أنا بنجن كيف أخلي زوجي يجي بالإجازه؟؟ِ

[محتاااااره]

السلام عليكم
بدخل بمشكلتي على طول أنا لسا والده ولله الحمد طبعا اول بيبي لي وبحكم دراستي هالسنه عند أهلي ولدت عندهم وجاء زوجِي وقت ولادتي وقعد عندنا 5 ايام وبعدها سافر طبعا اهلي بالمنطقه الوسطى وزوجي شغله بالشمال المهم الحين انا بخلص نفاسي ع الاجازه الجايه وزوجي حجز لي انا واخوي والبيبي نجيه بس انا قلت له من البدايه احتمال مااقدر اجي لأن امي ع وشك ولاده ومااقدر اخليها خصوصا انها حامل بتؤام واحتمال كبير تكون ولادتها عمليه فقالي خلاص بس انتي قصي التذاكر ومن هنا لهذاك الوقت نشوف حل المهم الحين قربت الاجازه والمحروس يقول انا مابجي ولا بطلع من المدينه اللي انا فيها مهما صار اذا تبين تجين حياك الله ماتبين انتظري لحد مايخلص الترم بعدين تعالي أنا الحين مستغربه كيف اني بخلص الأربعين ومايكون معي ماله عذر خصوصا انه بيكون عنده اجازه بس عذره ابي ارتااح أنا اعرف الرجال يكون ع أحر من الجمر ويعد الأيام عد عشان يروح لزوجته وزوجي لا وش معنى هالشي خصوصا انه اول نفاس لي واحتكال كبير اهله يروحون للمدينه اللي هو فيها يزورون بنتهم تتوقعون يبي يقضي الاجازه مع اهله وين حقي انا وحق ولده اللي من انولد ماقعد معه الا 5 ايام وش سر عدم الاشتيااق هذا تتوقعون عنده شي مغنيه عني انا احس اني بنجن من التفكير ماادري شلون اقنعه يجي خصوصا انه متمسك بموقفه وانا محتاره شلون اتعامل ويااه دلوني الله يخليكم وحاولوا تفسرون لي اسلوبه هذا اللي بيجنني معاه​

 

[رازيا]

يا بنت الحلال روحي عند زوجك ولا تتركيه لحاله فيه وحدة اعرفها مواطنة بعد الاربعين زوجها انتظرها ترجع البيت وما رجعت كانت حابة تضل شهرين عند اهلها ولما رجعت البيت لقت زوجة ثانية في البيت
الزوج ما ينترك ابدا لحاله ديري بالك واهتمي فيه ولا تخليه عرضة لبنات الشيطان وامك معقول ما في احد يهتم فيها وين اخوانك وين خواتك وما عندكم شغالة في البيت وطيب وين ابوكي يهتم فيها او روحي فترة وارجعي زوريها مرة ثانية المهم لا تتركي بيتك ولا زوجك ارجوكي انتبهي على حالك

 

[{wtn Amri}]

أول شي المدلله ع السلامه ومبروك البيبي
ثانيا والله مآ علي منه أهم شي أمي ,,
يكفي أنها تعبت معي بنفآسي
ليه مآ أرد لها هالجميل ؟!!!!!!!!!!
هذي الغآليه ماتهون علي عشآن زوجي
هو صح غالي بس مااترك أمي وهي بهالوضع
شوفي حبيبتي انتي شوقيه لولده خليه يسمع صوته لو عالجوال
وترى مو شرط هو مخبي عنك شي
يمكن يبي كلامه هو اللي يمشي
يمكن يبي يقضي العطله مع أهله ولو أن حقك عليه
بس انتي طلعي ابداعك معه ع الجوال
وان شاءالله يشتاق لك ويجيك

الله يوفقكم ويخلي لكم ولدك ويكون قرة عينك يآرب

 

[ام دوووودي]

حبيبتي ادا امك عندهاااا بنات غيرك كباااار وفاهمين انا اشوف انك تروحي مع زووووجك ولا تعانديه عشاااان ماتوقع فوق راااااسك وفتره وزوري امك وادا ماااااعندهاااا احد اجلسي عندهااا هووو المفروووض يقدر

 

[رازيا]

اسمعي مني وارجعي بيتك ولا تضيعي ولا دقيقة من وقتك بدون زوجك انصحك نصيحة اخت لاختها

 

[حلاوهـ]

انا مع كلام الاخت رازيا روحي لزوجك على الاقل يومين خليه يحس انج موجوده واذا امج بتولد على طول ارجعي لها بس ترى اذا بعدتي عن زوجك بيتعود على البعد ولا راح يهمه انتبهي ترى بنات الحرام وااااااااااااااجد >> نصيحه مجربه ..

 

[دانة الشام]

حاول تترجي زوجك تبقي عند والدتك في ولادتها واقنعيه يجي لعندك ثم يأخذك وتسافري معه لبيتكم...تكلمي معه باللين والاستعطاف ..اذا لم يقتنع لاخيار أمامك إلا اتباع زوجك ..هو بنهاية حر لاتستطيعين إجباره على الحضور حتى لو عنده إجازة ..طبعا هو مشتاق لك ولكنه ليس مضطرا أن يأتي لعندك اذا كان لايريد ..عودي لبيتك ولاتجعليها مشكلة بينك وبين زوجك..

 

[زوجة الناظر]

الله يسخره لك

 

[حلا شرقي]

روحي لزوجك ولاتخلينا بروحه ولاتعطينا مجال يسوي شي من وراك والله يوفقك

 

[الزوجة الصابرة]

روحي لزوجك والله يفرج همك ويصلح مابينكم