أنا اتقلى على نار تكفون سااااااااااعدوني !!!!!!!!
السلام عليكم ورحمة الله ----أنا توني مسجلة بالمنتدى وصراحة من كثر ماسمعت عنه تشجعت لأني في حالة مايعلم بها الا الله الخلإصة أني متزوجة من 11سنة وعندي ولد وبنت وهذا أحسن شئ حصلي في زواجي - زوجي من يوم خذته وهو رجل صامت وكتوم وتموتين ماتطلعين منه حق ولا باطل وياكثر ماصارت مشاكل على هالسالفة تعرفون الحرمة تبي الرجال يعبرها مهوب يدخل ويطلع ولا يعطي خبر ولو ألزم عليه ممكن يزعق ولا اني اسأله المهم ان هالموضوع تعودت عليه وتعايشت معه -وزيادة على كذا متبلد الاحاسيس ولا عمره والله قالي حبيبتي من تزوجته الا مرتين بلا مبالغة والكلام الحلو ممسوح من قاموسه ---وزي ماقلت لكم تعودت على كل الامور وفيه شي ابوضحه انا موظفة واساعده ماديآ وشرينا بيت ويعتمد البيت على راتبي ---مشكلتي بدت من كم شهر وأهو يقنعني أدخل جمعية بثلاث أرباع راتبي علشان أطرح قرض البنك الي عليه بحجة ان راتبه يتحرر ويقدر يطلع قرض ثاني علشان بيسوي مشروع انا قلبي قارصني من الموضوع مابي اضغط على نفسي وهو مايعطي خبر اكيد ولا مخططه الي بيسويه كل شي بسكات حتى انه تجيه مبالغ يحطها في حسابه ويغبي علي مايقول بس انا اشوف ايصالات الصراف واعرف والله يحز في نفسي -واذا قلت او سألت يزحلقني -المهم من كم شهر تزوجت أخته وساعدها بما يقارب 25ألف من عنده ولا قالي جاني الخبر من مرة أخوه وهذي عوايده أصلآ كريم على أهله أنا ماأكره بس ياليته يشاركني ويقولي ((الحياة مشاركة))لكن لاحياة لمن تنادي - حتى أنه صرف إعانة بنتي المعاقة الي موفرينها لها بدون مايسأل ولا يقول وكل ماصار شي أزعل وأرجع بعد كم يوم أرضى علشان الحياة تمشي وعلشان عيالي - وبعد زواج أخته بكم شهر تزوجت أخته الثانية وماقصر وأنا ساكته بس كبرت في نفسي ليش يغبي علي ولمتى وصراحة جا في نفسي أني أسحب نفسي من المصاريف ولاعاد اتدخل في المصاريف ولا أشاركه في المسؤليات والحين له شهر ماأكلمه بسب موضوع صاير وتلفظ علي ألفاظ شينه وغلط علي وطبعآ زعلت وطلبت اعتذار وهو ولا على باله وعايش أحلى أيامه وأنا أتقلى على نار وطنش وبالعكس زادت طلعاته ولا يجي الا آخر الليل ولا ياكل في البيت وطبعآ من دون مايعطي خبر مادري هذا عقاب لي علشان طلبت منه اعتذار والحين انا ضايعة ولا ادري وش لون احل الموضوع ولا ابي اتنازل عن الاعتذار علشان كرامتي وعلشان ماعاد يتعودها بس اهو شكله مهو مهتم والله اني لا ليلي ليل ولا نهاري نهار وش اسوي تكفون دلوني وردوا علي خصوصآ استاذة ناعمة
اسم الموضوع : أنا اتقلى على نار تكفون سااااااااااعدوني !!!!!!!!
|
المصدر : الأستشارات الزوجية العامة