أمــــي الحبيبه سبب المصائب ؟؟ ماذا افعل؟؟

[ملكة قلبي]

مرحبا خـــــــــــواتـــــــــــي ...

انا ابي اكتب مشكلتي اللي ماعرف لمين اشكيها او لمين يحلها لي ...
وجيت اكتب لكم مشكلتي ازلا حتى افضفض اللي بداخلي وثاني شي ان شاء الله اجد الحل وثالث الدعااااااااااااااااااااااااااااااااااااااااااااااااء لامي بالهدايه ...

امي فري بالمختصر المفيد على انها في الخمسينات بس مايبين عليها ابد ابد
عانيت وايد قبل الزواج معاها , واما تزوجت حتى اهرب من العيشه اللي انا فيها اللي كل يوم هواش على عبايه وعلى طلعات وعلى روحات لاماكن مش مسموحه من الاهل بسبب العادات والتقاليد

طبعا اللي يهاوشون اخواني و زوج اختي ...
والمصيبه الاكبر التي لم احسب حسابها ان زوجي صار مثلهم قام يكلمني امك شفتها وامك موجود في المكان الفلاني وامك سوت وانتوا ليش ساكتين عنها ليه ماتنصحونها عيب اللي تسويه حرمه في عمرها تعمل كذا ...

انا طبعا ماقدر اقول لها شي ولا حد يقدر يقول لها شي شخصيه قويه ولا ترضى احد يتحكم بها ... وخاصه اذا حد كلمها تتمادا في فعلتها ...

انا كلمتها وقلت لها انتي ليش ماتروحين للأستاذه ناعمه يمكن تفيدج...

بس بصراحه انا خايفه وايد وايد بتسألون من وشو ..؟؟؟؟؟؟

مش من الطلاق لاااااا ولا اعتقد هو يفكر بهذي الطريقه بس انا خايفه يمنعني او تتغير معاملته لي بسبب حيات امي اللي عاداتهم وتقاليدهم ماتسمح للمرأه تعمل كذا,,,

كفايه انا ممنوعه من اشياء واااااااااااااايد في حياتي لان هم من النوع المغلق ..
انا ماقدر اعيش في قفص انا انسانه من حقي اعيش ومع ذالك راضيه ومستحمله بس اذا اكثر مااااااعتقد استحمل وافكر في الطلااااااااااااااااق وايد وايد تراودني هذي الفكره

انتوا شرايكم اذا تغير علي شو اسوي وشلون اتعامل معاه ؟؟؟؟؟
مع ذالك انا مارضى على امي !!!!!!!!!!!

ملاحظه ...:
ابوي متوفي ( الله يرحمه )
ومن الاشياء اللي تسويها امي , لبس عبايه ضيقه , تسوق سياره , مكياج كامل والشعر اللي قدام طالع من الشيله , تتمشى في اماكن للشباب مثل الشوارع اللي يدورون فيها الشباب , اذا في احتفالات او فاز منتخب تروح المسيره وطول على صوت المسجل وفاتحه الشبابيك وضحك , والشباب طبعا يلاحقونها وهي تفرح وتضحك وتسافر بروحها بعض المرات , وغير بعد ماذكر شنو

وهذا كله قدام زوجي شافه يعني انااااااااا شاسوي بليز قولولي
وانا اتمنى الاستاذه ناعمه تعالجها من اللي هي فيه
ونسيت اقول لكم شغله
زوجي يقول لي عيب اللي امج تسويه مو حلوه في حقنا نحنا انسباها وتشيل اسمنا
يعني شقصده
وانا وايد نفستي تعبانه احس حتى ماصغت الكلام عدل بس اتمنى تعطوني حل ...
سوري على الاطاله ...
يارب تهديها على طاعتك

 

[وردة الحجاز]

لاحول ولا قوة إلا بالله

الله يهديها يارب

لي عودة إن شاءالله

 

[خالدية]

أختي ملكة قلبي ..الله يهدي أمك بس أوصيك ببرها مهما عملت والدعاء لها بالهدايه ولا تنسي سهام الليل فإنها لا تخطي ابد ..والاستغفار مفعوله عجيب ..وبالنسبه لزوجك أنتي اثبتي شخصيتك عنده ووضحي له ان ماتعمله أمك انت غير راضيه عنه..

