلا كنتي نايمه ،،
وبالنسبه لسفرة خليه على راحته متى مابغى يجي الله يحيه ولا تكثرين الزن عليه ولا تعيدي تفتحي موضوع انك كنتي نايمه وهو داق ...
الله يهدي سركم ويريح بالك​

 

[أستغفررالله]

شغلته مدرس

يعني مستحيل يقولوله روح الرياض

ويعلم الله إني ماكان ودي يصير الي صار

وشلون أتركه لي متى وأمي تسأل وأبوي وش أقول هو دايم ياخذني معه ليش المره ذي

تكفووون ونا مادري وش أسوي وأدق عليه مايرد ودي أدري متى يرجع

 

[محبة مكة]

لا تدقي عليه
طنشيه