أمي وزوجي ...أبي حل

[om-rashid]

السلام عليكم ورحمة الله وبركاته ..

أخواتي استشاريات وعضوات ..

لو المشكله الي راح أكتبها تخص صديقه كنت والله قاطعتها وفراقها عيد ولو هي أخت كان والله ضربتها أوسويت أي شي يردها لصوابها ولو هي بنت كنت قتلتها .. لكن الطآمه أن المشكله تخص ( أمي )

المشكله أن أمي خائنه ... خانت ربها ... خانت زوجها ...خانت عيالها ...

ما استحت ووجبت وقالت عيالي كبار ومنهم المتزوج والي عنده عيال ..

أمي لها علاقات غير شرعيه وهي جده وام لــ 14 ولد وبنت ..

أمي كانت تستحي في بداياتها وماتخلينا نحس بشي .. لكن الحين عيني عينك وياويله الي يتكلم ..

طلبت الطلاق من أبوي مية مره .. وأهانت أبوي وجرحته ... وهوكل مايشوفنا يرق قلبه ويخليها ...

شافها مره مع وااااحد من أعز أصحابه رمى يمين الطلاق عليها ...سوت روحها مسكينه تمت تصيح ورقت قلوبنا علينا وترجينا ابوي يرجعها ... ويوم وافق طلع الوجه الثاني واهااانته وذلته وقالتله لو تحرقووني مارجعت له بعد ما أهااني وجرح كرامتي ...!!!!!!!!!!!

سألناها ليش طلبتي ترجعين؟؟؟ قالت عشان أهينه !!! أنزين لييييييييييييييييييييييييييييييييش وش سوى؟؟؟!!

تكلمت أنا ونصحناها .. دعت علينا وتبرت منا ليوم الدين؟؟

انصحووها أهلها عمها واخواانها؟؟ طلعت أبوي الغلطان وهوساتر عليها عشاااانها بنت عمه وعشااانا نحن ..
يتحمل الاهانه كل يوم من ربعه .. ومن كبار العايله .. وهي ولا همها غير جوهااااا وتلفونها وطلعتها ..

ياربي ليييييييييييييييييييييييييييين متى يا أمي ...

مرت أخوي طفح كيلها وحلفت لتفضحها .... وهي معاها حق ماراح يقووولون العيوز بيقولون حرمت الولد .. وقالت أنا خايفه على بيت وبنتي ..ماتنلااام ياناس ..

أنا مرضت بالضغط دايما مرتفع وكم تنومت بالمستشفى والسبب هي ... ياناس همي أبوي واخواني وكلاام الناس الي مايرحم ..

أخوي توه أول سنه له بالكليه .. وقف دراسته تعب تعب من الدنيا وخايفه عليه ... أربع مرات ترقد بالمستشفى عنده أعصاب وارتفاع حاد بالضغط .. توه 18 سنه ليش ماتخاف علينا ...


اختي كانت بتطلق والسبب أمي .. أختي ماقدرت تتحمل معاير زوجها لها .. ويوم قلنا لأمي .. قالت أنا مايخصني ,,

أختي الثانيه خايفه أهل زوجها يدرون ...


خواتي الصغار دراستهن من سيئ إلى أسوء بعد ما كان من الاوائل ,, وش الحل يااااناس معاها..

زوجي صار مايحترمني ومايقدرني .. كل ما أقووله شي قالي انتي ألزم ماعليج بيتج وعيالج ...!!!

أنزين وأناااااااااااا ؟

صرت عصبيه ..... مالي نفس أقابل الناس ولاااا لي نفس أشوف زوجي عيالي على أقل شي أعصب عليهم .. أدري مالهم ذنب .. بس شووووووووو أسوي؟؟؟

أبوي عمره ماخان أمي وماقصر عليها بشي ... أمي أبوها له سمعته وكرامته بين الناس ..الله يرحمه
أخوانها ارفضووو يستقبلونها عندهم .. عارفين وضعها ..

الحين ارجووووووووووووووووووكم عطوني حل لها ولا تقوولون كلمووها ما تم حد ماكلمها .. ودايما طلع هي الصح ونحن الغلط ...

