بحط لج صور ومعلومات عنه حبيبتي
( المها ريجنسي للشقق الفندقية) في الشارجة و قريبة من دبي و موقعها خلف (نوفا بارك للشقق الفندقية) و بالنسبة لي موقعهم استراتيجي
بالرغم من انهم مو واضحين يعني يبيلها حوسة عشان تدل موقعهم من أول مرة.. تحت الشقق مباشرة 2 سوبر ماركت و صيدلية و انترنت كافيه و صالون نسائي و مصبغة و أعتقد هالأشياء ضرورية للمسافر
وإذا ضعتوا و ما دليتوا موقع الشقق _ تراها قريبة عند كريستال بلازا و سوق الشارجة المركزي و خور الشارجه
..
أخذنا بالدور الثامن
غرفة ديلوكس رقم (805) تتكون من سريرين و حمام (و أنتم بكرامة) و فيها تلفزيون و القنوات فيه اماراتيه و الـMBC موجودة بعد، وفيها مطبخ ( بس ما أسميه مطبخ
لأنه كبت و ثلاجة بس
و الثلاجة داخلها أكل ( و طبعا بفلوس ) و إخواني ما صدقوا من الجوع يوم شافوا الأكل هجموا عليه وطلع سعره دبل اللي بالجمعيات
الباونتي 5 درهم و الكتكات 4 درهم و الريد بول 5 درهم أعتقد أو 7
والجلاكسي أعتقد بعد ب3 ..ماني متأكدة والله
والحمام عزكم الله(صغير جدا ) و هذا عيبه ..فيه شطاف و مرحاض (يعني مو حمام عربي) عزكم الله ..و فيه مجفف شعر و فيه shower و يحطون لكم صابون و شامبو ..
و الثانية رقمها (806) و هي suite :
فيها صالة و تلفزيون و حمام (عزكم الله ) ومزود بـ(كما ذكرت سابقا) بس أكبر شوي ، و فيه مطبخ تقريبا 3*3 و المطبخ مزود بفرن سخان يعني اللي نفس الميكرويف ( هذا عيبه الثاني ) بس فيه سخان ماي معاه و فيه بلكونه تصلح لتجفيف الملابس و موقعها حلو
و فيها غرفة وحدة بس (سرير نفرين) على قولتهم
و الخزانة داخلها Saftey box ..
خدمة تنظيف الغرفة جيدة و طبعا بدون مقابل ( مو مثل أغلب فنادق دبي ..لازم بالمقابل أو ماا ننظف
)
باقي أقول لكم عن السعر
( الليلة 650 للغرفة و السويت اللي أخذنا ) و هم جنب بعض و مسكرينهم بباب من الزجاج المعتم
اللي مو واضح يعني..
بالنسبة لخدمة النت : مو مجانية .. الساعة ب 15 درهم و اليوم الكامل 35 درهم و تقدرون تأجرون لاب توب من عندهم ب 150 درهم لليوم
..
بالنسبة لعدد الأفراد بالغرف (مالها حد معين) و الفطور أو الريوق تزيدون 50 درهم زيادة على سعر الغرف و مالها حد للأفراد يعني لو 10 يفطرون بهالسعر مو مشكلة .. و البوفيه طبعا الشخص ب 45 درهم ..
منقوووول للامانه واتمني اني فدتج