 

[بحرينية وافتخر]

والله ما ادري شقول لج
ادعي لها وخبري زوجك اذا جاب لك سالفتها قول له حتى انا نصحتها كذا مرة وما اقتنعت

حاولي انك تقعدين معاااها اكثر حتى لو انك مو راضيه على تصرفاتها اكسبيه صيري صديقتهااا اكثر واكثر عشان تقدرين تقنعينها انها تشوف الاستاذة ناعمة

 

[بحرينية وافتخر]

عذرا يا اختي
نسيت اقول لج
لا تحاولي انك تقولين لها عن تصرفاتها انسي هالجانب لفترة بسيطة حتى تتقربين منها اكثر وبعدها تستشرين عليها انها تروح للاستاذة

 

[الأسطـــــورة]

صراحة الله يعينك فعلاً انتي بين نارين

افهم موقفك جيداً زعلك من كلام زوجك على امك والموقف المحرج اللي امك حطتكم فيه

بس ماقلتيلي وش موقف اخوانك الذكور مالهم سلطة عليها؟؟؟!!!!


ذكريها بالاخرة والموت حاولي تزيدي الجانب الايماني عندهاوادعي لها بقيام الليل بالهداية لانها بساعة غفلة الله يهديها ان شاء الله

 

[**بحر الأمل**]

`الله يعينك حبيبي حااولي كلميها وذكريها بالاخره وخوفها من الموت وعليك ببرها مها حصل وربنا معااك إن شاء الله

 

[ملكة قلبي]

لاحول ولا قوة إلا بالله

الله يهديها يارب

لي عودة إن شاءالله

مشكوره حبيبتي على مرورج

وانا انتظر عودتج بفارغ الصبر

 

[ملكة قلبي]

أختي ملكة قلبي ..الله يهدي أمك بس أوصيك ببرها مهما عملت والدعاء لها بالهدايه ولا تنسي سهام الليل فإنها لا تخطي ابد ..والاستغفار مفعوله عجيب ..وبالنسبه لزوجك أنتي اثبتي شخصيتك عنده ووضحي له ان ماتعمله أمك انت غير راضيه عنه..

مشكوره حبيبتي على النصيحه
بس الحمدلله احنا كلنا في طاعتها على اللي تسويه
وبالنسبه عن زوجي احاول قد ماقدر ماكون ضعيفه علشان مايعاملني بأن ماوراي ظهر
وانا خايفه من نقطه اني ابين له ان تصرفاتها ماتعجبني وايد خايفه بس انا اقول له صح هي امي بس انا شخصيتي غير وهي شخصيتها غير وانا طبعي غير عن طبعها

 

[ملكة قلبي]

والله ما ادري شقول لج
ادعي لها وخبري زوجك اذا جاب لك سالفتها قول له حتى انا نصحتها كذا مرة وما اقتنعت

حاولي انك تقعدين معاااها اكثر حتى لو انك مو راضيه على تصرفاتها اكسبيه صيري صديقتهااا اكثر واكثر عشان تقدرين تقنعينها انها تشوف الاستاذة ناعمة

مشكوره حبيبتي
انا الوحيده اللي كلووووووووووووز معاها بس مابيدي شي
يعني اسرارها كلها عندي ماتسوي شي الا هي تقولي
وحاولت اني اهديها بطريقه غير مباشره ماقدرت
والحين انا تعبت نفسيا من السوالف اللي تعلمني اياها قلبي تعب
والفتره الاخيره صرت شوي مارد عيها بعذر مشغوله مع عيالي لان مابي اسمع شي يغثني

 

[ملكة قلبي]

صراحة الله يعينك فعلاً انتي بين نارين

افهم موقفك جيداً زعلك من كلام زوجك على امك والموقف المحرج اللي امك حطتكم فيه

بس ماقلتيلي وش موقف اخوانك الذكور مالهم سلطة عليها؟؟؟!!!!


