معلومات أحلى سعودية
- إنضم
- 28 مايو 2008
- المشاركات
- 56
- مستوى التفاعل
- 0
- النقاط
- 0
أمنية حياتي اني ألاقي حل لمشكلتي
السلام عليكم ورحمة الله وبركاته
انا مشكلتي بدأت معي من تزوجت بعد الزواج سافرت اسبوعين شهر العسل بس بعد مارجعت وليتني مارجعت بدأت اعرف زوجي وافهم تخيلو بعد مارجعت اكتشفت انه يكلم بنات ويغازل سكت بعدين فتشت في جواله لاني شكيت فيه والا اناماكنت ناويه وربي اني افتش في جواله بس تصرفاته هي الي خلتني اسوي كذا لقيت رسايل حب وغزل وخيانه من حريم ارسلوا له وبعد لقيت صورت بنت في جواله وبعد سكت قلت راح اشوف ايميله دخلت على ايميله ولقيت رسايل بعد نفس الطريقة وقتها عصبت وصارحت له وقال لي هذا شغل انتي تعرفين ان شغلي اختلاط قلت له اعرف بس الي اعرفه بعد وش دخل الصور ورسايل الحب والعشق في الشغل بعدها قال مو لي لزميل ماعنده ايميل ويستعمل ايميلي سكت بعدين جاني يوم وقال لي ابي الخدامه اوديها عند زميل لي زوجته حامل وتعبانه واهلهم مو هنا ساكنين في بلده ثانيه قلت خلاص اذا على كذا خذها بعد مااخذها وجابها بعدها بيومين قالت لي الخدامه ان بابا وداني عند شقه فيها بس 2بنت مافيه رجال ابدا اني نظفت البيت لهم وغسلت ملابسهم بس مافيه حتى ملابس للرجال ابدا انا وقتها عصبت وتضايقت وطلبت الطلاق ومارضى يطلقني وقلت له ودني للبيت زميلك ابي اتعرف على زوجته مارضى وجلس يحلف انه زميله وان الخدامه تكذب سكت بعدها صرت اكتشف رسايل في جواله وعلى النت وكل ماصارحت له يصرفني في اي شي ويحلف حتى في عياله وغير عن كذا مايحب يجلس في البيت ابدا حتى لو كان يوم جمعه وبعد مااقوله نفسي انك تجلس معي في البيت مثلي مثل اي 2توهم متزوجين يقولي الرجال الي يجلس بالبيت مو رجال حرمه واذا قلت له نفسي اطلع انا وياك برى نشوي او نتعشى برى يقولي انا مو فاضي على اني من تزوجته وربي يشهد على كلامي اني ماقصرت معه ابداحتى اني اسوي له يوم ميلاده واتزين له واتكشخ له واسوي له اجواء رومنسية اذا كان خارج البيت علشان اذا رجع يلاقي جو حلو بالبيت بالاخير راح يتصل على امي ويقول لها بنتك رومانسيه اكثر من اللازم حيرني معه وتعبني صرت الحين اكرهه يوم عن يوم يقل حبي له واكره بنته بسبته انا الحين صار لي سنتين متزوجه صدقوني اني دعيت له ان الله يهديه وامي تدعي له بس ماادري ليش حاسه انه مايحبني وانه مخليني وحده جالسه بالبيت بس علشان اجيب له عيال يحملون اسمه وهو ماخذ راحته بهالدنيا هو يقول انه يحبني ومايبي يتركني وانه مافيه احد بحايته غيري بس الي اشوفه بحياتي بنات كثير وربي حاسه اني بدخل بحاله نفسيه بسبته واتمنى من كل قلبي ان مشكلتي توصل للدكتوره ناعمه ارجوها رجاء اخت طالبه مساعدتها ولها مني لو يتغير زوجي اني راح اكافئها على الي اقدر عليه بس اتخلص من المشكله الي انا فيها وربي اني ماانام اليل ادري طولت عليكم بالكلام بس ربي يعلم الي فيني ولكم مني جزيل الشكر والتقدير
اسم الموضوع : أمنية حياتي اني ألاقي حل لمشكلتي
|
المصدر : الأستشارات الزوجية العامة