ألحقوا يابنات هل الي سوته صديقتي صح ولا غلط

[حائرة في امرها]

بسم الله الرحمن الرحيم
هذا الله يسلمكم مرة صديقتي كانت خارجة مع ريلها في يوم من الايام فتركها ريلها في السيارة وكان ناسي التلفون في السيارة فجاسها فضول وقامت تطالع المسجات المرسلة فحصلت مطرش مسج لوحدة يقول فيها (رديت الشوق لقلبي اتمنى تكوني احسن وحدة في الدنيا .حبيبتي ) فهي انصدمت شوي بس قامت ونقلت الرقم على تلفونها المهم حصلت على مسج ثاني انه مطرش لها رصيد 100 درهم . وبعدين هي ردت البيت وتصلت على الرقم فطلعت وحدة المهم هي ماقالت شي هذه وقامت كل ما حصلت التلفون تتطالع التلفون ونسيت اخبركم ان ريلها يوم رد السيارة قام وشل التلفون ومسح الج المرسل المهم ما حصلت شي لمدة اسبوع وامس في يوم الجمعة حصلت مس وارد في تلفون ريلها من نفس الرقم (صباح الفل ,جمعة مباركة مابعتلي رصيد يائلبي ) وهو ما كان فاتح المسج بعده المهم هي شو سوت طرشت لها مسج على اساس ريلها تقول (شو قاللولج جالس على بنك ابعتلج رصيد كل شوي ) ومسحت المسج وبعد هي طرشت ترد ( اسفة كتيير عل الازعاج وما قصرت ) فردت عليها صديقتي (طز فيك ) فردت هي (اسفة ) فشو رايكم التصرف هذه صح ولاخطأ

 

[قصه شتا]

طيب ليش ماتمسح الرقم ورسايلها
وكل حاجه
وهو طبعا مايقدر يسالها لان موقفه صعب
وقولي لها تكون طبيعيه جدا
لكي يرتعب زوجها ومايعرف من مسح البيانات مالت البنت
وش رايك

 

[ميــــاسة]

اذا كانت عارفه ان زوجهاا ماراح يعصب او ماراح يصير بينهم مشاكل
تمسح كل الرسايل والرقم
عشان يعرف انهاا عرفت
وترسل له رساله
تكتب ((كل بني آدم خطاء، وخير الخطائين التوابون))

 

[حائرة في امرها]

فكرة بس اهي شاكة ان هي تكون اخت صديقه والزوج دوم يتكلم عن صديقه واهلها ومشاكلهم حق زوجته الي هي صديقتي وهو دوم صريح وياها واذا تكلم مع أي وحدة يكون صريح معاها وهي واثقة فيه لانه مو من طبعه الخيانه بس هي محتارة ما تعرف شو الطبيعة

 

[حائرة في امرها]

والله فكرة المشكلة ان ريلها دايما صريح معاها ومو من طبع الخيانة

 

[رنين الصدى]

في طريقة اسلم واحسن :
تفتح سيلولير زوجها وتغير رقم واحد برقم هالحقيرة بس
ساعتها لما بيرسل اي شي على اسمها بيكون عم يوصل لرقم تاني

 

[همسة حزينة]

صرااااحه عجبتني احسها شجاااعه ماشاء الله عليها

الله يكفيها تعصيب زوجها ويصرفها هالخبيثه عن حياتها

 

[سماره الحلوه]

احسن فكره انها تمسح الرقم او زى ما قالو لك تغيره بارقام تانيه ... انا لو مكانها لا قدر الله امسح الرقم و خلاص ..

 

[غيرهم كلهم]

تشتري بطاقة تانية وتغير الرقم برقم بطاقتها

وهيك بتشوف شو كان ببعتلها وكل شوي ترسله عبيلي الرصيد

وهيك تكسب رصيد بعد هههههههه​

 

[الصمت المبحوح!!]

