أمي او زوجي احترت

[ألم وجراح]

السلام عليكم ورحمة الله وبركاته
قولوي وش اسوي امي تقول تعالي لنا بكرى الظهر عشان بيته كبير وتبي عيالي يلعبون ويوسعون صدورهم وتقول اذا ماجيتي الظهر راح ازعل عليك لاني دايم اروح لهم المغرب وارجع بع العشاء وماروح الا بالاسبوع مره قلت لزوجي ابروح بعد ماسويلك الغداء ورفض وشلووووووون اخليه يوافق:dunno:ساعدوني

 

[جوود الحزن]

مساء الخير اختي انا من رايي ان مافيه صعوبة باقناع الرجل ان لم يكن بخاطره شي عليك
وارجعي حاولي قولي له كلمتين حلوه طالبتك بس هالمره والله امي ترجتني وقالت ان ماجيتي بزعل عليك وانا عارفه ابوفلان بار الله يسعده ويخليه لعياله موقايل شي قولي له امي تبيني وهو مو مقصر يعني كم كلمة واذا مافاد وياه خلي اهلك يعزمونه بكره على الغداء واذا اعتذر خلي اهلك يقولون طيب جيب العيال خلهم يستانسون او ابسطيه بالليل ولا جاء الصبح وزينتي غداءه قولي له بكسرة خاطر هااعمري ماغيرت رايك اذا قال لا قولي اللي تشوفه وخلاص اكيد بعدين هو من نفسه بيصير يوديكم بدري

 

[أميره]

اختي المشكله مو في زوجك ..

المشكله في امك اللي قد تسبب لك مشكله مع زوجك ..

ماله داعي ان امك تضغط عليك و تزعل اذا ما جبتي عيالك ..

قولي لها امري مو في يدي زوجي مو راضي ان شاء الله الجايات كثيره ..

و قولي لها اذا انت شفتي زوجي اطلبي منه هذا الطلب .. يمكن ينحرج منك و يوافق يجيبنا الظهر ..

 

[حياتى بلا حنانك]

انتى قولى لها ما اقدر وخليها تراعى ظروفك
وثانيا قولى لها يا امى احمد الله انه يجيبنى عندكم وطيعى زوجك تراه بعدين والله بيوديك عندهم بالليالى والايام
كنت اجلس عند اهلى ساعه وامشى لما وثق فينى وعرف معدنى وانى اسمع كلامه صار يودينى ايام عندهم وخليه مرة ينبسط عندهم وانتى ابسطيه علشان يطول بالجلسه معكم

 

[أم الثلاث بنات]

أكيد امك مراح تزعل اذا عرفت ان زوجك مو راضي اهم ماعليكي زوجك
​

 

[ألم وجراح]

جزاك الله خير------------ جود الحزن--- ----أميرة ----------مشكلة عويصة-------- ام الثلاث بنات
وانشاء الله راح احاول معه ادعو لي انه يوافق