ألم الدورة الشهرية وشغل البيت والبيبي

[Dr.Dee]

السلام عليكم يابلقيسات,,,,,
:clap:انا أول مره أشارك وأحب آخذ مشورتكم,.,.,
أنا قبل مااتزوج والدورة الشهرية تألمني لحد الموت:in_love: الشديد,ويوم تزوجت توقعت إنها بتخف شوي, لكن مافي فايده ألمها زايد
والحين ولدت قيصري ,ومازالت آلامها.
مين عندها حل لهذي المشكلة لأني والله العظيم أنحرم من إي شي ضروري ابغى اصلحة سواء كانت عندي مناسبة مااقدر آكل حبوب ويهدى الألم ولاعندي إختبار ماأحضرة وإذا سفر والله إنة يتكنسل.

أفيدووووووووووني​

 

[قلايد الخيل]

خذي رشاد اقري فية سورة البقرة والهمي منة الصباح على الريق
سمعت من كذا وحدة انة فادها
الرسول صلى الله علية وسلم قال فى معنى الحديث انها ركضة من الشيطان
وسورةالبقرة لاتستطيعها البطلة يعنى الشياطين
دعواتى لك بالشفاء

 

[قلايد الخيل]

عفواردى للاخت جمرةغضى وليس لك ياعزيزتى من الحماس تلخبطت

 

[قلايد الخيل]

اشربي قرفة مع زنجبيل وكمون مع سكر والافضل عسل من اللحظة اللى ينزل عليك ودفي نفسك والبسي شراب حتى بالصيف
الله يعين الحريم!!!!!!!!!!!!

 

[جواهر عمان]

وأنا مثلك عزيزتي آلم شديد أثناء الدورة الشهرية وعندي ولدين كنت أحسب أو كان يقال بعد ما تتزوجي بتروح الآلام ولكن بعد ما تزوجت أحس إن الألام زادت وأشرب القرفة والزنجبيل وأبتعد عن كل ما هو بارد وأسخن بطني ولكن ما في فايدة أبد

 

[مسرعه بشويش]

والله صدق زادت عالاقل اول ريحه الاكل عادي الحين لا اتقرف اعوذ بالله وارجع الله يكرمكم

 

[مسرعه بشويش]

وشغل البيت اسبوع ماعرفه الا اذا اكلت حبوب ناسبتني بس ماقدر اخذها دايم الله يستر علينا بس

 

[جمرةغضى]

يابعد عمري يـ((اقلايد الخير)) مشكوره يارب يسلمك من كل شر

يارب يجزاك برياحين الجنه انتي وانا وكل مسلم

 

[سلة خوخ]

علاجك عندي إن شاء الله

أنا مثلك.. مستحيل تجيني بدون مايدرى عني احد من كثر ما انوح وأئن واتأوه

وكنت اضعف الإيمان بندول او مسكن بالببيت مع الكمادة الدافية أو محمولة الى المستشفى مغذي وابر ومسكنات وقصص طويلة

إلى أن >> حلوة ههههه

طحت على المشروب السحري اللي اغاني عن المسكنات ..
وهو :
خذي من عند العطار ورد لافندر او خزامى ,, وورد محمدي (الكل مجفف)
واعملي منه شاي واشربيه
اللي عطتني الوصفة مغربية تقول انهم يشربوه لمدة اسبوع مرتين يوميا" ويختفي الم الدورة لمدة سنة
أختك في الله مو متعودة تشرب اعشاب ,, اول مرة شربته جتني حومة وغثيان , دورة في الراس,, والله يكرمكم اسهال وقيء .. وخفت مرة فكرت حالي تسممت
وكلمت المغربية قامت تضحك علي وقالت لأن الوصفة تنظف الجسم من السموم.. بس كانت الاعراض لأول شربة فقط والان لااشعر بذلك

حاليا انا استخدم هذا الشاي كل شهر إذا حسيت بتعب..والله اني استغنيت عن المسكنات تماما".. بس طبعا" لازم أدفي نفسي..

وهذه تجربتي الشخصية

 

[منذو مبطي]

ياعمري يالحريم <<< وجه يبي يبكي
عيوني أنا كنت مثلك اموت إذا جتني لدرجه أن زوجي ذاك اليوم يصير عنده حاله طوارئ ويشيل هم
المهم قالت لي شغاله اخو زوجي على خلطه صرت اسويها وارتحت كثير وهي عباره عن ماء تغلين فيه شوي حلب ثم تصفينه وتكونين محضره ملعقه حليب بودرة +قرفه+ شوي سكر وتصبين عليهم مغلي الحلب وبعد ماتشربينه تدهنين بطنك بزيت زيتون وفلفل ويكون دافي ثم تلحفي ونامي راح تقومين مرتاحه مره
والله من عقبها ماشلت هم شي اسمه دورة الحمد لله مع العلم اني قد ولدت المفروض ماتعورني بهالشكل
والشي الثاني الاهتمام بالنظافه الشخصيه والتشطيف بمويه دافيه وتغيير الفوطه ب استمرار حتى لو غيرتيها باليوم 7 مرات مو مشكله خصوصا الايام الثلاث الاولى ولبس الشراب امر مهم الاكل لاتجوعين ابد وابعدي عن الحوامض والحار والغازيات حاولي تاكلين ملعقه صغيره من الرشاد خلال الايام الثلاث الاولى راح ينزل كل الدم وتكون الدوره اللي بعدها اقل الم ....
ماقدامك الا العافيه وماتشوفين شر