أميرتي دلعي و دللي نفسك وقت الدورة الشهرية
- أميرتي دلعي و دللي نفسك وقت الدورة الشهرية --صب مساء اح الورد
وقت الدورة الشهرية عند الكل .. تعب ,هم , نكد, ألم , وطفش وضيق ماله حد
متعارف عند الكل..
انه وقت الدورة أو قبلها أو أنثناءها أو بجميع الأوقات ..
تكون اعصابها متوترة و متضايقه و تجيها حالة بكاء مو طبيعيه وتحس بضيقه وتكره كل شيء.. و المزاجيه تكون مرا مقفله ...
>> انواع البكاء المفاجئ و ضيقة الخاطر و لا اعرف السبب ...
طبعاً كلها اعراض طبيعيه .. و تختلف اعراضها من فتاة لآخرى..
أعرف كثير وقت الدورة الشهرية .. خلاص تعلن الحداد ع نفسها : (
تلبس لك جميع الالوان الداكنه الاسود والبني و مزاجه مرا مقفل!
طيب وش ذنب زوحك؟
وش دنب اهلك؟
وش ذنب اطفالك؟
يتحملون مزاجيتك المتقلبه : ( و يتحملون لبسك الاسود الغامق يجيب كل انواع الغلقه ) ....
كثير اعرفهم كذا ..
عندها الدورة الشهريه خلاص تعزل نفسها و تبدأ تلبس الملابس إلي تكدر.. الخاطر
لكن زوجها وش ذنبه؟
بس تعلمت و صآرت اميرة .. لأنها علمت مثل النصايح إلي بأكتبها لكم: )
وبعضهم لا تستحم : ( حرااام كذا : (
اوكي ع الأأقل اول يوم لا تستحمي عشان ما تأخر الدورة عليك
وتكوني عارفه بوقتها استحمي قبلها ..
بس انو ماتستحمي طول الدورة ليش
عشان كما هو متعارف عند الكل انه خطير الشآور عند الكل: (
معلومه غلط طبعا ..
نصائح اقدمها لكم ... اتمنى تكون خفيفه عليكم
أجعلي وقت دورتك.. الشهريه
وقت دلع لك و لزوجك و أهل بيتك.. لا تكرهين زوجك فيك يومها ..
خليك اكثر هدوء و دلع و راحه ك الأميرة : )
أولاً: وقت الدورة الشهرية دلعي نفسك بالملابس الفرايحيه ..
ألوانها زاهيه .. و قطنيه .. و دلوعيه ..
لأن هذا كله بيعكس ع نفسيتك .. وبتصيرين هادئه و مرتاحه
لأنك بتحسين نفسك دلوعه و مرتبه و نظيفه .. بترتاح مزاجيتك و بتريحين إلي معك
* * * *
ثانيا: و لازم تحرصين ع لبس الملابس الخفيفة القطينه المريحه و المرحه و زاهيه الالوان
بكذا بتصيرين اميرة مميزة ويعرف زوجك و قتها انك بإجازة بس بنوع آخر
بكذا تكوني مميزة وقت الدورة الشهرية
* * *
ثالثاً: دلعي نفسك بالسليبرز .. و الشراريب
غير كونها دلع لك .. مهمه جداً وقت الدورة الشهريه سواء كنتِ
شتاء او صيف..
لآآزم تعتنين بنفسك وقت الدورة انك تدفين نفسك و ماتمشين علي
ارض بارده أو حافيه القدمين
يسبب لك خرآب فيما بعد : (
دلعي نفسك يآ اميرتي كذآ..
رابعا : وقت الدورة الشهرية اهتمي بنظافتك الشخصيه بشكل جداً حريص..
# أحرصي ع الشاور الدافي .. و أحرصي ع إستخدام الشامبو و الصابون بالروائح الجميله .. عشان تهدي لك نفسك و بنفس الوقت تكون رائحتك نظيفه ..
# أحرصي كل الحرص ع المشروبات الساخنه .. و ابتعدي كل البعد عن المشروبات البارده و الغازيه لانها تسبب لك انتفاخ بالبطن و هواء .. و راح تسبب لك آلآم: (
من المشروبات الساخنه الممتازه ..
1- مغلي القرفه مع النعناع ..
2- اغلي زنجبيل مع نعناع مع قرفه مع كمون ..
3- كما ذكرت لكم داايم احرصي ع وضع ملعقه صغيرة من موية الورد والنعاع ع القرفه و الزنجبيل او اليانسون > من تجربه شخصيه رهيبه والله بشكل فضييع تبعد الروائح >> فاهمين قصدي .. وقت الدورة كيف...