عليها بالدعاااااء وكثرة الاستغفار

 

[صلاتي سر سعادتي]

في طريقة اسلم واحسن :
تفتح سيلولير زوجها وتغير رقم واحد برقم هالحقيرة بس
ساعتها لما بيرسل اي شي على اسمها بيكون عم يوصل لرقم تاني

ماعجبتني الطريقه تخيلي لو يطلع الرقم الثاني لوحده متزوجه وشاف الزوج الرسايل تتوقعي أيش بيصيير؟؟؟؟؟ يعني يصلح بيت وينهدم بيت ثاني وانا أشووف اللي سوته صديقتك عين العقل وياريت تكلميها بعد وتهزئيها بدوووون ماتقولي لزوجك

 

[هبله تهبل]

تلحق على عمرها وتمسح الرقم والرسايل من جواله لانه احتمال يكون في اتصال بعد هالرسايل منه عليها مو معقول بينهم بس رسايل
​

 

[أم عيون حلوة^^]

أخ من هالرياييل صج مالهم امان

يعني هو يرضى ان زوجته هي اللي عندها هالرسايل وتكلم ريال؟؟؟؟؟

اشلون يرضاها لنفسه اذا ما يرضاها لزوجته؟؟؟ صج طز فيها خرابة البيوت

اللي سوته صديقتك شوي بعد

آنة لو محلها اضيع عمرها وافضحها بكل مكان واخليها ماتسوى فلس

والله شي يقهر

الله يصبر صديقتك المسكينة

الحمدلله الله كشف زوجها لها .. الله يسخره لها ويحس بغلطه

والله ان رفيجتج صابرة وعندها حسن تصرف والا مثل هالاشكال تفضحينهم وشوي عليهم بعد

الله يراويها ويجعل كيدها في نحرها الاستغلالية

متعرفة عليه حق يعطيها ويصرف عليها ؟؟!!!!!!!

 

[ليمونة فوشية]

الله يعينها

 

[حائرة في امرها]

شكر خاص لكل الي ردوا علي وشكرا على نصايحكم والحقيقة انه هذه اول مرة تكتشف فيها ربعتي هاي السالفة لان زوجها مو من النوع الي يطلع ويسهر ولا مكالمات ولا من اصحاب الانترنيت ومن نوع الي يحب زوجته وايد فهي مستغربة و من قلتها على ردودكم اصبحت واثقة من الي سوتها واهي تفكر في انه تخزن رقم تلفون الثاني الي موجود عند العيال باسم هاي البنت وتشوف كيف العلاقة هي اكتشف السالفة من تاريخ 11 من هالشر وناوية تشوف فاتورة التلفون على المكالمات الصادرة حتى تتأكد من السالفة عدل وهل السالفة يشكل خطر عليها ولا لا

 

[دموع الاىوركيد]

زين الي سوته واحسن شي تمسح الرقم من جواله
بس ممكن يكون هو حافض الرقم
احسن شي تغير رقم مكان رقم
مثلا يكون الرقم 765349296
تغيره الى 76543926
لاني انا سويت هذي الحركه مع زوجي وما اكتشف الامر​

 

[حائرة في امرها]

شكر خاص لكل الاخوات وصدق انكم خير عون ممكن تكونون وان شاء الله كل وحدة فيكم تحصل على مرادها في الدنيا والاخرة

 

[ذهب ماسي]

هههههههه والله انها زي ذكية نفس الحركة فيما مضى سويتها في بنت الحرام والله ماقدر زوجي يواجهني وكان خجلان من نفسة الشمالي الشرقي أعطية بوسة مني على قوة قلبها واذا قدرت تراسلها وتقابلها برى وتكفخها يكون أحسن

 

[زيزو66]

الله يكون فى عونها

 

[أم كادي]

طيب ليش ماتمسح الرقم ورسايلها
وكل حاجه
وهو طبعا مايقدر يسالها لان موقفه صعب
وقولي لها تكون طبيعيه جدا
لكي يرتعب زوجها ومايعرف من مسح البيانات مالت البنت
وش رايك

أوافقك في الرأي في انها لازم تمسح رقم مسودة الويه و ما تترك له أثر أبد
ولازم تتعامل وياه بنعومة و رقة ولا تحسسه بشئ أبد ...
لأنه لن يتجرأ أنه يسألها ...
وبعد لازم أنها تراقب تليفونه بشكل ذكي و بدووووووووووووون ما يحس
لأنه لو شك في أنها درت بيحاول يقفل التليفون أو أي شئ آآآآآآآآآآآآآخر​