زوجي و شو اسوي وياه؟؟ رجع يغازل ويكلم والسبب أنه انا مالي حق اتكلم دااام هذي حالتنا ...

كلمنا أمي أنا وخوااتي وقلنالها ياأمي هذا ماجرى ... قالت والله يبونكن زين وعين واذا مايبونكن بيت ابوكن مفتوح ... معقوووووووووووله؟؟!!

أحس اني بموووت من القهر وقلة الحيله .. هذي أمي ..أمي ..أمي

 

[مستغربه]

لا حول ولا قوة الا بالله​

حبيبتي أمج انسانه كبيرة وتعرف الصح من الغلط ​

اذا انتوا كلمتوها وذكرتوها بعقوبة الزاني وما ارتدعت خلاص​

مالها حق عليج الا بالمعروف....​

كلميها مره بالشهر اتطمني عليها بس عشان صلة الرحم وعقوق الوالدين وكلميها برسميه انتي وخوانج وفهميهم انهم مالهم ذنب العيب فيها وانتوا مالكم ذنب باللي تسويه....​

خلوها تحس بغلطها يوم تحس الكل قاطعها وقوي علاقتج في ابوج وخليه يعاملها بنفس الاسلوب ويهجرها عشان اتحس بالاحتقار اكثر واكثر يمكن ترتدع....​

ادعيلها ولا توقفين دعاء​

زوجج ماله حق يغازل بسبة تصرفات امج...
بينيله انج مب راضيه عن تصرفاتها بدون ما تشكين وتذكرينه بالسالفة او تتكلمين وياه فيها وقوليله هذي اشياء خاصه ومو من حقك تناقشني فيها وعاقبيه اذا خان لانج تستاهلين زوج وفي يوقف معاج مب يستغل نقطة ضعفج ويخونج....​

حسبي الله ونعم الوكيل​

ادعي ادعي وادعي
ادعيلها بالستر لها ولج ولبناتج ترا صعبة السمعه ومالوم اخوج لانها قوة الريال بشرفه اذا انكسرت ينكسر​

الله يفرج همج ويرد لامج صوابها​

 

[om-rashid]

يزاج الله خير أختي مستغربه .. وهذا الي نسويه الحين نزورها مره بالاسبوع ومانكلمها إلا حل الزياره .. وتراها مطلقه الحين وتبي تطلع بيت بروحها ..

الله يستر علينا وعلى بنات المسلمين

الله يصبرنا ويهديها

 

[ZHR ALSHAM]

اعانك الله ام رشيد لماذا يبقيها والدك علي عصمته الافضل ان يطلقها مادامت لم تتعظ فهذا اسلم لحياتكم والله اعلم

 

[عنقود عنب]

ام راشد ...اعانك الله علي هذه المصيبة

اختي ام راشد ...انصحكم باستشارة طبيب نفسي

امك مو طبيعية ...امك مريضة نفسيا

كلامكم معها ما راح يفيد ...بالعكس راح يعقد الموضوع اكثر

وكل ما تأخرتوا في الاستشارة راح يسوء الوضع

ربي يستر عليها

تحياتي

 

[زهرة البوادي2006]

اختي امك الظاهر عنده مراهقه متأخره الله يعينكم وحاولوا انكم ما تتركوها وحدها لا تقولو انكم ما قدرتو تغيروا حالها اجتمعوا كلكم وشوفوا شو الحل الاخير خطأ انكم تخلوها يمكن يصير الاسوء اذا خليتوها وفي الاخير ما عليكم الا بالدعاء لها ليل نهار يمكن الله يهديها وتحس بنفسها

 

[ام القمره]

والله ماتملكين الا الدعاء ادعيلها ذكر الرسول عليه الصلاه والسلام وولد صالحا يدعو له الدعاء ثم الدعاء ثم الدعاء اذا الله عز وجل لم يهديها انتم بتقدرون لاكن لاتملكين الا قلب صادق بالدعاء واسال الله العظيم ان بهديها ويرجعها بعقلها ودينها