أنا ضايعه مع زوجي تكفووووووووووووون
السلام عليكم ورحمة الله وبركاته
بقول قصتي من أول انا متزوجه لي سبع سنوات جلست العلاقه مع زوجي انا وهو ممتازه لمدة ثلاث سنوات صحيح كانت تصير فيه خلافات لكن تنحل ونصير حلوين الين جبت طفل بعد ثلاث سنوات ونص تقريبا بعدها كل شي حلو بس كان فيه انه هو إذا بينام لازم تكون غرفة النوم زي الثلج الطفل مايتحمل فصرت اطلع من الغرفه عشان النونو وهو كان راضي لانه كان يمرض مره ونام في غرفه ثانيه انا والطفل بعدها جا الطفل الثاني والحين الثالث في الطريق وهو ينام في الغرفه لحاله وانا انام مع الاطفال صحيح اسويله زيارات الى ناموا الاطفال بس إذا كنت زعلانه او هو زعلان أحيانا انا اكون شايله منه كثير بس هو إذا زعل يرضى بسرعه انا إذا زعلت أجلس مقهوره وزعلانه وهو يسوي نفسه عادي ولا كن فيه زعل ولاحاجه ويسولف طبيعي جدا وهو أصلا مايحبني أزعل كثير ويبني أمشي أشياء واجد زي الصلاة مثلا السهرات إذا زادت عن حدها وكنت اعاتبه واكلمه واتناقش معه بس احيانا يرد واحيانا يراضيني واحيانا يقول لاتناقشيني ماسويت شي غلط بعها انا طفشت زهقت لانه مايحبني اعلي صوتي ولا يحب يطول المناقشه اصلا ماعاد صار يتناقش صار يطنش ماعاد صار بيني وبينه قبلات ولا يضمني ولا حاجه صار مشغول مره بعد مافتح له مشروع وصار عند عمال وشغلات كثير فصار مايجلس في البيت صار الصبح في مؤسسته ومع العمال ويجي الظهر ويتغدى وينام ويقوم العصر ونفس الشي يروح للمؤسسه ويجلس فيها الى الساعه تسعه بعدها يروح الاستراحه مع الشباب وجلس فيها إلين الساعه 11 أو 12 ويجي ويجلس مع عياله ويناظر التلفزيون ربع ساعه بالكثير نصف ساعه ويروح ينام وهكذا تعبت منه أحيانا احس كاني عايشه مع أخوي مافيه اي حنان او اي عاطفه لي احيانا انا اتقرب واضمه بس أحس كأنه مومشتاق لكذا مايشتاق أنه يقبلني او يضمني ماأدري وشو الحل معه تكفون وين الاستشاريات ساعدوني لاقولي حل معه
وجزيتم كل خير
وجزيتم كل خير
اسم الموضوع : أنا ضايعه مع زوجي تكفووووووووووووون
|
المصدر : الأستشارات الزوجية العامة