ذكريها بالاخرة والموت حاولي تزيدي الجانب الايماني عندهاوادعي لها بقيام الليل بالهداية لانها بساعة غفلة الله يهديها ان شاء الله

مشكوره حبيبتي على مرورج
اه اه ايي والله موقف صعب وايد صعب
اواني ياما زعلو ولا كلموها شهور وردو وزعلوا ورددوا الحين قالوا خلاص احنا نبي بس بر الوالدين يعني نحبها ونسلم عليها ونأدي واجبنا خلاص غسلنا يدنا منها

 

[ملكة قلبي]

`الله يعينك حبيبي حااولي كلميها وذكريها بالاخره وخوفها من الموت وعليك ببرها مها حصل وربنا معااك إن شاء الله

مشكوره ياقلبي على مرورج
تصدقون انا ماجيب لها هذي السالفه
بس الغريبه انها تقولها عادي يعني احنا بنموت خل نستانس في حياتنا وحنا راضين بالقدر
يعني تعرف عدل مش اللي ماتعرف او ناسيه

 

[..شموخ عزي..]

الله يعيينك يارب ويهدي امك

على العموم انتي فهمي زوجك انه اش ذنبك انتي تشيلي اخطاء غيرك ..
قولي له شوفني انا معاك ماقد عرضتك لاي موقف محرج وهذا المهم اما امي ماقدر عليها ماتسمع لي ابد
وقولي له يقفل عالموضوع وماعاد يفتحه ابد..

 

[وينك ياغلاالروح]

الله يعينك يارب ................ والله مشكله ياليت الكتوره ناعمه تشوف لها حل..............

 

[جورية الخبر]

غاليتي ..
الله يهديها ويصلح بالها وينور قلبها بالإيمان والطاعة ..
أكثري من الدعاء لها في ظهر الغيب ..
بس عندي سؤال يا قلبي ؟؟
هي من اول عمرها كذا ,, او بس بعد ما توفى الوالد ؟
يمكن الوالدة تبي تتزوج علشان حاسة بالوحدة ..
يعني يمكن انتو اهملتوها .. وكل واحد منكم انشغل ببيته وعياله ..
على كل حال .. حاولي تودينها معك محاضرات وندوات لعل الله يردها اليه ردا جميلا ..
تقبلي مروري

 

[شهد الحلوه]

الله يهون عليك ,,,شكل ابوك توفى عن امك وهي صغيره
الله يهديها يااارب
انتي الان تقولين شسوي اذا تغير علي زوجي ,,,,,طيب هو ماتغير عليك ليش حاطه هالفكره السلبيه براسك ترى من كثر ماتفكرين كذا فعلا زوجك بيتأثر ويتغير عليك,,,فهمتي علي ,,,
احمدي ربك قايمه قاعده وابعدي عنك هالوساوس وادعي لامك بالهدايه
المشكله الان بأمك موزوجك
ادعي لهاااا دااائما وابدااا ودامك مقربه منها اقنعيها تروح للاستاذه ناعمه ,,,وان شالله تنحل مشكلتها
وتعيشين سعيده انتي وزوجك واهلك بعد

 

[راجية الغفران]

كان الله في عونك

 

[ليتني احتويك]

لاحول ولا قوة إلا بالله الله يهديها ..

 

[تحيه للعلم]

ملكة قلبي امج الله يحفظها لكم هذا طبعها من على أيام الوالد الله يرحمه؟؟؟ والا بعد ما توفي ابوكم؟​

 

[No 1 Noo]

اتوقع امك عانت من طفوله مكبوته بشكل خانق

بعدين انفتحت مرة وحدة زهذا