عيوني احرصي كل الحرص ع المشروبات الساخنه ع الاقل اول ثلاث ايام اشربي قشر او قرفه او يانسون.. وابعدي كل البعد عن السكريات
ابعدي عن الموالح و الحمضيات وقت الدورة ..
لانها تزيد من هرمون الاستروجين الي يسبب متاعب للدورة الشهريه ....
و أيضاً..
- مشروب القرفة الدافئ ينصح بشربه عند اول يوم من أيام الدورة.- مشروب الحلبة المغلي المحلى بالعسل مرتان في اليوم.- تغمر ملعقة من البابونج في كوب ماء ساخنا وتترك لمدة 7 دقائق ثم تصفى، ينصح بها ثلاث مرات يوميا قبل الطعام.- مشروب الزنجبيل الدافئ ممتاز للشاكيات من قسوة ألم الحيض.- مشروب البقدونس الدافئ يخفف آلام الدورة الشهرية مع ضرورة التقليل من ملح الطعام لأنه يزيد هرمون الاستروجين الذي يسبب متاعب الدورة.- تناول احدى الكبسولات الطبيعية(عبارة عن فيتامينات متوفرة بالصيدلية) مثل: كبسولة زيت السمك، كبسولة زيت زهرة الربيع، كبسولة فوسفات المغنيسيوم، هذه الكبسولات تعمل على ارتخاء العضلات و تخفيف التقلصات.- تناول حبة سوداء مع مرة مخلوطين مع العسل.
* * * *
وقت الدورة الشهرية لازم تتبعين هالنصايح حتى تكوني أميرة متوجه بكل وقت : )
1- احرصي وقت الدورة ع استخدام المكياج الناعم وانتِ بالبيت .. ع المناكير الملونه بكل وقت : )
والله ما له ذنب زوجك و لا حتى اهلك يشوفونك بشكل منفرومتعب كانك بحداد لا سمح الله
ع الاقل لو مرطب شفايف .. وكريم خفيف ع وجهك : )
2- احرصي كل الحرص ع العطور البآرده وقت الدورة الشهريه ..
مثل عطور المسك من بودي شوب او زهور الريف
او عطور البيبيز جونسن بيبي خلي ريحتك مثل الاطفال وقت الدورة
استحمي بجل شاور اليبيز من جونسن و بعدين تدهني بكريم الاطفال والبودره و تعطري بعطور بارده
ابعدي عن العطور الحاره و البخور ودهن العود لانها قويه و ممكن تعكر لك مزاجك .....
ازم تحرصين كل الحرص ع تغيير الفوط بشكل مستمر حتى لا تسبب لك الروائح الكريهه و الفطريات و الالتهابات.. ولاتنسي الشاور الدافي يوميا..
4-احرصي كل الحرص ع غسل المنطقه بالغسول المناسب و الديتول .. وابتعدي كل البعد عن الصابون .. العادي..
5- انتبهي تغسلين المنطقه بالمويه البارده مره او الحاره .. وانتبهي توجيهن المويه للمنطقه بشكل قووي .. ترا بيتعبك ويمكن يسبب لك الم و اندفاع الجراثيم للداخل و لاقدر الله يمكن تسبب لك شي مو كويس لاقدر الله لان المنطقه تكون وقتها رقيقه وحساسه..
6- حاولي تخصصي ملابس داخليه خاصه بوقت الدورة الشهرية .. واعملي مساج لبطنك وتدفي زين
7- لازم تحرصين كل الحرص ع الأكل وقت الدورة بشكل جيد وبكثرة لانك تفقدين سوائل ودم كثير لازم تعووضينه بالأكل الجيد من الخضار والفواكهه والمأكولات المفيدة وابعدي كل البعد عن المأكولات الرخويه اللزجه و الموز و البصل و الثوم و الباميه و الملوخيه .. والبطيخ.. ترا الجووع الشديد مرره خطير لانه يسبب لك خف بالرحم
8- نصيحه مهمه جداً يابنات وقت الدورة ع الاقل ثلاث ايام الاولى البسي بنطلون قطني داخلي يكون ماسك ع جسمك
9- يابنات انتبهو تشليون اشياء ثقيله وقت الدورة مره خطير يجي اثارها بعدين آلالام بالظهر و نزول بالرحم...
اسم الموضوع : أميرتي دلعي و دللي نفسك وقت الدورة الشهرية
|
المصدر : الحمل والولادة
